‘വിങ്​സ്​ ഒാഫ്​ കംപാഷൻ’; സുഹൂൽ അൽ ഫൈഹ- കെ.വി ഗ്രൂപ്പ്​ പങ്കാളികളാകും

മസ്​കത്ത്​: കോവിഡ്​ തീർത്ത പ്രതിസന്ധിയിൽ കുടുങ്ങിപോയ പ്രവാസികളെ ചേർത്തുപിടിച്ച്​ നാടണയാൻ കരുതലൊരുക്കുന്ന ഗ​ൾ​ഫ്​ മാ​ധ്യ​മ​ം-മീ​ഡി​യ​വൺ മി​ഷ​ൻ വി​ങ്​​സ്​ ഒാ​ഫ്​ കം​പാ​ഷ​ൻ പദ്ധതിയിൽ ഒമാനിൽനിന്ന്​ സുഹൂൽ അൽ ഫൈഹ-കെ.വി ഗ്രൂപ്പ്​ പങ്കാളികളാകും. തിരികെയെത്താൻ ആഗ്രഹവും അർഹതയുമുണ്ടായിട്ടും പണമില്ലാത്തതിനാൽ ബുദ്ധിമുട്ടുന്ന 25 പേർക്കാണ്​ ഒമാനിലെ പ്രമുഖ ഭക്ഷ്യോൽപന്ന കയറ്റിറക്കുമതി സ്​ഥാപനമായ സുഹൂൽ അൽ ഫൈഹ-കെ.വി ഗ്രൂപ്പ്​ ടിക്കറ്റുകൾ നൽകുക. 

പ്രവാസികൾ ഏറെ കഷ്​ടതയനുഭവിക്കുന്ന ഇൗ മഹാമാരിയുടെ കാലത്ത് മാധ്യമവും മീഡിയാവണ്ണും ഇങ്ങനെ ഒരു സംരംഭമൊരുക്കിയത് അഭിനന്ദാർഹമാണെന്നും ഇതിൽ ഭാഗമാകാൻ കഴിഞ്ഞതിൽ സന്തോഷമുണ്ടെന്നും ഗ്രൂപ്പ്​ മാനേജിങ് ഡയറക്ടർ അബ്​ദുൽ വാഹിദ് പറഞ്ഞു. 

പ്രവാസികൾ ഏറെ പ്രയാസമനുഭവിക്കുന്ന കാലമാണിത്. ജോലിയും ശമ്പളവും ഭക്ഷണവും താമസിക്കാനിടവുമില്ലാതെ നിരവധി പേർ കഷ്​ടപ്പെടുന്നുണ്ട്. നാടണയണമെന്ന ആഗ്രഹം സാമ്പത്തിക പ്രയാസം മൂലം ഇവരിൽ പലർക്കും സ്വപ്​നമായി ശേഷിക്കുകയാണ്​. ഇത്രയേറെ പ്രയാസം മുെമ്പങ്ങും പ്രവാസികൾ അനുഭവിച്ചിട്ടില്ല. ഇൗ പ്രയാസ ഘട്ടത്തിൽ ഇത്തരക്കാരെ സഹായിക്കുക എന്നത് പൊതു സമൂഹത്തി​െൻറ കടമയാണ്. ഇൗ കടമയാണ് തങ്ങൾ നിർവഹിക്കുന്നത്​. ഇതിലും രൂക്ഷമായ സാമൂഹിക സാഹചര്യമാണ് ഇനി വരാനിരിക്കുന്നത്. ആ അവസരത്തിലും  കഴിയുന്നത്ര സഹായങ്ങൾ സമൂഹത്തിനായി ചെയ്യുമെന്നും അബ്​ദുൽവാഹിദ്​ പറഞ്ഞു. 

സുഹൂൽ അൽ ഫൈഹ-കെ.വി ഗ്രൂപ്പ്​ സാരഥികളായ അബ്​ദുൽ വാഹിദ്​, അബ്​ദുൽ ജബ്ബാർ, അബ്​ദുൽ ലത്തീഫ്​ എന്നിവർ

 

അർഹതയുണ്ടായിട്ടും ടിക്കറ്റിന്​ പണമില്ലാത്തതിനാൽ നാട്ടിലെത്താൻ കഴിയാത്ത ​പ്രവാസികൾക്കായാണ്​ ‘വിങ്​സ്​ ഒാഫ്​  കംപാഷൻ’ പദ്ധതി വഴി സൗജന്യ വിമാനടിക്കറ്റ്​ നൽകുക. 

കോവിഡിൻെറ പശ്​ചാത്തലത്തിൽ ഇന്ത്യക്കാരെ നാട്ടിലെത്തിക്കാൻ ഇന്ത്യൻ സർക്കാർ അയക്കുന്ന പ്രത്യേക വിമാനങ്ങളിലെ  യാത്രക്ക്​ തെരഞ്ഞെടുക്കപ്പെട്ടിട്ടും ടിക്കറ്റിന്​ പണമില്ലാതെ കഷ്​ടപ്പെടുന്നവക്കാണ്​ വിമാനടിക്കറ്റുകൾ നൽകുന്നത്​.  https://woc.madhyamam.com/ എന്ന വെബ്​സൈറ്റിലൂടെ ടിക്കറ്റിനായി രജിസ്​റ്റർ ചെയ്യാം.  

നൻമ വറ്റാത്ത പ്രവാസി സമൂഹവും വ്യവസായ നായകരും നിശബ്​ദ സേവകരും കൈകോർത്താണ്​ ‘വിങ്​സ്​ ഒാഫ്​  കംപാഷൻ’ പദ്ധതി യാഥാർഥ്യമാക്കുന്നത്​. പദ്ധതിയുമായി സഹകരിക്കാൻ താൽപര്യമുള്ളവർക്ക്​ ഒമാനിൽ 00968 79138145 നമ്പറിൽ വാട്​സ്​ആപ്പ്​ ചെയ്യാം.