ആ​വേ​ശക്കാഴ്ച​ക​ളു​മാ​യി 'ടൂ​ർ ഓ​ഫ് ഒ​മാ​ൻ' ഫെ​ബ്രു​വ​രി എ​ട്ടുമു​ത​ൽ

മ​സ്ക​ത്ത്: ത​ല​സ്ഥാ​ന ന​ഗ​രി​ക്ക് ആ​വേ​ശ​ക്കാ​ഴ്ച​ക​ളു​മാ​യെ​ത്തു​ന്ന 'ടൂ​ർ ഓ​ഫ് ഒ​മാ​ൻ' ദീ​ർ​ഘ​ദൂ​ര ​സൈ​ക്ലി​ങ് മ​ത്സ​രം ഫെ​ബ്രു​വ​രി എ​ട്ട് മു​ത​ൽ 12 വ​രെ അ​ൽ സ​വാ​ദി ബീ​ച്ച് ഒ​മാ​ൻ പ​രി​സ​ര​ത്ത് ന​ട​ക്കും. സാം​സ്കാ​രി​ക, കാ​യി​ക, യു​വ​ജ​ന മ​ന്ത്രാ​ല​യം ഒ​മാ​ൻ സൈ​ക്ലി​ങ് അ​സോ​സി​യേ​ഷ​ന്‍റെ​യും (ഒ.​സി.​എ) നി​ര​വ​ധി സ​ർ​ക്കാ​ർ, സ്വ​കാ​ര്യ സ്ഥാ​പ​ന​ങ്ങ​ളു​ടെ​യും ഏ​കോ​പ​ന​ത്തോ​ടെ​യാ​ണ് ' ടൂ​ർ ഓ​ഫ് ഒ​മാ​ൻ' സം​ഘ​ടി​പ്പി​ക്കു​ന്ന​ത്.

മ​ത്സ​രം ആ​രം​ഭി​ച്ച 2010 മു​ത​ൽ​ക്കേ​ത​ന്നെ ലോ​ക​ത്ത​ന്റെ വി​വി​ധ ഭാ​ഗ​ങ്ങ​ളി​ൽ​നി​ന്നു​ള്ള സൈ​ക്ലി​സ്റ്റു​ക​ളെ ആ​ക​ർ​ഷി​ച്ച​താ​യി​രു​ന്നു ‘ടൂ​ർ ഓ​ഫ് ഒ​മാ​ൻ’. ഓ​രോ വ​ർ​ഷ​വും വ​ർ​ധി​ച്ചു​വ​രു​ന്ന മ​ത്സ​രാ​ർ​ഥി​ക​ളു​ടെ പ​ങ്കാ​ളി​ത്തം ഇ​തി​​​​​ന്റെ സ്വീ​കാ​ര്യ​ത​ക്കു​ള്ള തെ​ളി​വാ​ണ്. അ​ഞ്ച് ഘ​ട്ട​ങ്ങ​ളി​ൽ വി​വി​ധ മേ​ഖ​ല​ക​ളി​ലാ​ണ് മ​ത്സ​ര​ങ്ങ​ള്‍. മു​ന്‍ വ​ര്‍ഷ​ങ്ങ​ളി​ലെ വി​ജ​യി​ക​ള്‍ ഇ​ത്ത​വ​ണ​യും എ​ത്തു​മെ​ന്നാ​ണ് അ​ധി​കൃ​ത​ര്‍ പ്ര​തീ​ക്ഷി​ക്കു​ന്ന​ത്.

ഒ​മാ​ന്‍ ദേ​ശീ​യ ടീം ​ഇ​ത്ത​വ​ണ​യും മ​ത്സ​ര​ത്തി​നു​ണ്ടാ​കു​മെ​ന്നാ​ണ് സൂ​ച​ന. ഇ​ത്ത​വ​ണ മ​ത്സ​ര റൂ​ട്ടു​ക​ളും മ​റ്റും വ​രും​ദി​വ​സ​ങ്ങ​ളി​ല​റി​യാം. ക​ഴി​ഞ്ഞ​വ​ര്‍ഷം ജ​ബ​ല്‍ അ​ഖ്ദ​റി​നെ​യും മ​ത്സ​ര പാ​ദ​യാ​യി ഉ​ള്‍പ്പെ​ടു​ത്തി​യി​രു​ന്നു. രാ​ജ്യ​ത്തു​ട​നീ​ളം വ​ലി​യ സ്വീ​ക​ര​ണ​മാ​ണ് ടൂ​ര്‍ ഓ​ഫ് ഒ​മാ​ന് ല​ഭി​ക്കാ​റു​ള്ള​ത്. മേ​ഖ​ല​യി​ലെ ത​ന്നെ സീ​സ​ണി​ലെ​സൈ​ക്ലി​ങ് മ​ത്സ​ര​ങ്ങ​ളു​ടെ തു​ട​ക്കം കൂ​ടി​യാ​ണ് ഒ​മാ​ന്‍ ടൂ​ര്‍. ടൂ​ര്‍ ഓ​ഫ് ഒ​മാ​ന്റെ അ​നു​ബ​ന്ധ ന​ട​ക്കു​ന്ന മ​സ്‌​ക​ത്ത് ക്ലാ​സി​ക് സൈ​ക്ലി​ങ് മ​ത്സ​രം ഇ​ത്ത​വ​ണ ഫെ​ബ്രു​വ​രി ഏ​ഴി​ന് ആ​കും അ​ര​ങ്ങേ​റു​ക.