വാമോസ്​ അർജന്‍റീന, വാമോസ്​...

മ​സ്ക​ത്ത്​: ഖ​ത്ത​ർ ലോ​ക​ക​പ്പി​നോ​ട​നു​ബ​ന്ധി​ച്ച്​ മ​സ്ക​ത്തി​ന്‍റെ ന​ഗ​ര​ഹൃ​ദ​യ​ങ്ങ​ളും വാ​മോ​സ്​​വി​ളി​ക​ളാ​ൽ മു​ഖ​രി​ത​മാ​കും. മെ​സ്സി​യെ​യും സം​ഘ​ത്തി​നും ക​ട്ട​സ​​പ്പോ​ർ​ട്ടു​മാ​യി അ​ർ​ജ​ന്‍റീ​ന​യി​ൽ നിന്നെത്തു​ന്ന ആ​രാ​ധ​ക​ക്കൂ​ട്ടം മ​സ്ക​ത്ത്​ കേ​​​ന്ദ്രീ​ക​രി​ച്ചാ​യി​രി​ക്കും ത​ങ്ങു​ക. 60ഓ​ളം ആ​രാ​ധ​ക​രാ​ണ്​ അ​ർ​ജ​ന്റീ​ന​യു​ടെ ഗ്രൂ​പ് മ​ത്സ​ര​ങ്ങ​ൾ കാ​ണാ​നും ഒ​മാ​ന്റെ ഊ​ഷ്മ​ള​ത​യും ആ​തി​ഥ്യ​വും ആ​സ്വ​ദി​ക്കാ​നെ​ത്തു​ന്ന​ത്. 12 ദി​വ​സ​ത്തോ​ളം ആ​രാ​ധ​ക​ർ ഇ​വി​ടെ​യു​ണ്ടാ​കും. അ​ർ​ജ​ന്‍റീ​നി​യ​ൻ ആ​രാ​ധ​ക​രെ ഒ​മാ​നി​ലേ​ക്ക്​ കൊ​ണ്ടു​വ​രു​ന്ന​തി​ൽ അ​തി​യാ​യ സ​ന്തോ​ഷ​മു​ണ്ടെ​ന്ന്​ ബ്വേ​ന​സ് എ​യ്റി​സി​ൽ​നി​ന്നു​ള്ള ടൂ​ർ ഓ​പ​റേ​റ്റ​റാ​യ ജു​വാ​ൻ ഇ​ഗ്നാ​സി​യോ മി​ഗോ​ൺ പ​റ​ഞ്ഞു. ലോ​ക​ക​പ്പാ​യ​തോ​ടെ ഹോ​ട്ട​ൽ റൂ​മു​ക​ൾ കി​ട്ടാ​ത്ത​തും ചെ​ല​വേ​റി​യ​തു​മാ​ണ്​ ഒ​മാ​നെ അ​ർ​ജ​ന്‍റീ​നി​യ​ൻ ആ​രാ​ധ​ക​രെ ഇ​ങ്ങോ​ട്ടേ​ക്കെ​ത്തി​ച്ച​ത്. ആ​രാ​ധ​ക​രു​ടെ ബേ​സ് ക്യാ​മ്പാ​യി ഒ​മാ​നെ തീ​രു​മാ​നി​ച്ച​തി​ൽ സം​തൃ​പ്ത​നാ​ണെ​ന്ന്​ ഒ​മാ​നി​ലെ ആ​ഭ്യ​ന്ത​ര ഓ​പ​റേ​റ്റ​റാ​യ അ​റ​ബി​ക്ക ഓ​റി​യ​ന്റ് ടൂ​ർ​സു​മാ​യി സ​ഹ​ക​രി​ച്ച് പ്ര​വ​ർ​ത്തി​ക്കു​ന്ന മി​ഗോ​ൺ പ​റ​ഞ്ഞു. ഇ​തി​നു​ പു​റ​മെ ഒ​മാ​ന്‍റെ ഭൂ​പ്ര​കൃ​തി​യും ടൂ​റി​സ​ത്തി​ന്​ ഒ​രു​പാ​ട്​ സാ​ധ്യ​ത ന​ൽ​കു​ന്ന​താ​ണ്. ഭാ​വി​യി​ൽ അ​ർ​ജ​ന്റീ​ന​യി​ൽ​നി​ന്ന് ഒ​മാ​നി​ലേ​ക്ക് കൂ​ടു​ത​ൽ ടൂ​റു​ക​ൾ സം​ഘ​ടി​പ്പി​ക്കാ​ൻ ആ​ഗ്ര​ഹി​ക്കു​ന്നു​​​ണ്ടെ​ന്നും അ​ദ്ദേ​ഹം പ​റ​ഞ്ഞു.

ച​രി​ത്ര​ത്തി​ലെ എ​ക്കാ​ല​ത്തെ​യും മി​ക​ച്ച ഫു​ട്ബാ​ൾ താ​ര​ങ്ങ​ളി​ലൊ​രാ​ളാ​യ ല​യ​ണ​ൽ മെ​സ്സി ഖ​ത്ത​ർ ലോ​ക​ക​പ്പ് ത​ന്റെ അ​വ​സാ​ന ലോ​ക​ക​പ്പാ​യി​രി​ക്കു​മെ​ന്നാ​ണ്​ പ്ര​ഖ്യാ​പി​ച്ചി​ട്ടു​ള്ള​ത്. അ​തു​കൊ​ണ്ടു​ത​ന്നെ മെ​സ്സി​യു​ടെ മ​ത്സ​ര​ങ്ങ​ൾ നേ​രി​ട്ടു​കാ​ണാ​നു​ള്ള താ​ൽ​പ​ര്യം അ​ർ​ജ​ന്‍റീ​നി​യ​ൻ സ്വ​ദേ​ശി​ക​ളി​ൽ വ​ർ​ധി​ച്ചു​വ​രു​ക​യാ​ണ്. ഗ്രൂ​പ്ഘ​ട്ട മ​ത്സ​ര​ത്തി​ൽ ദി​നേ​ന വി​മാ​ന​യാ​ത്ര​ക​ൾ ന​ട​ത്തി​യാ​കും ആ​രാ​ധ​ർ അ​ർ​ജ​ന്‍റീ​ന​യു​ടെ ക​ളി​കാ​ണാ​നാ​യി ഖ​ത്ത​റി​ലേ​ക്കു​ പോ​കു​ക. ടീം ​നോ​ക്കൗ​ട്ട്​ റൗ​ണ്ടി​ലേ​ക്ക്​ എ​ത്തി​ക്ക​ഴി​ഞ്ഞാ​ൽ ത​ങ്ങ​ളു​ടെ ക്യാ​മ്പ്​ ദു​ബൈ​യി​ലേ​ക്കു​ മാ​റ്റു​മെ​ന്ന്​ മി​ഗോ​ൺ പ​റ​ഞ്ഞു. നോ​ക്കൗ​ട്ട്​ റൗ​ണ്ടി​ലെ മ​ത്സ​ര​ങ്ങ​ൾ കാ​ണാ​ൻ ദു​ബൈ​യി​ൽ മി​ക​ച്ച യാ​ത്രാ ഒ​പ്ഷ​നു​ക​ളാ​ണു​ള്ള​തെ​ന്ന്​ അ​ദ്ദേ​ഹം പ​റ​ഞ്ഞു. 12 ദി​വ​സ​ത്തെ താ​മ​സ​ത്തി​നി​ടെ, ഡോ​ൾ​ഫി​ൻ കാ​ണാ​നു​ള്ള സൗ​ക​ര്യം, നി​സ്‌​വ​യി​ലേ​ക്കു​ള്ള യാ​ത്ര, മ​റ്റു പ്ര​ശ​സ്ത​മാ​യ സ്ഥ​ല​ങ്ങ​ളും ആ​രാ​ധ​ക​ർ സ​ന്ദ​ർ​ശി​ക്കും.