അൽ ഹംറ മേഖലയിലെ കാട്ടുതീ നിയന്ത്രണവിധേയമാക്കി

മസ്​കത്ത്​: ദാഖിലിയ ഗവർണറേറ്റിലെ അൽഹംറയിലുണ്ടായ കാട്ടുതീ നിയന്ത്രണവിധേയമാക്കിയതായി റോയൽ ഒമാൻ പൊലീസ്​ അറിയിച്ചു. റാസ് അൽ ഹർഖ് മേഖലയിലെ ദുർഘടമായ മലനിരകളിലുള്ള വൃക്ഷങ്ങൾക്കും മറ്റുമാണ് ബുധനാഴ്ച രാത്രി തീ പിടിച്ചത്.

മലയിടുക്കുകളും മറ്റും നിറഞ്ഞ മേഖലയായിരുന്നതിനാൽ ഹെലികോപ്​ടറിൽനിന്ന്​ വെള്ളമുപയോഗിച്ച്​ തീ കെടുത്താനാകുന്ന സാഹചര്യമായിരുന്നില്ല. ​തുടർന്ന് എയർഫോഴ്സി​െൻയടക്കം വിമാനങ്ങളിൽ 250ഓളം സേനാംഗങ്ങളെ എത്തിച്ചാണ്​ തീ കെടുത്താൻ ശ്രമങ്ങൾ ആരംഭിച്ചത്.