വി ഇലവന്‍ ഡബിള്‍സ് ബാഡ്മിന്റണ്‍ ടൂര്‍ണമെന്റ് സമാപിച്ചു
text_fields
വി ഇലവന്‍ ഡബിള്‍സ് ബാഡ്മിന്റണ്‍ ടൂര്ണമെന്റിൽ വിജയികളായവർ സംഘാടകരോടൊപ്പം
സുഹാര്‍: ഫലജിയന്‍സ് ക്ലബുമായി സഹകരിച്ച് ഫലജിയന്‍സ് ഇന്‍ഡോര്‍ ബാഡ്മിന്റണ്‍ കോര്‍ട്ടില്‍ നടന്ന വി ഇലവന്‍ ബാഡ്മിന്റണ്‍ ടൂര്‍ണമെന്റ് സമാപിച്ചു. മെന്‍സ് ഡബിള്‍സ് എ വിഭാഗത്തില്‍ ബാല- മുഹമ്മദ് സഖ്യം കിരീടം കരസ്ഥമാക്കി. വിജയികള്‍ക്ക് ട്രോഫിയും സര്‍ട്ടിഫിക്കറ്റും 100 റിയാലും സമ്മാനിച്ചു. റണ്ണറപ്പുകളായ അന്‍ഷാദ്- ബേസില്‍ ജോടിക്ക് ട്രോഫിയും സര്‍ട്ടിഫിക്കറ്റും 60 റിയാലും നൽകി. മെന്‍സ് ഡബിള്‍സ് ബി വിഭാഗത്തില്‍ ഫറാസ്-പുകൈവന്‍ സഖ്യം വിജയികളായി. ട്രോഫിയും 60 റിയാലും സമ്മാനിച്ചു. അജു-ജെഫിന്‍ ടീം റണ്ണറപ്പുകളായി. ട്രോഫിയും സര്‍ട്ടിഫിക്കറ്റും 30 റിയാലും സമ്മാനിച്ചു.
എ കാറ്റഗറിയിലെ മികച്ച താരമായി ബേസിലിനെയും ബി കാറ്റഗറിയിലെ മികച്ച താരമായി ജെഫിനെയും തെരഞ്ഞെടുത്തു. യുവപ്രതിഭകള്‍ക്കുള്ള ട്രോഫിക്ക് റിഷബ്, നിഷാന്‍ എന്നിവർ അര്‍ഹരായി. ഇഹ്തീഷാം, രാജേഷ്, ഷാനവാസ് എന്നിവര്‍ ട്രോഫി വിതരണം ചെയ്തു.
മത്സരങ്ങള്‍ സിറാജ്, യൂനിസ് എന്നിവര്‍ നിയന്ത്രിച്ചു.