സു​മ​ന​സ്സു​ക​ളു​ടെ ഇ​ട​പെ​ട​ൽ തു​ണ​യാ​യി; അ​ഞ്ചം​ഗ കു​ടും​ബം നാ​ട​ണ​ഞ്ഞു

സു​ഹാ​ർ: ബി​സി​ന​സ്​ ത​ക​ർ​ച്ച​മൂ​ലം പ്ര​തി​സ​ന്ധി​യി​ലാ​യി​രു​ന്ന ചെ​ങ്ങ​ന്നൂ​ർ സ്വ​ദേ​ശി​ക​ളാ​യ അ​ഞ്ചം​ഗ കു​ടും​ബം നാ​ട​ണ​ഞ്ഞു. പ്ര​വാ​സി വെ​ൽ​ഫെ​യ​ർ ഫോ​റം പ്ര​വ​ർ​ത്ത​ക​രു​ടെ ഇ​ട​പെ​ട​ലാ​ണ്​ ഇ​വ​ർ​ക്ക്​ തു​ണ​യാ​യ​ത്. ക​ഴി​ഞ്ഞ​ദി​വ​സ​ത്തെ കൊ​ച്ചി​യി​ലേ​ക്കു​ള്ള വ​ന്ദേ​ഭാ​ര​ത്​ വി​മാ​ന​ത്തി​ലാ​ണ്​ ഇ​വ​ർ മ​ട​ങ്ങി​യ​ത്. നി​ക്ഷേ​പ​ക വി​സ​യി​ലാ​യി​രു​ന്ന ഇ​വ​രു​ടെ ബി​സി​ന​സ്​ കു​റ​ച്ചു​നാ​ളു​ക​ളാ​യി പ്ര​തി​സ​ന്ധി​യി​ലാ​യി​രു​ന്നു.

ഇ​തി​നി​ട​യി​ലാ​ണ്​ കൂ​നി​ൻ​മേ​ൽ​കു​രു​വെ​ന്ന പോ​ലെ കോ​വി​ഡും തു​ട​ർ​ന്ന്​ ​ലോ​ക്​​ഡൗ​ണും വ​രു​ന്ന​ത്. ആ​റു​മാ​സ​ത്തി​ല​ധി​ക​മാ​യി പു​തു​ക്കാ​ത്ത നി​ക്ഷേ​പ​ക വി​സ​യു​ടെ​യും ര​ണ്ടു​വ​ർ​ഷ​മാ​യി​ട്ടും പു​തു​ക്കാ​ത്ത കു​ടും​ബ വി​സ​യു​ടെ​യും പി​ഴ​യാ​യി 635 റി​യാ​ലാ​ണ് അ​ട​ക്കേ​ണ്ടി വ​ന്ന​ത്. ഇ​തോ​ടൊ​പ്പം അ​ഞ്ചു​പേ​രു​ടെ ടി​ക്ക​റ്റി​നാ​യി 420 റി​യാ​ലും ഇ​വ​രു​ടെ മ​ട​ക്ക​ത്തി​നാ​യി ചെ​ല​വാ​യി.

ക​ടു​ത്ത ബു​ദ്ധി​മു​ട്ടി​നെ തു​ട​ർ​ന്ന് ​അ​യ​ൽ​വാ​സി​ക​ളാ​യ ഒ​മാ​നി​ക​ളു​ടെ സ​ഹാ​യ​ത്തോ​ടെ​യാ​ണ് ഇ​വ​ർ ഭ​ക്ഷ​ണ​ത്തി​നു​ള്ള സൗ​ക​ര്യം ക​ണ്ടെ​ത്തി​യി​രു​ന്ന​ത്. പ്ര​യാ​സ​ത്തെ തു​ട​ർ​ന്ന്​ എം​ബ​സി​യി​ലും സ​ഹാ​യം അ​ഭ്യ​ർ​ഥി​ച്ചി​രു​ന്നെ​ങ്കി​ലും പ്ര​യോ​ജ​ന​മു​ണ്ടാ​യി​ല്ല.

തു​ട​ർ​ന്നാ​ണ്​ സു​ഹാ​റി​ലെ സാ​മൂ​ഹി​ക പ്ര​വ​ർ​ത്ത​ക​ർ മു​ന്നി​ട്ടി​റ​ങ്ങു​ന്ന​ത്. അ​ഞ്ച്​ ടി​ക്ക​റ്റു​ക​ളി​ൽ ര​ണ്ടെ​ണ്ണം മ​ല​ബാ​ർ അ​ടു​ക്ക​ള ഫേ​സ്​​ബു​ക്ക്​ കൂ​ട്ടാ​യ്​​മ​യും ഫ​ല​ജ് ഹൈ​പ്പ​ർ​മാ​ർ​ക്ക​റ്റ് ഒ​രു ടി​ക്ക​റ്റും സ്​​പോ​ൺ​സ​ർ ചെ​യ്​​തു.