ഡെ​സേ​ര്‍ട്ട് ക​പ്പ്: ഒ​മാ​ന്​ മി​ന്നും വി​ജ​യം

മ​സ്ക​ത്ത്​: ഡെ​സേ​ര്‍ട്ട് ക​പ്പ് ട്വ​ന്‍റി20 മ​ത്സ​ര​ത്തി​ൽ കൂ​റ്റ​ൻ വി​ജ​യ​വു​മാ​യി ഒ​മാ​ന്‍. ആ​മി​റാ​ത്ത് ക്രി​ക്ക​റ്റ് സ്റ്റേ​ഡി​യ​ത്തി​ല്‍ ന​ട​ന്നു​വ​രു​ന്ന ടൂ​ർ​ണ​മെ​ന്‍റി​ൽ ബ​ഹ്​​റൈ​നെ 106 ​ റ​ൺ​സി​നാ​ണ്​ പ​രാ​ജ​യ​പ്പെ​ടു​ത്തി​യ​ത്. ആ​ദ്യ ബാ​റ്റ്​ ചെ​യ്​​ത ഒ​മാ​ന്‍ ക്യാ​പ്റ്റ​ന്‍ സീ​ശാ​ന്‍ മ​ഖ്‌​സൂ​ദി​ന്റെ സെ​ഞ്ച്വ​റി (44 പ​ന്തി​ല്‍ 102 റ​ണ്‍സ്) മി​ക​വി​ൽ അ​ഞ്ചു വി​ക്ക​റ്റ് ന​ഷ്ട​ത്തി​ല്‍ 220 റ​ണ്‍സാ​ണ്​ എ​ടു​ത്ത​ത്. മു​ഹ​മ്മ​ദ് ന​ദീം (30), ജ​തീ​ന്ദ​ര്‍ സി​ങ്​ (28) എ​ന്നി​വ​രു​ടെ പ്ര​ക​ട​ന​വും​ സ്​​കോ​ർ 200 റ​ൺ​സ്​ ക​ട​ക്കാ​ൻ ഒ​മാ​നെ സ​ഹാ​യി​ച്ചു. ബ​ഹ്‌​റൈ​നു​വേ​ണ്ടി സ​ത്യ രു​മേ​ഷ് മൂ​ന്നു വി​ക്ക​റ്റ് വീ​ഴ്ത്തി. മ​റു​പ​ടി ബാ​റ്റി​ങ്ങി​നി​റ​ങ്ങി​യ ബ​ഹ്​​​റൈ​ൻ 16 ഓ​വ​റി​ൽ 114 റ​ൺ​സി​ന്​ എ​ല്ലാ​വ​രും പു​റ​ത്താ​കു​ക​യാ​യി​രു​ന്നു.

നാ​ല് ഓ​വ​റി​ല്‍ 18 റ​ണ്‍സ് മാ​ത്രം വ​ഴ​ങ്ങി അ​ഞ്ചു വി​ക്ക​റ്റെ​ടു​ത്ത സ​മ​യ് ശ്രീ​വാ​സ്ത​വ, ര​ണ്ടു വി​ക്ക​റ്റു​ക​ള്‍ വീ​തം വീ​ഴ്ത്തി​യ ബി​ലാ​ല്‍ ഖാ​ന്‍, റ​ഫീ​യു​ല്ല എ​ന്നി​വ​രാ​ണ്​ ബ​ഹ്​​റൈ​നെ കു​റ​ഞ്ഞ റ​ണ്ണി​ൽ പു​റ​ത്താ​ക്കി​യ​ത്. ബ​ഹ്‌​റൈ​ന് മി​ക​ച്ച തു​ട​ക്കം ല​ഭി​ച്ചെ​ങ്കി​ലും ഇ​ട​വേ​ള​ക​ളി​ൽ വി​ക്ക​റ്റ്​ ന​ഷ്​​ട​മാ​യ​താ​ണ്​ തി​രി​ച്ച​ടി​യാ​യ​ത്.

ഡേ​വി​ഡ് മാ​ത്യൂ​സ് (39), അ​ഹ്മ​ദ് ബി​ന്‍ നാ​സ​ര്‍ (28), ഇം​റാ​ന്‍ (22) എ​ന്നി​വ​രാ​ണ് താ​ര​ത​മ്യേ​ന മി​ക​ച്ച പ്ര​ക​ട​നം ന​ട​ത്തി​യ ബ​ഹ്​​റൈ​ൻ ബാ​റ്റ​ർ​മാ​ർ. ടോ​സ്​ നേ​ടി​യ ബ​ഹ്റൈ​ൻ ആ​തി​ഥേ​യ​രെ ബാ​റ്റി​ങ്ങി​ന​യ​ക്കു​ക​യാ​യി​രു​ന്നു.