ടൂര്‍ ഓഫ് ഒമാന്‍: ആദ്യഘട്ടത്തില്‍ അലക്സാണ്ടര്‍  ക്രിസ്റ്റോഫ് ജേതാവ്

മുസന്ന, റുസ്താഖ്, അല്‍ അവാബി വഴി മസ്കത്ത് എക്സ്പ്രസ്വേയിലൂടെ അല്‍ നസീം പാര്‍ക്കിലാണ് ആദ്യഘട്ട മത്സരം സമാപിച്ചത്
മസ്കത്ത്: ടൂര്‍ ഓഫ് ഒമാന്‍ അന്താരാഷ്ട്ര സൈക്കിളോട്ട മത്സരത്തിന് തുടക്കമായി. ബര്‍ക്ക വിലായത്തിലെ അല്‍ സവാദി ബീച്ചില്‍ ബര്‍ക്ക വാലി അബ്ദുള്ളാഹ് ബിന്‍ മുഹമ്മദ് അല്‍ ബറൈക്കി മത്സരം ഫ്ളാഗ് ഓഫ് ചെയ്തു. 
മുസന്ന, റുസ്താഖ്, അല്‍ അവാബി വഴി മസ്കത്ത് എക്സ്പ്രസ്വേയിലൂടെ അല്‍ നസീം പാര്‍ക്കിലാണ് ആദ്യഘട്ട മത്സരം സമാപിച്ചത്. നോര്‍വീജിയന്‍ താരമായ അലക്സാണ്ടര്‍ ക്രിസ്റ്റോഫ് ആണ് ആദ്യഘട്ടത്തില്‍ വിജയതീരമണിഞ്ഞത്. 
അഞ്ചു പേര്‍ ആദ്യഘട്ടത്തില്‍ തന്നെ മത്സരത്തില്‍നിന്ന് പിന്മാറി. ടോം ബൂനെന്‍ ആദ്യഘട്ടം അവസാനിക്കുന്നതിന് 700 മീറ്റര്‍ ശേഷിക്കവേ മത്സരത്തില്‍നിന്ന് പിന്‍മാറുകയും ചെയ്തു. ഇന്ന് അല്‍ ബുസ്താനിലേക്കാണ് രണ്ടാംഘട്ട മത്സരം. 145.5 കിലോമീറ്ററാണ് ഈ ഘട്ടത്തില്‍ മത്സരാര്‍ഥികള്‍ പിന്നിടുക.