ഒ​മാ​നി പൗ​ര​ന്മാ​ർ​ക്ക്​ തു​ർ​ക്കി​യ​യി​ലേ​ക്ക്​ വി​സ ഇ​ള​വ്; നി​യ​മം പ്രാ​ബ​ല്യ​ത്തി​ൽ

മ​സ്ക​ത്ത്​: ഒ​മാ​നി പൗ​ര​ൻ​മാ​ർ​ക്ക്​ വി​സ​യി​ല്ലാ​​തെ തു​ർ​ക്കി​യ​യി​ലേ​ക്ക്​ യാ​ത്ര ചെ​യ്യു​ന്ന​തി​നാ​യു​ള്ള അ​പേ​ക്ഷ​ക​ൾ സ്വീ​ക​രി​ച്ചു തു​ട​ങ്ങി. ചി​ല രാ​ജ്യ​ങ്ങ​ളി​ലെ സാ​ധാ​ര​ണ പാ​സ്‌​പോ​ർ​ട്ട് ഉ​ട​മ​ക​ൾ​ക്ക് വി​സ ഇ​ള​വു ന​ൽ​കാ​നു​ള്ള തീ​രു​മാ​ന​ത്തി​ന്​ തു​ർ​ക്കി​യ പ്ര​സി​ഡ​ന്റ് റ​ജ​ബ് ത്വ​യ്യി​ബ് ഉ​ർ​ദു​ഗാ​ൻ ദി​വ​സ​ങ്ങ​ൾ​ക്ക്​ മു​ന​മ്പ് അം​ഗീ​കാ​രം ന​ൽ​കി​യി​രു​ന്നു. ഇ​താ​ണ്​ ഇ​പ്പോ​ൾ പ്രാ​ബ​ല്യ​ത്തി​ൽ വ​ന്ന​ത്. അ​മേ​രി​ക്ക, ബ​ഹ്റൈ​ൻ, യു​നൈ​റ്റ​ഡ് അ​റ​ബ് എ​മി​റേ​റ്റ്സ്, കാ​ന​ഡ, സൗ​ദി അ​റേ​ബ്യ, ഒ​മാ​ൻ എ​ന്നീ രാ​ജ്യ​ങ്ങ​ളി​ലെ പൗ​ര​ന്മാ​രെ​യാ​ണ്​ വി​സ​യി​ൽ നി​ന്ന് ഒ​ഴി​വാ​ക്കി​യി​ട്ടു​ള്ള​ത്. ടൂ​റി​സം ആ​വ​ശ്യ​ങ്ങ​ൾ​ക്കാ​യി 90മു​ത​ൽ 180 ദി​വ​സം​വ​രെ തു​ർ​ക്കി​യ​യി​ൽ വി​സ​യി​ല്ലാ​തെ യാ​ത്ര ചെ​യ്യാ​നാ​കും.

ഈ ​വ​ർ​ഷം ജൂ​ണി​ൽ ഒ​മാ​നി പൗ​ര​ന്മാ​ർ​ക്കു​ള്ള വി​സ നി​യ​മ​ങ്ങ​ൾ ല​ഘൂ​ക​രി​ക്കാ​നു​ള്ള ശ്ര​മ​ത്തി​ലാ​യി​രു​ന്നു ഇ​രു​രാ​ജ്യ​ങ്ങ​ളും എ​ന്ന് ഒ​മാ​നി​ലെ തു​ർ​ക്കി​യ അം​ബാ​സ​ഡ​ർ മു​ഹ​മ്മ​ദ് ഹെ​ക്കി​മോ​ഗ്‌​ലു പ​റ​ഞ്ഞു. 2022ൽ, 130,000 ​ഒ​മാ​നി​ക​ൾ ആ​ണ്​ ടൂ​റി​സം ആ​വ​ശ്യ​ങ്ങ​ൾ​ക്കാ​യി തു​ർ​ക്കി​യ സ​ന്ദ​ർ​ശി​ച്ച​ത്. നി​ല​വി​ൽ, ഒ​മാ​ൻ എ​യ​ർ ഇ​സ്താം​ബൂ​ളി​ലേ​ക്കും ട്രാ​ബ്‌​സ​ണി​ലേ​ക്കും സ​ലാം എ​യ​ർ ഇ​സ്താം​ബൂ​ളി​ലെ സ​ബീ​ഹ ഗോ​ക്ക​ൻ ഉ​ൾ​പ്പെ​ടെ​യു​ള്ള ര​ണ്ട് വി​മാ​ന​ത്താ​വ​ള​ങ്ങ​ളി​ലേ​ക്കും സ​ർ​വി​സ്​ ന​ട​ത്തു​ന്നു​ണ്ട്.