‘ടൂ​ർ ഓ​ഫ്​ സ​ലാ​ല’ ​സൈ​ക്ലി​ങ്​ ചാ​മ്പ്യ​ൻ​ഷി​പ്പി​ന്​ ഇ​ന്ന്​ തു​ട​ക്കം

മ​സ്ക​ത്ത്​: പൊ​തു​ജ​ന​ങ്ങ​ൾ​ക്കും സൈ​ക്ലി​ങ്​ പ്രേ​മി​ക​ൾ​ക്കും ആ​വേ​ശ​ക്കാ​ഴ്ച​യു​മാ​യി ‘ടൂ​ർ ഓ​ഫ്​ സ​ലാ​ല’ ​സൈ​ക്ലി​ങ്​ ചാ​മ്പ്യ​ൻ​ഷി​പ്പി​ന്‍റെ മൂ​ന്നാം പ​തി​പ്പി​ന്​ ഞാ​യ​റാ​ഴ്ച തു​ട​ക്ക​മാ​കും.

സെ​പ്റ്റം​ബ​ർ 10 മു​ത​ൽ 13 വ​രെ നാ​ല് ഘ​ട്ട​ങ്ങ​ളി​ലൂ​ടെ​യാ​ണ്​ മ​ത്സ​ര​ങ്ങ​ൾ പു​രോ​ഗ​മി​ക്കു​ക. ഖ​രീ​ഫി​ൽ പ​ച്ച പി​ടി​ച്ചു​​കി​ട​ക്കു​ന്ന സ​ലാ​ല​യു​ടെ സൗ​ന്ദ​ര്യം നു​ക​രാ​ൻ ക​ഴി​യു​ന്ന ത​ര​ത്തി​ൽ ഒ​രു​ക്കി​യി​രി​ക്കു​ന്ന ചാ​മ്പ്യ​ൻ​ഷി​പ്പി​ൽ ഏ​ക​ദേ​ശം 100 സൈ​ക്ലി​സ്റ്റു​ക​ൾ മ​ത്സ​രി​ക്കും.13 ടീ​മു​ക​ൾ മ​ത്സ​രി​ക്കു​ന്ന ഈ ​പ​തി​പ്പി​ൽ മൊ​ത്തം 522 കി​ലോ​മീ​റ്റ​ർ ആ​ണ്​ മ​ത്സ​ര ദൂ​രം. 123.7 കി​ലോ​മീ​റ്റ​ർ വ​രു​ന്ന ആ​ദ്യ​ഘ​ട്ടം സ​ലാ​ല​യി​ലെ ഖോ​ർ റോ​റി​യി നി​ന്ന് ആ​രം​ഭി​ച്ച് ഐ​ൻ ഇ​ഷാ​ത്തി​ൽ അ​വ​സാ​നി​ക്കും. സ​ദാ ബീ​ച്ച് മു​ത​ൽ ഹ​ജീ​ഫ് വ​രെ​യു​ള്ള ര​ണ്ടാം​ഘ​ട്ടം 148 കി​ലോ​മീ​റ്റ​റും മൂ​ന്നാം​ഘ​ട്ടം അ​ൽ ഹ​ഫ സൂ​ഖ് മു​ത​ൽ വാ​ദി ദ​ർ​ബ​ത്ത് വ​രെ 104 കി​ലോ​മീ​റ്റ​റു​മാ​ണു​ള്ള​ത്. അ​വ​സാ​ന ഘ​ട്ടം ഐ​ൻ റ​സാ​ത്ത് മു​ത​ൽ ഇ​ത്തീ​ൻ പ​ബ്ലി​ക് പാ​ർ​ക്ക് വ​രെ​യാ​ണ്. 147 കി​ലോ​മീ​റ്റ​ർ ആ​ണ്​ ഇ​തി​ന്‍റെ ദൂ​രം. വേ​ൾ​ഡ് ടൂ​ർ റാ​ങ്കി​ങ്ങി​ൽ ആ​ദ്യ മൂ​ന്നി​ൽ വ​രു​ന്ന റൈ​ഡ​ർ​മാ​രാ​യ നെ​ത​ർ​ല​ൻ​ഡ്‌​സി​ന്റെ കെ​ന്നി നി​ജ്‌​സെ​ൻ, യൂ​സി​ബോ പാ​സ്‌​ക്വ​ൽ (സ്പെ​യി​ൻ), അ​ഹ​മ്മ​ദ് നാ​സ​ർ (ബ​ഹ്‌​റൈ​ൻ) എ​ന്നി​വ​ർ സ​ലാ​ല​യി​ൽ മ​ത്സ​ര​ത്തി​നു​ണ്ടാ​കും. ബ​ഹ്‌​റൈ​ൻ സൈ​ക്ലി​ങ്​ അ​ക്കാ​ദ​മി (ബ​ഹ്‌​റൈ​ൻ), യൂ​നി​വേ​ഴ്‌​സ് സൈ​ക്ലി​ങ്​ ടീം (​നെ​ത​ർ​ല​ൻ​ഡ്‌​സ്), സ്റ്റോ​ക്ക്-​മെ​ട്രോ​പോ​ൾ സൈ​ക്ലി​ങ്​ (സ്പെ​യി​ൻ) മൂ​ന്ന് മി​ക​ച്ച കോ​ണ്ടി​നെ​ന്റ​ൽ ടീ​മു​ക​ൾ​ക്കൊ​പ്പം അ​ൾ​ജീ​രി​യ, താ​യ്‌​ല​ൻ​ഡ്, സൗ​ദി അ​റേ​ബ്യ, യു​നൈ​റ്റ​ഡ് അ​റ​ബ് എ​മി​റേ​റ്റ്സ്, ഇ​റാ​ൻ, ഒ​മാ​ൻ, ഇ​റാ​ഖ്​ എ​ന്നീ ദേ​ശീ​യ ടീ​മു​ക​ളും അ​ണി​ചേ​രും. ഇ​ന്റ​ർ​നാ​ഷ​ന​ൽ സൈ​ക്ലി​ങ്​ യൂ​നി​യ​ന്റെ (യു.​സി.​ഐ) നി​യ​ന്ത്ര​ണ​ങ്ങ​ൾ അ​നു​സ​രി​ച്ചാ​ണ് ടൂ​ർ ഓ​ഫ് സ​ലാ​ല​യു​ടെ മൂ​ന്നാം പ​തി​പ്പ്.

ഒ​മാ​ൻ സൈ​ക്ലി​ങ്​ അ​സോ​സി​യേ​ഷ​ൻ ദോ​ഫാ​ർ മു​നി​സി​പ്പാ​ലി​റ്റി​യു​ടെ പി​ന്തു​ണ​യോ​ടെ​യാ​ണ്​ ടൂ​ർ സം​ഘ​ടി​പ്പി​ക്കു​ന്ന​ത്.