ജി.സി.സി രാജ്യങ്ങളിൽനിന്ന്​ ഒമാനിലേക്ക്​ സഞ്ചാരികൾ ഒഴുകുന്നു

മ​സ്ക​ത്ത്​: ബ​ലി​പെ​രു​ന്നാ​ൾ ആ​ഘോ​ഷി​ക്കാ​നാ​യി ജി.​സി.​സി രാ​ജ്യ​ങ്ങ​ളി​ൽ​നി​ന്ന്​ ഒ​മാ​നി​ലേ​ക്ക്​ സ​ഞ്ചാ​രി​ക​ൾ ഒ​ഴു​കു​ന്നു. സു​ൽ​ത്താ​നേ​റ്റി​ലെ ത​ണു​പ്പ്​ കു​റ​ഞ്ഞ പ്ര​ദേ​ശ​മാ​യ ജ​ബ​ൽ അ​ഖ്​​ദ​ർ, ജ​ബ​ൽ ശം​സ്, സ​ലാ​ല തു​ട​ങ്ങി​യ സ്ഥ​ല​ങ്ങ​ളി​ലേ​ക്കാ​ണ്​ കൂ​ടു​ത​ൽ ആ​ളു​ക​ളും എ​ത്തു​ന്ന​ത്. ജി.​സി.​സി പൗ​ര​ൻ​മാ​രും മ​ല​യാ​ളി​ക​ള​ട​ക്ക​മു​ള്ള പ്ര​വാ​സി​ക​ളും സു​ൽ​ത്താ​നേ​റ്റി​ന്‍റെ ഭം​ഗി ആ​സ്വ​ദി​ക്കാ​ൻ എ​ത്തു​ന്നു​ണ്ട്. മ​ല​യാ​ളി​ക​ള​ട​ക്ക​മു​ള്ള​വ​ർ ദി​വ​സ​ങ്ങ​ൾ​ക്ക്​ മു​ന്നേ ഒ​മാ​നി​ലെ​ത്തി ബ​ന്ധു​ക്ക​ളു​ടെ​യും സു​ഹൃ​ത്തു​ക്ക​ളു​ടെ​യും കൂ​ടെ​യാ​ണ്​ ക​ഴി​യു​ന്ന​ത്. ഇ​ന്ത്യ​യി​ലേ​ക്കു​ള്ള ടി​ക്ക​റ്റ്​ നി​ര​ക്ക്​ കു​ത്ത​നെ ഉ​യ​ർ​ന്ന​താ​ണ്​ മ​ല​യാ​ളി​ക​ള​ട​ക്ക​മു​ള്ള പ്ര​വാ​സി​ക​ളെ നാ​ട്ടി​ലേ​ക്കു​ള്ള പെ​രു​ന്നാ​ൾ യാ​ത്ര മാ​റ്റി ഒ​മാ​ൻ​പോ​ലു​ള്ള സ്ഥ​ല​ങ്ങ​ൾ തി​ര​ഞ്ഞെ​ടു​ക്കാ​ൻ നി​ർ​ബ​ന്ധി​ത​രാ​ക്കി​യ​ത്. കു​ടും​ബ​വു​മാ​യി ക​ഴി​യു​ന്ന​വ​ർ​ക്ക്​ നാ​ട്ടി​ൽ​പോ​യി വ​രാ​ൻ ല​ക്ഷ​ങ്ങ​ളാ​ണ്​ ടി​ക്ക​റ്റ്​ ഇ​ന​ത്തി​ൽ മാ​ത്രം ചെ​ല​വ്​ വ​രു​ന്ന​ത്.

ഖ​ത്ത​ർ, സൗ​ദി, യു.​എ.​ഇ തു​ട​ങ്ങി​യ രാ​ജ്യ​ങ്ങ​ളി​ൽ​നി​ന്നാ​ണ്​ കൂ​ടു​ത​ലും ആ​ളു​ക​ൾ എ​ത്തി​യി​രി​ക്കു​ന്ന​ത്. ഖ​രീ​ഫ് കാ​ലം ആ​രം​ഭി​ച്ച​തി​നാ​ല്‍ സ​ലാ​ല​യാ​ണ് സ​ഞ്ചാ​രി​ക​ളു​ടെ പ്ര​ധാ​ന ആ​ക​ര്‍ഷ​ണം. ഇ​ത്ത​വ​ണ സൗ​ദി, ഖ​ത്ത​ര്‍ സ​ഞ്ചാ​രി​ക​ള്‍ തി​ര​ഞ്ഞെ​ടു​ക്കു​ന്ന​തും ഒ​മാ​നെ​യാ​ണ്. യു.​എ.​ഇ​യി​ല്‍നി​ന്നു​ള്ള സ​ന്ദ​ര്‍ശ​ക​രി​ലേ​റെ​യും റോ​ഡ് മാ​ര്‍ഗ​മാ​ണ് സു​ൽ​ത്താ​നേ​റ്റി​ലേ​ക്ക്​ എ​ത്തു​ന്ന​ത്. ദു​ബൈ ഒ​മാ​ന്‍ ബോ​ര്‍ഡ​റാ​യ ഹ​ത്ത​യി​ലാ​ണ് വ​ലി​യ തി​ര​ക്ക് അ​നു​ഭ​വ​പ്പെ​ടു​ന്ന​ത്. തി​ങ്ക​ളാ​ഴ്ച വൈ​കീ​ട്ട് മു​ത​ല്‍ ന​ല്ല തി​ര​ക്കാ​ണ്​ അ​നു​ഭ​വ​പ്പെ​ട്ട​ത്. ഒ​മാ​ന്‍റെ പ്ര​കൃ​തി​ഭം​ഗി​യും ആ​തി​ഥ്യ​മ​ര്യാ​ദ​യു​മൊ​ക്കെ​യാ​ണ്​ സ​ഞ്ചാ​രി​ക​ളെ ഇ​ങ്ങോ​ട്ട്​ ആ​ർ​ഷി​ക്കു​ന്ന​തി​നു​ള്ള പ്ര​ധാ​ന കാ​ര​ണം.