ഉ​പേ​ക്ഷി​ക്ക​പ്പെ​ട്ട വാ​ഹ​ന​ങ്ങ​ളി​ൽ മു​ന്ന​റി​യി​പ്പ് സ്റ്റി​ക്ക​റു​ക​ൾ പ​തി​ച്ചു തു​ട​ങ്ങി

മ​സ്ക​ത്ത്: ത​ല​സ്ഥാ​ന ന​ഗ​രി​യു​ടെ വി​വി​ധ ഭാ​ഗ​ങ്ങ​ളി​ൽ അ​ന​ധി​കൃ​ത​മാ​യി വാ​ഹ​ന​ങ്ങ​ൾ ഉ​​പേ​ക്ഷി​ച്ച് പോ​കു​ന്ന​തി​നെ​തി​രെ​യു​ള്ള കാ​മ്പ​യി​ൻ ​പ്ര​വ​ർ​ത്ത​ന​ങ്ങ​ൾ ഊ​ർ​ജി​ത​മാ​ക്കി മ​സ്ക​ത്ത് മു​നി​സി​പ്പാ​ലി​റ്റി. സീ​ബ് വ്യ​വ​സാ​യ മേ​ഖ​ല​യി​ലാ​ണ് ഉ​പേ​ക്ഷി​ക്ക​പ്പെ​ട്ട വാ​ഹ​ന​ങ്ങ​ൾ​ക്കെ​തി​​രെ അ​ധി​കൃ​ത​ർ ന​ട​പ​ടി​യെ​ടു​ത്തു തു​ട​ങ്ങി​യ​ത്. ഇ​തി​ന്റെ ഭാ​ഗ​മാ​യി ഉ​പേ​ക്ഷി​ക്ക​പ്പെ​ട്ട​താ​യി തോ​ന്നു​ന്ന വാ​ഹ​ന​ങ്ങ​ളി​ൽ മു​ന്ന​റി​യി​പ്പ് സ്റ്റി​ക്ക​റു​ക​ൾ പ​തി​ച്ച് തു​ട​ങ്ങി. നി​ര​വ​ധി വാ​ഹ​ന​ങ്ങ​ളാ​ണ്​ ന​ഗ​ര​ത്തി​ന്‍റെ വി​വി​ധ പ്ര​ദേ​ശ​ങ്ങ​ളി​ൽ ഉ​പേ​ക്ഷി​ക്ക​പ്പെ​ട്ട നി​ല​യി​ലു​ള്ള​ത്. പ്ര​ധാ​ന വി​നോ​ദ​സ​ഞ്ചാ​ര കേ​ന്ദ്ര​മാ​യ മ​സ്ക​ത്തി​ന്‍റെ ന​ഗ​ര സൗ​ന്ദ​ര്യ​ത്തി​ന്​ കോ​ട്ടം ​ത​ട്ടു​ന്ന​താ​ണ്​ പൊ​തു​ച​ത്വ​ര​ങ്ങ​ളി​ലും തെ​രു​വു​ക​ളി​ലും കാ​റു​ക​ൾ ഉ​പേ​ക്ഷി​ക്കു​ന്ന​ത്. വാ​ഹ​ന​ങ്ങ​ൾ കൂ​ടു​ത​ൽ ദി​വ​സം പൊ​തു നി​ര​ത്തു​ക​ളി​ൽ ഉ​പേ​ക്ഷി​ക്ക​​പ്പെ​ടു​ന്ന​തി​നാ​ൽ റോ​ഡ് ഉ​പ​യോ​ക്താ​ക്ക​ൾ​ക്ക് ബു​ദ്ധി​മു​ട്ടു​ണ്ടാ​ക്കും.

ദൈ​നം​ദി​ന പാ​ത​യി​ലോ പാ​ർ​പ്പി​ട പ​രി​സ​ര​ങ്ങ​ളു​ടെ പ്ര​വേ​ശ​ന ക​വാ​ട​ങ്ങ​ളി​ലോ ഇ​ങ്ങ​നെ വാ​ഹ​നം ഉ​പേ​ക്ഷി​ച്ച്​ പോ​കു​ന്ന​തി​നാ​ൽ ഗ​താ​ഗ​ത ത​ട​സ്സ​വും ഉ​ണ്ടാ​കു​ന്നു​ണ്ട്. കാ​റു​ക​ൾ ദീ​ർ​ഘ​കാ​ല​ത്തേ​ക്ക് ഉ​പേ​ക്ഷി​ക്ക​പ്പെ​ടു​മ്പോ​ൾ, മാ​ലി​ന്യ​ങ്ങ​ൾ അ​ടി​ഞ്ഞു​കൂ​ടു​ക​യും അ​വ പ്രാ​ണി​ക​ളു​ടെ​യും എ​ലി​ക​ളു​ടെ​യും മാ​റു​ക​യും ചെ​യ്യു​ന്നു. സാ​മൂ​ഹി​ക വി​രു​ദ്ധ​രും ഇ​ത്ത​രം വാ​ഹ​ന​ങ്ങ​ൾ ഉ​പ​യോ​ഗി​ക്കാ​ൻ സാ​ധ്യ​ത​യു​ണ്ട്. കൂ​ടു​ത​ൽ സ​മ​യം വെ​യി​ല​ത്ത് പാ​ർ​ക്ക് ചെ​യ്യു​ന്ന വാ​ഹ​ന​ങ്ങ​ൾ തീ​പി​ടു​ത്ത​ത്തി​ന് ഇ​ട​യാ​ക്കി​യേ​ക്കു​മെ​ന്നും വാ​ഹ​ന​മേ​ഖ​ല​യി​ലു​ള്ള​വ​ർ ചൂ​ണ്ടി​ക്കാ​ണി​ക്കു​ന്നു. ​മ​സ്ക​ത്ത്​ മു​നി​സി​പ്പാ​ലി​റ്റി​യി​ലെ സൂ​പ്പ​ർ​വൈ​സ​ർ​മാ​രു​ടെ ശ്ര​ദ്ധ​യി​ൽ​പ്പെ​ടു​ക​യോ സ്വ​ദേ​ശി​ക​ളു​ടെ​യും താ​സ​ക്കാ​രു​ടേ​യും പ​രാ​തി​യെ തു​ട​ർ​ന്നോ ആ​ണ്​ വ​ഴി​യി​ൽ ഉ​പേ​ക്ഷി​ക്ക​പ്പെ​ടു​ന്ന വാ​ഹ​ന​ങ്ങ​ളി​ൽ അ​ധി​ക​വും നീ​ക്കു​ന്ന​ത്.

എ​ടു​ത്തു​കൊ​ണ്ടു​പോ​കു​ന്ന​തി​നു​ള്ള ന​ട​പ​ടി​ക്ര​മ​ങ്ങ​ളു​ടെ ഭാ​ഗ​മാ​യി വാ​ഹ​ന​ത്തി​ൽ 14 ദി​വ​സ​ത്തേ​ക്ക്​ മു​ന്ന​റി​യി​പ്പ്​ സ്​​റ്റി​ക്ക​ർ പ​തി​ക്കും. ഇ​ക്കാ​ല​യ​ള​വി​ൽ ഉ​ട​മ വാ​ഹ​നം എ​ടു​ത്തു​കൊ​ണ്ടു​പോ​ക​ണം. ഇ​ല്ലെ​ങ്കി​ൽ 90 ദി​വ​സ​ത്തേ​ക്ക്​ ക​ണ്ടു​കെ​ട്ടു​ക​യും പി​ന്നീ​ട്​ പൊ​തു​ലേ​ല​ത്തി​ൽ വെ​ക്കു​ക​യും ചെ​യ്യും. ഉ​​പേ​ക്ഷി​ക്ക​പ്പെ​ടു​ന്ന കാ​റു​ക​ളും ബ​സു​ക​ൾ പി​ടി​ച്ചെ​ടു​ക്കു​മ്പോ​ൾ ഉ​ട​മ​ക​ളു​ടെ പേ​രി​ൽ 200 റി​യാ​ൽ പി​ഴ​യും ചു​മ​ത്തും.