വന്ദേഭാരത്​: അടുത്ത ഘട്ടത്തിൽ ഒമാനിൽ നിന്ന്​ കേരളത്തിലേക്ക്​ ഏഴ്​ സർവീസുകൾ

മസ്​കത്ത്​: വന്ദേഭാരത്​ പദ്ധതിയുടെ ഭാഗമായി ഒമാനിൽ നിന്നുള്ള ആറാം ഘട്ട വിമാന സർവീസ്​ പ്രഖ്യാപിച്ചു. സെപ്​റ്റംബർ ഒന്നു മുതൽ 15 വരെ നീളുന്ന അടുത്ത ഘട്ടത്തിൽ വിവിധ ഇന്ത്യൻ നഗരങ്ങളിലേക്ക്​ 21 സർവീസുകളാണ്​ ഉള്ളത്​. ഇതിൽ ഏഴെണ്ണം കേരളത്തിലേക്കാണ്​. മസ്​കത്തിൽ നിന്നാണ്​ മുഴുവൻ സർവീസുകളും. കണ്ണൂരിലേക്കും കൊച്ചിയിലേക്കും തിരുവനന്തപുരത്തിനും രണ്ട്​ സർവീസുകൾ വീതവും കോഴിക്കോടിന്​ ഒരു വിമാനവുമാണ്​ ഉള്ളത്​.

സെപ്​റ്റംബർ മൂന്നിനാണ്​ കേരളത്തിലേക്കുള്ള സർവീസ്​ തുടങ്ങുന്നത്​. കണ്ണൂരിനാണ്​ ആദ്യ വിമാനം. അഞ്ചിന്​ കൊച്ചിയിലേക്കും തിരുവനന്തപുരത്തിനും ആറിന്​ കോഴിക്കോടിനും വിമാനങ്ങളുണ്ട്​. പത്തിനാണ്​ കണ്ണൂരിനുള്ള രണ്ടാമത്തെ സർവീസ്​. 11ന്​ തിരുവനന്തപുരത്തിനും 13ന്​ കൊച്ചിയിലേക്കും സർവീസുകൾ ഉണ്ടാകും. ചെന്നൈ, ലഖ്​നൗ, മുംബൈ, ദൽഹി, ബംഗളൂരു/മംഗളൂരു, ഹൈദരാബാദ്​, വിജയവാഡ, തിരുച്ചിറപ്പള്ളി എന്നിവിടങ്ങളിലേക്കാണ്​ മറ്റ്​ സർവീസുകൾ.

യാത്രാസന്നദ്ധരായവർ https://docs.google.com/forms/d/e/1FAIpQLSemIALP9dIETqaFZOvOubWLB6TQqWdlefYzKb1beo2wLmj0XA/viewform എന്ന ലിങ്കിൽ രജിസ്​റ്റർ ചെയ്യുക.