മ​ഴ​യി​ൽ പൊ​ലി​ഞ്ഞ്​​ മ​ത്ര​യി​ലെ വാ​രാ​ന്ത്യ ക​ച്ച​വ​ടം

മ​ത്ര: ക​ന​ത്ത മ​ഴ​യി​ല്‍ വി​റ​ങ്ങ​ലി​ച്ച് മ​ത്ര സൂ​ഖ്. വ്യാ​ഴാ​ഴ്ച രാ​വി​ലെ തെ​ളി​ഞ്ഞ അ​ന്ത​രീ​ക്ഷ​ത്തി​ലാ​ണ്‌ സൂ​ഖ് തു​റ​ന്ന് പ്ര​വ​ർ​ത്തി​ച്ച​ത്. ഒ​മാ​നി​ലെ‌ കാ​ലാ​വ​സ്ഥ വ്യ​തി​യാ​ന മു​ന്ന​റി​യി​പ്പി​ന്‍റെ ഭാ​ഗ​മാ​യി ശ​ക്ത​മാ​യ മ​ഴ​യു​ണ്ടാ​കു​ന്ന ഇ​ട​ങ്ങ​ളി​ല്‍ ഇ​ത്ത​വ​ണ മ​സ്ക​ത്തും ഇ​ടം പി​ടി​ച്ച​തി​നാ​ല്‍ മ​ഴ ഏ​ത് സ​മ​യ​ത്തും സൂ​ഖി​ലെ ക​ച്ച​വ​ട​ക്കാ​ര്‍ പ്ര​തീ​ക്ഷി​ച്ചി​രു​ന്നു. ഉ​ച്ച​ക്ക് ശേ​ഷ​മാ​ണ് മ​ഴ ഉ​ണ്ടാ​കു​ക എ​ന്ന് കാ​ലാ​വ​സ്ഥ മു​ന്ന​റി​യി​പ്പി​ൽ പ്ര​തീ​ക്ഷ​യ​ര്‍പ്പി​ച്ചു​ള്ള മു​ന്നൊ​രു​ക്ക​ങ്ങ​ളാ​ണ് ക​ച്ച​വ​ട​ക്കാ​ര്‍ ന​ട​ത്തി​യ​ത്. വാ​രാ​ന്ത്യ ദി​ന​മാ​യ​തി​നാ​ല്‍ പ​തി​വു​പോ​ലെ അ​ത്യാ​വ​ശ്യം ഉ​പ​ഭോ​ക്താ​ക്ക​ൾ രാ​വി​ലെ ത​ന്നെ സൂ​ഖി​ല്‍ എ​ത്തി​യി​രു​ന്നു. സ​മാ​ന്യം ത​ര​ക്കേ​ടി​ല്ലാ​ത്ത വി​ധം ക​ച്ച​വ​ടം പു​രോ​ഗ​മി​ക്ക​വേ​യാ​ണ് പൊ​ടു​ന്ന​നെ ഉ​ച്ച​ക്ക് 12 പി​ന്നി​ട്ട​തോ​ടെ ഇ​ടി​യോ​ടൊ​പ്പം മ​ഴ വ​ര്‍ഷി​ച്ച​ത്. ആ​ഡം​ബ​ര ക​പ്പ​ലു​ക​ൾ വ​ന്ന​തി​നാ​ല്‍ വി​ദേ​ശ സ​ഞ്ചാ​രി​ക​ളും സൂ​ഖി​ല്‍ ധാ​രാ​ള​മു​ണ്ടാ​യി​രു​ന്നു. സ​ക​ല ക​ച്ച​വ​ട പ്ര​തീ​ക്ഷ​ക​ളെ​യും ന​ന​ഞ്ഞ് കു​തി​ര്‍ത്ത നി​ല​യി​ല്‍ സ്ഥാ​പ​ന​ങ്ങ​ള്‍‌ അ​ട​ക്കു​ക​യാ​യി​രു​ന്നു. ടൂ​റി​സ്റ്റു​ക​ളു​ടെ ക​ച്ച​വ​ടം ന​ട​ക്കാ​റു​ള്ള പോ​ര്‍ബ​മ്പ സൂ​ഖി​ലൂ​ടെ വെ​ള്ളം ഒ​ഴു​കി​യ​തും വി​ന​യാ​യി. അ​തു കൊ​ണ്ടു​ത​ന്നെ വാ​രി വ​ലി​ച്ചി​ട്ടെ​ന്ന നി​ല​യി​ലാ​ണ്‌ ക​ട​ക​ള്‍ അ​ട​ച്ച് മ​ധ്യാ​ഹ്ന വി​ശ്ര​മ​ത്തി​ന് പോ​യ​ത്. വൈ​കീ​ട്ടും മ​ഴ മു​ന്ന​റി​യി​പ്പ് നി​ല നി​ല്‍ക്കു​ന്ന​തി​നാ​ല്‍ സൂ​ഖ് ഭാ​ഗി​ക​മാ​യി മാ​ത്ര​മേ തു​റ​ന്ന് പ്ര​വ​ർ​ത്തി​ച്ചു​ള്ളൂ.