കു​റ​ഞ്ഞ വ​രു​മാ​ന​മു​ള്ള രോ​ഗി​ക​ൾ​ക്ക് വെ​ന്റി​ലേ​റ്റ​റു​ക​ൾ

മ​സ്ക​ത്ത്​: കു​റ​ഞ്ഞ വ​രു​മാ​ന​ക്കാ​രും സാ​മൂ​ഹി​ക സു​ര​ക്ഷാ രോ​ഗി​ക​ൾ​ക്കും കൈ​ത്താ​ങ്ങു​മാ​യി ആ​രോ​ഗ്യ മ​ന്ത്രാ​ല​യം. 50,000 റി​യാ​ൽ വി​ല​യു​ള്ള വെ​ന്റി​ലേ​റ്റ​റു​ക​ൾ വി​ത​ര​ണം ചെ​യ്യാ​നാ​യി ആ​രോ​ഗ്യ മ​ന്ത്രാ​ല​യം ഒ​മാ​ൻ ഇ​ന്ത്യ ഫെ​ർ​ട്ടി​ലൈ​സ​ർ ക​മ്പ​നി​യു​മാ​യി (ഒ​മി​ഫ്‌​കോ) ക​രാ​ർ ഒ​പ്പു​​വെ​ച്ചു.

ആ​രോ​ഗ്യ​മ​ന്ത്രാ​ല​യ​ത്തി​ന്‍റെ ഭ​ര​ണ-​സാ​മ്പ​ത്തി​ക ആ​സൂ​ത്ര​ണ​കാ​ര്യ അ​ണ്ട​ർ സെ​ക്ര​ട്ട​റി ഡോ. ​ഫാ​ത്തി​മ മു​ഹ​മ്മ​ദ് അ​ൽ അ​ജ്മി​യും ഒ​മി​ഫ്‌​കോ​യു​ടെ കോ​ർ​പ​റേ​റ്റ് സ​സ്റ്റൈ​ന​ബി​ലി​റ്റി ആ​ൻ​ഡ് ക​മ്യൂ​ണി​ക്കേ​ഷ​ൻ മാ​നേ​ജ​രു​മാ​യ ഖാ​ലി​ദ് അ​ൽ ഫ​ന്ന അ​ൽ അ​റൈ​മി​യാ​ണ് ധാ​ര​ണ​പ​ത്ര​ത്തി​ൽ ഒ​പ്പു​വെ​ച്ച​ത്. കു​റ​ഞ്ഞ വ​രു​മാ​ന​ക്കാ​ർ​ക്കും സാ​മൂ​ഹി​ക സു​ര​ക്ഷ​യു​ള്ള രോ​ഗി​ക​ൾ​ക്കും ഹോം ​കെ​യ​ർ വെ​ന്റി​ലേ​റ്റ​റു​ക​ൾ വാ​ങ്ങാ​നു​ള്ള ധ​ന​സ​ഹാ​യം ന​ൽ​കി​യ ഒ​മി​ഫ്കോ​യു​ടെ പ്ര​വ​ർ​ത്ത​ന​ത്തെ ഡോ. ​ഫാ​ത്തി​മ പ്ര​ശം​സി​ച്ചു.

പൗ​ര​ന്മാ​ർ​ക്ക് ന​ൽ​കു​ന്ന ആ​രോ​ഗ്യ​സേ​വ​നം ഉ​ൾ​പ്പെ​ടെ രാ​ജ്യ​ത്തി​ന്റെ വി​ക​സ​ന​ത്തി​ന് സി.​എ​സ്.​ആ​റി​ന്റെ ഭാ​ഗ​മാ​യി സ​ർ​ക്കാ​ർ സ്ഥാ​പ​ന​ങ്ങ​ളു​മാ​യി സ​ഹ​ക​ര​ണം സ​ജീ​വ​മാ​ക്കാ​നു​ള്ള ക​മ്പ​നി​യു​ടെ പ്ര​തി​ബ​ദ്ധ​ത​യെ കു​റി​ച്ച് അ​റൈ​മി പ​റ​ഞ്ഞു.