വോ​ട്ട​ര്‍മാ​ര്‍ ഒ​രു സ്ഥാ​നാ​ർ​ഥി​യോ​ട് ചെ​യ്ത​ത്...!

കാ​ലം 1995, തേ​വ​ര എ​സ്.​എ​ച്ച്​ കോ​ള​ജി​ൽ നി​ന്ന്​ എം.​എ പൂ​ര്‍ത്തി​യാ​ക്കി​യ കാ​ലം. അ​ഭ്യ​സ്​​ത വി​ദ്യ​െൻറ അ​വ​സാ​ന പ്ര​തീ​ക്ഷ​യാ​യ പാ​ര​ല​ല്‍ കോ​ള​ജി​ല്‍ വാ​ധ്യാ​രാ​യി. അ​ക്കാ​ല​ത്താ​ണ് എ​ല്ലാ​വ​രേ​യും പു​ള​ക​ത്തി​ലാ​റാ​ടി​ച്ച് പ​ഞ്ചാ​യ​ത്ത് തെ​ര​ഞ്ഞെ​ടു​പ്പ് വ​ന്ന​ത്. നാ​ടി​െൻറ മു​ക്കും, മൂ​ല​യും ഉ​ണ​ര്‍ന്നു, പ​ല നി​റ​ത്തി​ല്‍ കൊ​ടി​ക​ള്‍...​തോ​ര​ണ​ങ്ങ​ള്‍...​ആ​ന​ന്ദ​ല​ബ്​​ധി​ക്കി​നി​യെ​ന്തു വേ​ണം...? അ​പ്പോ​ഴാ​ണ് ര​ണ്ട് പ്രാ​വ​ശ്യം കോ​ള​ജ് യൂ​നി​യ​ന്‍ ഭാ​ര​വാ​ഹി ആ​യി പ്ര​വ​ര്‍ത്തി​ച്ചു പ​രി​ച​യ​മു​ള്ള എ​ന്നി​ലെ രാ​ഷ്​​ട്രീ​യ​ക്കാ​ര​ന്‍ സ​ട​കു​ട​ഞ്ഞെ​ണീ​റ്റ​ത്. എ​ന്തു​കൊ​ണ്ട് ഒ​രു സ്ഥാ​നാ​ര്‍ഥി ആ​യി​ക്കൂ​ടാ​യെ​ന്ന സു​ഹൃ​ത്തു​ക്ക​ളു​ടെ നി​ര്‍ദേ​ശം കൂ​ടി​യാ​യ​പ്പോ​ള്‍ എ​െൻറ മ​ന​സ്സി​ലും ല​ഡു പൊ​ട്ടി. നാ​ട്ടു​കാ​രും അ​ടു​ത്ത സു​ഹൃ​ത്തു​ക്ക​ളു​മാ​യ ജോ​ണ്‍സ​ൺ, ടോ​മി, രാ​ജു, ബി​ജു തു​ട​ങ്ങി​യ​വ​രു​ടെ സ​മ്മ​ര്‍ദ​വും നി​ര്‍ബ​ന്ധ​വും ഞാ​ന്‍ മു​ഖ​വി​ല​ക്കെ​ടു​ത്തു. ആ​രെ​ങ്കി​ലും ഒ​ന്നു നി​ര്‍ബ​ന്ധി​ക്കൂ എ​ന്ന് മ​ന​സ്സി​ലു​ണ്ടാ​യി​രു​ന്ന​ത് പു​റ​ത്തു​കാ​ണി​ക്കാ​തെ.... എ​െൻറ കു​ടും​ബാം​ഗ​ങ്ങ​ളു​ടെ മൗ​നാ​നു​വാ​ദം കൂ​ടി നേ​ടി മ​ത്സ​രി​ക്കു​വാ​നു​ള്ള തീ​രു​മാ​നം ഉ​റ​പ്പി​ച്ചു. അ​ങ്ങ​നെ ഞാ​നും ഒ​രു സ്ഥാ​നാ​ർ​ഥി​യാ​യി, സ്വ​ന്തം പ​ഞ്ചാ​യ​ത്താ​യ എ​റ​ണാ​കു​ളം ജി​ല്ല​യി​ലെ ആ​മ്പ​ല്ലൂ​രി​ലെ വാ​ര്‍ഡ് ന​മ്പ​ര്‍ ഏ​ഴി​ൽ. പാ​ര​ല​ല്‍ കോ​ള​ജ് അ​ധ്യാ​പ​ക​നാ​യ എ​നി​ക്ക് അ​നു​വ​ദി​ച്ചു കി​ട്ടി​യ ചി​ഹ്ന​മോ? ബ്ലാ​ക്ക്​ ബോ​ര്‍ഡ്.

പ​ത്ര​പ്ര​വ​ര്‍ത്ത​ക​നാ​യ കൂ​ട്ടു​കാ​ര​ന്‍ സു​നി​ല്‍ വെ​ണ്ട​യ്ക്ക നി​ര​ത്തി, 'അ​ധ്യാ​പ​ക​ന് ചി​ഹ്നം ബ്ലാ​ക്ക്​​ബോ​ര്‍ഡ്'! . ഉ​ന്തി​െൻറ കൂ​ടെ ഒ​രു ത​ള്ളും കൂ​ടി​യാ​യ​പ്പോ​ൾ ഞ​ങ്ങ​ള്‍ ആ​വേ​ശ​ത്തി​ലാ​യി. ഭീ​ഷ​ണി​യും, പ്ര​ലോ​ഭ​ന​ങ്ങ​ളു​മാ​യി മു​ഖ്യ​രാ​ഷ്​​ട്രീ​യ പാ​ര്‍ട്ടി​ക​ള്‍ എ​തി​രി​ട്ടു. കോ​ള​ജ് യൂ​നി​യ​െൻറ ഭാ​രം വ​ഹി​ച്ച അ​നു​ഭ​വ​ജ്ഞാ​നം കൈ​മു​ത​ലാ​യി ഉ​ണ്ടാ​യി​രു​ന്ന​തി​നാ​ൽ ഒ​ന്നും ഏ​ശി​യി​ല്ല. രാ​പ​ക​ല്‍ ത​ന്ത്ര​ങ്ങ​ള്‍ മെ​ന​ഞ്ഞു. കൈ​യി​ൽ ഉ​ണ്ടാ​യി​രു​ന്ന​തും ക​ടം മേ​ടി​ച്ച​തും ത​പ്പി​പ്പെ​റു​ക്കി, നോ​ട്ടീ​സ​ടി​ച്ച് മി​ച്ച​മു​ണ്ടാ​യി​രു​ന്ന സ്ഥ​ല​ങ്ങ​ളി​ല്‍ ഒ​ട്ടി​ച്ചു. അ​ന്ന് മൊ​ബൈ​ല്‍ ഫോ​ണി​ല്ല, ഇ-​മെ​യി​ലോ, വാ​ട്ട്‌​സ് ആ​പ്പോ ഇ​ല്ല. സ​ക​ല​മാ​ന ആ​പ്പു​ക​ളേ​യും നേ​രി​ല്‍ കാ​ണ​ണം, വോ​ട്ട് അ​ഭ്യ​ഥി​ക്ക​ണം. ഭ​വ​ന സ​ന്ദ​ര്‍ശ​ന​ത്തി​ന് ഇ​റ​ങ്ങി​യ​പ്പോ​ൾ അ​ധ്യാ​പ​ക​നാ​യി​രു​ന്ന​തി​നാ​ല്‍, വി​ദ്യാ​ർ​ഥി​ക​ളും, അ​വ​രു​ടെ മാ​താ​പി​താ​ക്ക​ളും സ്‌​നേ​ഹ​പൂ​ർ​വം സ്വീ​ക​രി​ച്ചു. ജ​യി​ച്ച​തു ത​ന്നെ. അ​ന്ത​മി​ല്ലാ​ത്ത ഭാ​വ​ന ചി​റ​കു വി​രി​ച്ച് റാ​കി​പ്പ​റ​ന്നു. എ​ല്ലാ റോ​ഡു​ക​ളും ടാ​റി​ടും, കു​ട്ടി​ക​ള്‍ക്ക് സൗ​ജ​ന്യ ട്യൂ​ഷ​ന്‍ ഏ​ര്‍പ്പാ​ടു ചെ​യ്യും, ഇ​തു​വ​രെ കേ​ര​ളം കാ​ണാ​ത്ത ഒ​രു മെ​മ്പ​റാ​കും, ഒ​ടു​വി​ല്‍ ആ ​ദി​ന​മെ​ത്തി. എ​ന്തി​ന് ശ​ങ്കി​ക്ക​ണം? ഭൂ​രി​പ​ക്ഷ​ത്തി​ല്‍ എ​ത്ര കു​റ​വ് മാ​ത്ര​മെ​ന്ന് കൂ​ട്ടു​കാ​ര്‍ ത​ല പു​ക​ഞ്ഞു.

വോ​ട്ടു ചെ​യ്യാ​നെ​ത്തു​ന്ന​വ​രെ​ല്ലാം മു​ഖ​ത്ത് നോ​ക്കി പു​ഞ്ചി​രി​ക്കു​ന്നു​ണ്ട്, അ​വ​രെ​ല്ലാം ബ്ലാ​ക് ബോ​ര്‍ഡി​ല്‍ കു​ത്തി​യ​തു ത​ന്നെ... റി​സ​ള്‍ട്ട​റി​ഞ്ഞ​പ്പോ​ള്‍ എ​െൻറ ത​ല​യാ​ണ് ശ​രി​ക്കും പു​ക​ഞ്ഞ​ത്, വെ​ളു​ക്കെ ചി​രി​ച്ച​വ​രെ​ല്ലാം വെ​ടി​പ്പാ​യി ച​തി​ച്ചു. ബ്ലാ​ക്ക്​ ബോ​ര്‍ഡി​ല്‍ കു​ത്തു​ക​യാ​യി​രു​ന്നി​ല്ല, കു​ത്തി വ​ര​യ്ക്കു​ക​യാ​യി​രു​ന്നു, അ​വ​ര്‍....​ആ​കെ 32 പേ​ര്‍ മാ​ത്ര​മാ​ണ് എ​ന്നെ തി​രി​ച്ച​റി​ഞ്ഞ​ത്. എ​െൻറ കു​ടും​ബ​ക്കാ​ര്‍ ത​ന്നെ അ​തി​െൻറ എ​ത്ര​യോ ഇ​ര​ട്ടി​യു​ണ്ട്. ഞാ​ന്‍ കൊ​ടു​ത്ത വാ​ഗ്ദാ​ന​ങ്ങ​ള്‍ എ​ല്ലാം അ​വ​ര്‍ എ​നി​ക്കു ത​ന്നെ തി​രി​ച്ചു ത​ന്ന് ഭം​ഗി​യാ​യി കൈ ​ക​ഴു​കി. എ​െൻറ സ്വ​പ്ന​ങ്ങ​ളെ​ല്ലാം വെ​ള്ള​ത്തി​ല്‍ വ​ര​ച്ച വ​ര പോ​ലെ മാ​ഞ്ഞു പോ​യി. അ​പ്പോ​ള്‍ മ​ന​സ്സി​ലാ​യി, വോ​ട്ട​ര്‍മാ​ര്‍ സ്ഥാ​നാ​ർ​ഥി​ക​ള്‍ക്ക് ന​ല്‍കു​ന്ന​തും വെ​റും വാ​ഗ്ദാ​ന​ങ്ങ​ള്‍ മാ​ത്ര​മാ​ണെ​ന്ന്...!