നാ​ളെ വി​ഷു; വ​ര​വേ​ൽ​ക്കാ​നൊ​രു​ങ്ങി മ​ല​യാ​ളി​ക​ൾ

മ​സ്ക​ത്ത്: കേ​ര​ളീ​യ​രു​ടെ പ്ര​ധാ​ന ഉ​ത്സ​വ​മാ​യ വി​ഷു​വി​നെ വ​ര​വേ​ൽ​ക്കാ​ൻ ഒ​മാ​നി​ലെ മ​ല​യാ​ളി​ക​ൾ ഒ​രു​ങ്ങി. വി​ഷു വി​ഭ​വ​ങ്ങ​ൾ വി​പ​ണി​യി​ലെ​ത്തി​യ​തോ​ടെ തി​ര​ക്കും തു​ട​ങ്ങി.

വി​ഷു ഉ​ൽ​പ​ന്ന​ങ്ങ​ളെ​ല്ലാം നാ​ട്ടി​ൽ നി​ന്നും ഒ​മാ​നി​ൽ നി​ന്നു​മാ​യി വി​പ​ണി​യി​ൽ എ​ത്തി​യി​ട്ടു​ണ്ട്. വി​ഷു​ക്ക​ണി​യാ​ണ് വി​ഷു​വി​ന്റെ പ്ര​ധാ​ന ച​ട​ങ്ങ്. വി​ഷു​ദി​ന​ത്തി​ൽ രാ​വി​ലെ ഉ​ണ​ർ​ന്നെ​ഴു​ന്നേ​ൽ​ക്കു​മ്പോ​ൾ ആ​ദ്യ​മാ​യി കാ​ണു​ന്ന കാ​ഴ്ച​യാ​ണ് വി​ഷു​ക്ക​ണി. ഇ​തി​നെ ഒ​രു വ​ർ​ഷ​ത്തെ മു​ഴൂ​വ​ൻ ഐ​ശ്വ​ര്യ​ത്തി​ന്റെ പ്ര​തീ​ക​മാ​യാ​ണ് ക​ണ​ക്കാ​ക്കു​ന്ന​ത്. വി​ഷു​ക്കൈ​നീ​ട്ട​വും പ്ര​ധാ​ന ആ​ചാ​ര​മാ​ണ്.

കു​ടും​ബ​ത്തി​ലെ മു​തി​ർ​ന്ന​വ​ർ ഇ​ളം ത​ല​മു​റ​ക്കാ​ർ​ക്ക് ന​ൽ​കു​ന്ന പ​ണ​മാ​ണി​ത്. ഒ​മാ​നി​ലെ ക്ഷേ​ത്ര​ങ്ങ​ളി​ലും ഞാ​യ​റാ​ഴ്ച സ​ന്ദ​ർ​ശ​ക തി​ര​ക്ക് അ​നു​ഭ​വ​പ്പെ​ടും.

വി​ഷു​ക്ക​ണി​ക്ക് വേ​ണ്ട വി​ഭ​വ​ങ്ങ​ൾ നേ​ര​ത്തെ ത​ന്നെ ഒ​രു​ക്കി വെ​ക്കാ​റു​ണ്ട്. വെ​ള്ള​രി, ക​ണി​ക്കൊ​ന്ന, പ​ഴ​ങ്ങ​ൾ, തേ​ങ്ങ, നാ​ണ​യ​ത്തു​ട്ടു​ക​ൾ തു​ട​ങ്ങി നി​ര​വ​ധി ഇ​ന​ങ്ങ​ളാ​ണ് വി​ഷു​ക്ക​ണി​ക്കാ​യി ഒ​രു​ക്കു​ന്ന​ത്. ത​ലേ ദി​വ​സം രാ​ത്രി​യി​ൽ ത​ന്നെ ക​ണി ഒ​രു​ക്കി​വെ​ക്കാ​റാ​ണ് പ​തി​വ്.

ക​ണി​ക്കു​ള്ള ഉ​ൽ​പ​ന്ന​ങ്ങ​ൾ കേ​ര​ള​ത്തി​ൽ​നി​ന്നും എ​ത്തി​ക്ക​ഴി​ഞ്ഞു. ക​ണി​ക്കൊ​ന്ന, ക​ണി ച​ക്ക എ​ന്നി​വ​യാ​ണ് ഇ​വ​യി​ൽ പ്ര​ധാ​ന​പ്പെ​ട്ട​വ. ട​ൺ ക​ണ​ക്കി​ന് വി​ഷു വി​ഭ​വ​ങ്ങ​ളാ​ണ് ഓ​രോ വി​ഷു​വി​നും കേ​ര​ള​ത്തി​ൽ നി​ന്നും ഒ​മാ​നി​ലെ​ത്തു​ന്ന​ത്. ഇ​തി​ൽ ക​ണി​ക്കൊ​ന്ന അ​ട​ക്ക​മു​ള്ള വി​മാ​ന​ത്തി​ൽ വ​രു​ന്ന​തി​നാ​ൽ ചെ​ല​വും കൂ​ടും. വെ​ള്ള​രി അ​ട​ക്ക​മു​ള്ള വി​ഭ​വ​ങ്ങ​ൾ ഒ​മാ​നി​ൽ ത​ന്നെ കൃ​ഷി ചെ​യ്യു​ന്ന​ത് വി​ല കു​റ​യാ​ൻ കാ​ര​ണ​മാ​ക്കും. വി​ഷു​വി​ന്റെ ഭാ​ഗ​മാ​യി വ്യാ​പാ​ര സ്ഥാ​പ​ന​ങ്ങ​ൾ ഓ​ഫ​റു​ക​ൾ പ്ര​ഖ്യാ​പി​ച്ചി​ട്ടു​ണ്ട്. അ​വ​ധി​ക്കാ​ല തി​ര​ക്കി​നൊ​പ്പം വി​ഷുത്തി​ര​ക്ക് കൂ​ടി ആ​യ​തോ​ടെ വ്യാ​പാ​ര സ്ഥാ​പ​ന​ങ്ങ​ൾ വീ​ർ​പ്പു​മു​ട്ടു​ക​യാ​ണ്.

പെ​രു​ന്നാ​ൾ അ​വ​ധി അ​വ​സാ​നി​ക്കു​ന്ന​തോ​ടെ​യാ​ണ് വി​ഷു ആ​ഘോ​ഷം. ഞാ​യ​റാ​ഴ്ച ഈ​ദു​ൽ ഫി​ത്ർ അ​വ​ധി ക​ഴി​ഞ്ഞ് സ​ർ​ക്ക​ാർ പൊ​തുമേ​ഖ​ല സ്ഥാ​പ​ന​ങ്ങ​ളും സ്വ​കാ​ര്യ സ്ഥാ​പ​ന​ങ്ങ​ളും പ്ര​വ​ർ​ത്ത​ന​മാ​രം​ഭി​ക്കും. അ​തി​നാ​ൽ, വി​ഷു ഒ​രു​ക്ക​ങ്ങ​ൾ ന​ട​ത്തി​യാ​ണ് പ​ല​രും ജോ​ലി സ്ഥ​ല​ത്തേ​ക്ക് പോ​വു​ക. അ​വ​ധി​യെ​ടു​ത്ത് വി​ഷു ആ​ഘോ​ഷി​ക്കു​ന്ന​വ​രും ഉ​ണ്ട്.

നി​റ​യെ ക​ണി​ക്കൊ​ന്ന​ക​ളു​ള്ള രാ​ജ്യ​മാ​ണ് ഒ​മാ​ൻ. ക​ണി​ക്കൊ​ന്ന​ക​ൾ​ക്ക് ഏ​റ്റ​വും പ​റ്റി​യ കാ​ലാ​വ​സ്ഥ​യാ​ണ് ഒ​മാ​നി​ലു​ള്ള​ത്. മ​സ്ക​ത്തി​ന്റെ വി​വി​ധ ഭാ​ഗ​ങ്ങ​ളി​ൽ നി​ര​വ​ധി ക​ണി​ക്കൊ​ന്ന മ​ര​ങ്ങ​ളും കാ​ണാം. എ​ന്നാ​ൽ, ഇ​വ​യൊ​ന്നും ഇ​ത്ത​വ​ണ പൂ​ത്തി​ട്ടി​ല്ല. പ​ല​തും വി​ഷു ക​ഴി​ഞ്ഞാ​ണ് പൂ​ക്കാ​റു​ള്ള​ത്.