വ്യാ​പാ​ര വി​ല​ക്കും രാ​ത്രി​സ​ഞ്ചാ​ര നി​രോ​ധ​ന​വും ഇ​ന്നു മു​ത​ൽ

മ​സ്​​ക​ത്ത്​: കോ​വി​ഡ് രോ​ഗ​വ്യാ​പ​നം ത​ട​യു​ന്ന​തി​നാ​യു​ള്ള സു​പ്രീം ക​മ്മി​റ്റി പ്ര​ഖ്യാ​പി​ച്ച വ്യാ​പാ​ര വാ​ണി​ജ്യ സ്ഥാ​പ​ന​ങ്ങ​ളു​ടെ പ്ര​വ​ർ​ത്ത​ന വി​ല​ക്ക് ശ​നി​യാ​ഴ്​​ച മു​ത​ൽ പ്രാ​ബ​ല്യ​ത്തി​ൽ വ​രും. ഈ ​മാ​സം പ​തി​ന​ഞ്ചു​വ​രെ​യാ​ണ്​ വി​ല​ക്ക്​ തു​ട​രു​ക.

വൈ​കീ​ട്ട്​ ഏ​ഴു മു​ത​ൽ പു​ല​ർ​ച്ച നാ​ലു​വ​രെ സ​ഞ്ചാ​ര നി​യ​ന്ത്ര​ണ​വും പ്രാ​ബ​ല്യ​ത്തി​ലു​ണ്ടാ​കും. അ​വ​ശ്യ​വ​സ്​​തു​ക്ക​ൾ വി​ൽ​കു​ന്ന സ്​​ഥാ​പ​ന​ങ്ങ​ൾ, അ​രോ​ഗ്യ മേ​ഖ​ല, ഹോ​ട്ട​ൽ എ​ന്നി​വ​ക്ക്​ ഇ​ള​വു​ക​ൾ ​പ്ര​ഖ്യാ​പി​ച്ചി​ട്ടു​ണ്ട്. ബാ​ങ്കു​ക​ൾ, മ​ണി എ​ക്സ്ചേ​ഞ്ചു​ക​ൾ എ​ന്നി​വ നി​ബ​ന്ധ​ന​ക​ൾ​ക്ക് വി​ധേ​യ​മാ​യി പ്ര​വ​ർ​ത്തി​ക്കാം. സെ​ൻ​ട്ര​ൽ ബാ​ങ്കി​െൻറ ഈ ​തീ​രു​മാ​നം സാ​ധാ​ര​ണ​ക്കാ​രാ​യ പ്ര​വാ​സി​ക​ൾ​ക്ക് ആ​ശ്വാ​സ​ക​ര​മാ​ണ്. ചെ​റി​യ പെ​രു​ന്നാ​ളി​നോ​ട​നു​ബ​ന്ധി​ച്ച്​ ഇ​ന്ത്യ​യ​ട​ക്ക​മു​ള്ള രാ​ജ്യ​ങ്ങ​ളി​ൽ നി​ന്നു​ള്ള സാ​ധാ​ര​ണ​ക്കാ​രാ​യ പ്ര​വാ​സി​ക​ൾ നാ​ട്ടി​ലേ​ക്ക് പ​ണം അ​യ​ക്കു​ന്ന​ത് റ​മ​ദാ​ൻ അ​വ​സാ​ന നാ​ളു​ക​ളി​ലാ​ണ്. അ​തി​നാ​ൽ സാ​മ്പ​ത്തി​ക വി​നി​മ​യ സ്​​ഥാ​പ​ന​ങ്ങ​ൾ പ്ര​വ​ർ​ത്തി​ക്കു​ന്ന​ത്​ പ്ര​വാ​സി​ക​ൾ​ക്ക് ഗു​ണ​ക​ര​മാ​ണ്.

രാ​വി​ലെ എ​ട്ടു മു​ത​ൽ ഇ​ട​വേ​ള​യി​ല്ലാ​തെ വൈ​കീ​ട്ട്​ ആ​റ​ര വ​രെ സ്ഥാ​പ​നം തു​റ​ന്നു പ്ര​വ​ർ​ത്തി​ക്കു​മെ​ന്ന് മോ​ഡേ​ൺ എ​ക്സ്ചേ​ഞ്ച്​ ജ​ന​റ​ൽ മാ​നേ​ജ​ർ ഫി​ലി​പ്പ് കോ​ശി പ​റ​ഞ്ഞു. ഒ​രു സ​മ​യം മൂ​ന്നു ഇ​ട​പാ​ടു​കാ​രെ മാ​ത്ര​മേ സ്ഥാ​പ​ന​ത്തി​ൽ പ്ര​വേ​ശി​പ്പി​ക്കൂ. അ​തോ​ടൊ​പ്പം ത​ന്നെ സു​ര​ക്ഷ മു​ൻ​ക​രു​ത​ലു​ക​ളും ഉ​ണ്ടാ​കും. നേ​ര​ത്തെ വ​ന്നാ​ൽ തി​ര​ക്കി​ല്ലാ​തെ ഇ​ട​പാ​ട്​ ന​ട​ത്താ​മെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു. അ​തോ​ടൊ​പ്പം മൊ​ബൈ​ൽ ആ​പ്പ്, ഫോ​ൺ ഇ​ൻ റെ​മി​റ്റ​ൻ​സ് സൗ​ക​ര്യ​വും ഇ​വി​ടെ​യു​ണ്ട്. ചെ​റി​യ പെ​രു​ന്നാ​ൾ, അ​ക്ഷ​യ​ത്രി​ദീ​യ എ​ന്നി​വ​യോ​ട് അ​നു​ബ​ന്ധി​ച്ച ഇ​ട​പാ​ടു​കാ​ർ​ക്ക് സ്വ​ർ​ണം വാ​ങ്ങു​ന്ന​തി​ന്​ ബു​ദ്ധി​മു​ട്ടു​ണ്ടാ​കി​ല്ലെ​ന്ന് കൊ​ച്ചി​ൻ ഗോ​ൾ​ഡ് മാ​നേ​ജ​ർ അ​ഖി​ൽ സു​രേ​ന്ദ്ര​നും പ​റ​ഞ്ഞു. ഇ​തി​നോ​ട​കം നി​ര​വ​ധി​പേ​ർ പെ​രു​ന്നാ​ൾ, അ​ക്ഷ​യ​ത്രി​ദീ​യ ദി​ന​ത്തോ​ട​നു​ബ​ന്ധി​ച്ച്​ സ്വ​ർ​ണം ബു​ക്ക് ചെ​യ്​​തു. അ​വ​ർ​ക്കു​ള്ള സ്വ​ർ​ണം അ​ത​തു ദി​വ​സം വീ​ട്ടി​ൽ എ​ത്തി​ച്ചു കൊ​ടു​ക്കും. അ​തി​നു​പു​റ​മെ വാ​ട്​​സ്​​ആ​പ് മു​ഖേ​ന സ്വ​ർ​ണം ബു​ക്ക് ചെ​യ്​​താ​ൽ ഓ​രോ ബ്രാ​ഞ്ചി​െൻറ​യും അ​മ്പ​തു കി​ലോ​മീ​റ്റ​ർ ചു​റ്റ​ള​വി​ൽ സൗ​ജ​ന്യ​മാ​യി എ​ത്തി​ച്ചു​കൊ​ടു​ക്കു​മെ​ന്ന് അ​ദ്ദേ​ഹം അ​റി​യി​ച്ചു.

ക​ഴി​ഞ്ഞ പെ​രു​ന്നാ​ൾ മു​ഴു​വ​ൻ ലോ​ക്ഡൗ​ണി​ൽ ആ​യി​രു​ന്ന​തി​നാ​ൽ ക​ച്ച​വ​ടം ഒ​ന്നും ല​ഭി​ച്ചി​ല്ലെ​ന്നും ഇ​ത്ത​വ​ണ കു​റ​ച്ചൊ​ക്കെ ല​ഭി​ച്ചെ​ന്നും ന​ഗ​ര​ത്തി​ലെ ത​യ്യ​ൽ തൊ​ഴി​ലാ​ളി സി​ദ്ദി​ക്ക് പ​റ​ഞ്ഞു. അ​വ​സാ​ന ദി​വ​സ​ങ്ങ​ളി​ൽ വീ​ണ്ടും പ്ര​വ​ർ​ത്ത​ന വി​ല​ക്ക് വ​ന്നെ​ങ്കി​ലും ഏ​റ്റെ​ടു​ത്ത ജോ​ലി​ക​ൾ എ​ല്ലാം തീ​ർ​ത്തു കൊ​ടു​ത്ത​താ​യി അ​ദ്ദേ​ഹം കൂ​ട്ടി​ച്ചേ​ർ​ത്തു. പ്ര​വ​ർ​ത്ത​ന വി​ല​ക്ക് പ്രാ​ബ​ല്യ​ത്തി​ൽ വ​ന്ന​തോ​ടെ കൂ​ടു​ത​ൽ ഓ​ർ​ഡ​റു​ക​ൾ ഏ​റ്റെ​ടു​ത്തി​ല്ലെ​ന്നും അ​ദ്ദേ​ഹം പ​റ​ഞ്ഞു.