ജലസംരക്ഷണം: പുനർനിർമിച്ചത്​ 70 ഫലജുകൾ

മ​സ്ക​ത്ത്​: രാ​ജ്യ​ത്തെ ക​ർ​ഷ​ക​രെ​യും ജ​ല​മേ​ഖ​ല​യെ​യും സം​ര​ക്ഷി​ക്കു​ന്ന​തി​ന്റെ ഭാ​ഗ​മാ​യി ക​ഴി​ഞ്ഞ​വ​ർ​ഷം 70 ഫ​ല​ജു​ക​ൾ കൃ​ഷി, ഫി​ഷ​റീ​സ്, ജ​ല​വി​ഭ​വ മ​ന്ത്രാ​ല​യം പു​ന​ർ​നി​ർ​മി​ച്ചു. ഏ​റ്റ​വും കൂ​ടു​ത​ൽ ഫ​ല​ജു​ക​ൾ പു​നഃ​സ്ഥാ​പി​ച്ചി​രി​ക്കു​ന്ന​ത്​ വ​ട​ക്ക​ൻ ശ​ർ​ഖി​യ​യി​ലാ​ണ്.

ഇ​വി​ടെ 26 എ​ണ്ണം​ ന​ന്നാ​ക്കി​​യെ​ന്ന്​ കൃ​ഷി, ഫി​ഷ​റീ​സ്, ജ​ല​വി​ഭ​വ മ​ന്ത്രാ​ല​യ​ത്തി​ലെ ഉ​ദ്യോ​ഗ​സ്ഥ​ൻ അ​റി​യി​ച്ചു. മ​സ്ക​ത്ത്​ ഗ​വ​ർ​ണ​റേ​റ്റി​ൽ എ​ട്ട്, മു​സ​ന്ദം, വ​ട​ക്ക​ൻ ബാ​ത്തി​ന, ശ​ർ​ഖി​യ നാ​ല്, തെ​ക്ക​ൻ ബാ​ത്തി​ന ഒ​മ്പ​ത്, ദാ​ഖി​ലി​യ അ​ഞ്ച്, ദോ​ഫാ​ർ പ​ത്ത്​ എ​ന്നി​ങ്ങ​നെ​യാ​ണ്​ മ​റ്റ്​ ഗ​വ​ർ​ണ​റേ​റ്റു​ക​ളി​ൽ ന​ന്നാ​ക്കി​യെ​ടു​ത്ത ഫ​ല​ജു​ക​ളു​ടെ ക​ണ​ക്കു​ക​ൾ. ഒ​മാ​നി​ക​ൾ കാ​ല​ങ്ങ​ളാ​യി ജ​ല​സേ​ച​ന​ത്തി​ന് ആ​ശ്ര​യി​ക്കു​ന്ന പ്ര​ധാ​ന പ​ര​മ്പ​രാ​ഗ​ത ജ​ല​സ്രോ​ത​സ്സു​ക​ളി​ലൊ​ന്നാ​ണ്​ ഫ​ല​ജു​ക​ൾ. പ്ര​​ദേ​ശ​ത്തി‍ന്റെ ഭൂ​മി​ശാ​സ​ത്ര​വും മ​റ്റും അ​നു​സ​രി​ച്ച്​ ഫ​ല​ജു​ക​ൾ വ്യ​ത്യാ​സ​പ്പെ​ട്ടി​രി​ക്കും.

വി​വി​ധ ഗ​വ​ർ​ണ​റേ​റ്റു​ക​ളി​ലാ​യി 4112 ഫ​ല​ജു​ക​ളാ​ണു​ള്ള​ത്. പു​തി​യ കി​ണ​ർ കു​ഴി​ക്കാ​ൻ ജ​നു​വ​രി​യി​ൽ 842 ലൈ​സ​ൻ​സു​ക​ൾ ന​ൽ​കി​യ​താ​യി മ​ന്ത്രാ​ല​യ ഉ​ദ്യോ​ഗ​സ്ഥ​ർ അ​റി​യി​ച്ചു. ഏ​റ്റ​വും കൂ​ടു​ത​ൽ ലൈ​സ​ൻ​സു​ക​ൾ നേ​ടി​യ​ത്​ ദാ​ഖി​ലി​യ ഗ​വ​ർ​ണ​റേ​റ്റാ​ണ്. 223 ലൈ​സ​ൻ​സാ​ണ്​ ന​ൽ​കി​യി​രി​ക്കു​ന്ന​ത്. 170 ലൈ​സ​ൻ​സ്​ നേ​ടി വ​ട​ക്ക​ൻ ബാ​ത്തി​ന​യാ​ണ്​ ര​ണ്ടാം സ്ഥാ​ന​ത്ത്.

വ​ട​ക്ക​ൻ ശ​ർ​ഖി​യ 102, തെ​ക്ക​ൻ ബാ​ത്തി​ന 99, ബു​റൈ​മി 38, തെ​ക്ക​ൻ ശ​ർ​ഖി​യ 33, ദോ​ഫാ​ർ 12, അ​മ​സ്ക​ത്ത്​ അ​ഞ്ച്, മു​സ​ന്ദം നാ​ല്, അ​ൽ​വു​സ്ത മൂ​ന്ന്​ എ​ന്നി​ങ്ങ​നെ​യാ​ണ്​ മ​റ്റ്​ ഗ​വ​ർ​ണ​റേ​റ്റു​ക​ൾ​ക്ക്​ ലൈ​സ​ൻ​സ്​ ന​ൽ​കി​യി​ട്ടു​ള്ള​ത്.

മ​റ്റ്​ സ​ർ​ക്കാ​ർ സ്ഥാ​പ​ന​ങ്ങ​ളു​മാ​യി സ​ഹ​ക​രി​ച്ചാ​ണ്​ ഇ​ത്ത​രം ലൈ​സ​ൻ​സു​ക​ൾ ന​ൽ​കു​ന്ന​ത്. കൃ​ഷി-​മ​ത്സ്യ​ബ​ന്ധ​ന-​ജ​ല​വി​ഭ​വ മ​ന്ത്രാ​ല​യ​ത്തി‍ന്റെ ക​ണ​ക്ക​നു​സ​രി​ച്ച് 2020ൽ ​ഒ​മാ​നി​ൽ ശ​രാ​ശ​രി 123 മി​ല്ലി​മീ​റ്റ​ർ മ​ഴ ല​ഭി​ച്ചു.