ഇ​രു​പ​ത്തി​യേ​ഴാം രാ​വ്​: പ്രാ​ർ​ഥ​നാ മു​ഖ​രി​തം മ​സ്​​ജി​ദു​ക​ൾ

മ​സ്ക​ത്ത്​: വി​ശു​ദ്ധ​മാ​സം വി​ട​പ​റ​യാ​ൻ ദി​വ​സ​ങ്ങ​ൾ മാ​ത്രം ശേ​ഷി​ക്കെ മ​സ്​​ജി​ദു​ക​ളി​ൽ എ​ത്തു​ന്ന​വ​രു​ടെ എ​ണ്ണ​ത്തി​ൽ വ​ൻ വ​ർ​ധ​ന. അ​വ​സാ​ന പ​ത്തോ​ടെ സ​ജീ​വ​മാ​യ പ​ള്ളി​ക​ൾ ഇ​രു​പ​ത്തി​യേ​ഴാം രാ​വി​ൽ വി​ശ്വാ​സി​ക​ളാ​ൽ തി​ങ്ങി​നി​റ​ഞ്ഞു.

ത​റാ​വീ​ഹ്, ഖി​​യ​​മു​​ലൈ​ൽ എ​ന്നി​വ​ക്കാ​യി ആ​യി​ര​ങ്ങ​ളാ​ണ് രാ​ജ്യ​ത്തെ പ്ര​ധാ​ന പ​ള്ളി​ക​ളി​ൽ ക​ഴി​ഞ്ഞ ദി​വ​സം എ​ത്തി​യ​ത്. റൂ​വി​യി​ലെ സു​ൽ​ത്താ​ൻ ഖാ​ബൂ​സ്​ മ​സ്​​ജി​ദ്, അ​ൽ ഖു​വൈ​ർ തൈ​മൂ​ർ മ​സ്​​ജി​ദ്, ഖു​റം അ​സ്മ മ​സ്​​ജി​ദ്​ എ​​ന്നി​​വി​​ട​​ങ്ങ​​ളി​​ൽ വി​ശ്വാ​സി​ക​ളെ കൊ​ണ്ട് നി​റ​ഞ്ഞു ക​വി​ഞ്ഞു.

ഞായറാഴ്ച മി​ക്ക പ​ള്ളി​ക​ളും വി​ശ്വാ​സി​ക​ൾ​ക്കാ​യി മു​ഴു​വ​ൻ സ​മ​യ​വും തു​റ​ന്നി​ട്ടു. പ​ല​രും പ​ക​ൽ മു​ഴു​വ​ൻ ഖു​ർ ആ​ൻ പാ​രാ​യ​ണ​വു​മാ​യി ക​ഴി​ച്ചു​കൂ​ട്ടി. രാ​ത്രി​യു​ടെ അ​ന്ത്യ​യാ​മ​ത്തി​ലെ ഖി​യാ​മു​ൽ ലൈ​ലും പൂ​ർ​ത്തി​യാ​ക്കി സു​ബ​ഹി ന​മ​സ്കാ​ര​വും നി​ർ​വ​ഹി​ച്ചാ​ണ് വി​ശ്വാ​സി​ക​ൾ വീ​ടു​ക​ളി​ലേ​ക്ക് മ​ട​ങ്ങി​യ​ത്.

സാ​ധാ​ര​ണ​ക്കാ​രാ​യ പ്ര​വാ​സി​ക​ൾ ഏ​റ്റ​വും കൂ​ടു​ത​ൽ പ്രാ​ർ​ഥ​ന​ക്കാ​യി ആ​ശ്ര​യി​ക്കു​ന്ന റൂ​വി മ​ച്ചി മാ​ർ​ക്ക​റ്റ് പ​ള്ളി​യി​ൽ പ​ല ഘ​ട്ട​ങ്ങ​ളാ​യാ​ണ് ന​മ​സ്‌​കാ​ര​ങ്ങ​ൾ ന​ട​ന്ന​ത്. പെ​രു​ന്നാ​ളി​ന്‍റെ ഒ​രു​ക്ക​ങ്ങ​ൾ​ക്കി​ടെ റ​മ​ദാ​നി​ലെ അ​വ​സാ​ന ദി​വ​സ​ങ്ങ​ളി​ലെ പു​ണ്യ​ങ്ങ​ൾ ക​ര​സ്ഥ​മാ​ക്കാ​ൻ ഓ​രോ​രു​ത്ത​രും വി​ട്ടു​പോ​ക​രു​തെ​ന്നും ഒ​പ്പം ഫ​ല​സ്തീ​ൻ അ​ട​ക്ക​മു​ള്ള ലോ​ക​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ ദു​രി​തം അ​നു​ഭ​വി​ക്കു​ന്ന​വ​രെ പ്രാ​ർ​ഥ​ന​ക​ളി​ൽ ഉ​ൾ​പ്പെ​ടു​ത്ത​ണ​മെ​ന്നും പ​ണ്ഡി​ത​ന്മാ​ർ വി​ശ്വാ​സി​ക​ളെ ഓ​ർ​മി​പ്പി​ച്ചു. വി​വി​ധ സ​ന്ന​ദ്ധ​സം​ഘ​ട​ന​ക​ളു​ടെ നേ​തൃ​ത്വ​ത്തി​ൽ വി​ശ്വാ​സി​ക​ൾ​ക്കാ​യി ഭ​ക്ഷ​ണ​വും ഒ​രു​ക്കി​യി​രു​ന്നു.