യൂസ്​ഡ്​ കാറുകളുടെ വില കുതിച്ചുയരുന്നു

മ​സ്ക​ത്ത്​: രാ​ജ്യ​ത്ത്​ യൂ​സ്​​ഡ്​ കാ​റു​ക​ളു​ടെ വി​ല റോ​ക്ക​റ്റു​പോ​ലെ മു​ക​ളി​ലേ​ക്ക്​ കു​തി​ച്ചു​യ​രു​ന്നു. കു​റ​ഞ്ഞ നി​ര​ക്കി​ൽ കാ​റു​ക​ൾ ല​ഭി​ച്ചി​രു​ന്ന വി​പ​ണി​യി​ൽ നി​ല​വി​ൽ ഉ​യ​ർ​ന്ന വി​ല ന​ൽ​കി​യാ​ണ്​ പ​ല​രും വാ​ഹ​ന​ങ്ങ​ൾ സ്വ​ന്ത​മാ​ക്കു​ന്ന​ത്. സെ​മി​ക​ണ്ട​ക്ട​ര്‍ ചി​പ്പു​ക​ളു​ടെ ല​ഭ്യ​ത​ക്കു​റ​വ്, കോ​വി​ഡ്​ മ​ഹാ​മാ​രി, വാ​റ്റ്​ തു​ട​ങ്ങി​യ ഘ​ട​ക​ങ്ങ​ളാ​ണ്​ വി​ല കു​തി​ച്ചു​യ​രാ​ൻ ഇ​ട​യാ​ക്കു​ന്ന​തെ​ന്ന്​ കാ​ർ​വി​ൽ​പ​ന​ക്കാ​രും മ​റ്റും പ​റ​യു​ന്നു. ലോ​ക​ത​ല​ത്തി​ൽ​ത​ന്നെ ​സെ​മി​ക​ണ്ട​ക്​​ർ ചി​പ്പു​ക​ൾ കി​ട്ടാ​നി​ല്ലാ​ത്ത അ​വ​സ്ഥ​യാ​ണ്. കോ​വി​ഡി​നെ തു​ട​ർ​ന്ന്​ ചൈ​ന​യി​ൽ ഉ​ൽ​പാ​ദ​നം നി​ല​ച്ച​താ​ണ് ​സെ​മി​ക​ണ്ട​ക്ട​ർ ചി​പ്പു​ക​ളു​ടെ ക്ഷാ​മ​ത്തി​നി​ട​യാ​ക്കി​യ​ത്. ആ​ഗോ​ള​ത​ല​ത്തി​ൽ സെ​മി​ക​ണ്ട​ക്ട​ർ ചി​പ്പു​ക​ൾ സം​ഭാ​വ​ന ​ചെ​യ്യു​ന്ന പ്ര​ധാ​ന രാ​ജ്യ​ങ്ങ​ളി​ലൊ​ന്നാ​ണ്​ ചൈ​ന.

ആ​ധു​നി​ക വാ​ഹ​ന​ങ്ങ​ളി​ലെ ത​ല​​ച്ചോ​റ്​ എ​ന്ന്​ വി​ശേ​ഷി​പ്പി​ക്കാ​വു​ന്ന ഘ​ട​ക​ങ്ങ​ളി​ലൊ​ന്നാ​ണ്​ സെ​മി ക​ണ്ട​ക്​​ട​ർ ചി​പ്പ്. നി​ല​വി​ൽ പു​റ​ത്തി​റ​ങ്ങു​ന്ന ഒ​രു പാ​സ​ഞ്ച​ർ വാ​ഹ​നം ആ​യി​ര​ത്തോ​ളം സെ​മി ക​ണ്ട​ക്​​ട​റു​ക​ൾ ഉ​പ​യോ​ഗി​ക്കു​ന്നു​ണ്ട്. ആ​ധു​നി​ക ഇ​ൻ​ഫോ​ടെ​യ്ൻ​മെൻറ്​ സി​സ്റ്റ​ങ്ങ​ൾ, ഡ്രൈ​വ​ർ എ​യ്​​ഡു​ക​ൾ, ഒ​ന്നി​ല​ധി​കം ഇ​ല​ക്ട്രി​ക്ക​ൽ ഘ​ട​ക​ങ്ങ​ൾ എ​ന്നി​വ​യി​ലെ​ല്ലാം നി​ർ​ണാ​യ​ക ഘ​ട​ക​മാ​ണ്​ സെ​മി​ക​ണ്ട​ക്​​ട​റു​ക​ൾ.

പ്രാ​ദേ​ശി​ക വി​പ​ണി​യി​ൽ പു​തി​യ കാ​റു​ക​ൾ​ക്കാ​യി ഉ​പ​ഭോ​ക്താ​ക്ക​ൾ എ​ത്തു​ന്നു​ണ്ട്. എ​ന്നാ​ൽ, പ​ല​യി​ട​ത്തും കാ​റു​ക​ൾ ല​ഭ്യ​മ​ല്ല. മ​റു​വ​ശ​ത്ത്​ സാ​മ്പ​ത്തി​ക​മാ​ന്ദ്യ​വും പു​തി​യ കാ​റു​ക​ൾ എ​ടു​ക്കു​ന്ന​തി​ൽ​നി​ന്ന്​ ഉ​പ​ഭോ​ക്താ​ക്ക​ളെ പി​ന്നോ​ട്ട​ടി​ക്കു​ന്നു. ഇ​തി​നാ​ൽ ഇ​ത്ത​ര​ക്കാ​ർ സെ​ക്ക​ൻ​ഡ്​ ഹാ​ൻ​ഡ്​ കാ​റു​ക​ളെ ആ​ശ്ര​യി​ക്കേ​ണ്ടി​വ​രു​ക​യാ​ണ്. ഇ​താ​ണ്​ യൂ​സ്​​ഡ്​ കാ​റു​ക​ളു​ടെ ഡി​മാ​ൻ​ഡ്​ വ​ർ​ധി​പ്പി​ക്കു​ന്ന​തെ​ന്ന്​ വാ​ഹ​ന​മേ​ഖ​ല​യു​മാ​യി ബ​ന്ധ​പ്പെ​ട്ട​വ​ർ ചൂ​ണ്ടി​ക്കാ​ണി​ക്കു​ന്നു. റ​ഷ്യ-​യു​ക്രെ​യ്​​ൻ യു​ദ്ധ​വും ആ​ഗോ​ള​ത​ല​ത്തി​ൽ കാ​റു​ക​ളു​ടെ വി​ത​ര​ണ​ത്തെ ബാ​ധി​ച്ച പ്ര​ധാ​ന ഘ​ട​ക​ങ്ങ​ളി​ലൊ​ന്നാ​ണ്. ലി​ഥി​യം-​ഇ​രു​മ്പ് ബാ​റ്റ​റി​ക​ളി​ൽ ഉ​പ​യോ​ഗി​ക്കു​ന്ന നി​ക്ക​ൽ, കാ​റ്റ​ല​റ്റി​ക് ക​ൺ​വെ​ർ​ട്ട​റു​ക​ളി​ൽ ഉ​പ​യോ​ഗി​ക്കു​ന്ന പ​ലേ​ഡി​യം തു​ട​ങ്ങി​യ കാ​ർ നി​ർ​മാ​ണ​ത്തി​ന്‍റെ ഘ​ട​ക​ങ്ങ​ളി​ൽ ഉ​പ​യോ​ഗി​ക്കു​ന്ന ലോ​ക​ത്തി​ലെ ഏ​റ്റ​വും വ​ലി​യ ലോ​ഹ വി​ത​ര​ണ​ക്കാ​രി​ൽ ഒ​ന്നാ​ണ് റ​ഷ്യ. ആ​ദ്യ​കാ​ല​ങ്ങ​ളി​ൽ ഒ​മാ​ൻ നി​ര​ത്തു​ക​ളി​ൽ ചൈ​നീ​സ്​ കാ​റു​ക​ളു​ടെ എ​ണ്ണം കു​റ​വാ​യി​രു​ന്നു. എ​ന്നാ​ൽ, പു​തി​യ കാ​റു​ക​ൾ ല​ഭ്യ​മ​ല്ലാ​താ​യ​തോ​ടെ ഇ​ത്ത​ര​ത്തി​ലു​ള്ള എ​ല്ലാ​വി​ധ വാ​ഹ​ന​ങ്ങ​ളി​ലേ​ക്കും ഉ​പ​ഭോ​ക്താ​ക്ക​ൾ നീ​ങ്ങി​ത്തു​ട​ങ്ങി​യി​ട്ടു​ണ്ട്.