ഒന്നിച്ചൊന്നായ്

ലോ​ക​ത്തെ ഏ​റ്റ​വും വ​ലി​യ ജ​നാ​ധി​പ​ത്യരാജ്യ​മെ​ന്ന ഖ്യാ​തി ഇ​ന്ത്യ​ക്ക്​ സ​മ്മാ​നി​ച്ച മ​ഹ​ത്താ​യ ഭ​ര​ണ​ഘ​ട​ന ഔ​ദ്യോ​ഗി​ക​മാ​യി പ്രാ​ബ​ല്യ​ത്തി​ല്‍ വ​ന്ന ദി​വ​സ​മാ​ണി​ന്ന്. ഭ​ര​ണ​ഘ​ട​ന​യു​ടെ അ​ടി​സ്ഥാ​ന​ത്തി​ലാ​ണ്​ ഇ​ന്ത്യ ഒ​രു പ​ര​മാ​ധി​കാ​ര സോ​ഷ്യ​ലി​സ്റ്റ്, മ​തേ​ത​ര, ജ​നാ​ധി​പ​ത്യ റി​പ്പ​ബ്ലി​ക്കാ​യി രൂ​പ​പ്പെ​ട്ട​ത്. ആ​യി​ര​ങ്ങ​ൾ ജീ​വ​നും ജീ​വി​ത​വും ന​ൽ​കി വി​ജ​യി​പ്പി​ച്ച ഐ​തി​ഹാ​സി​ക​മാ​യ സ്വാ​ത​ന്ത്ര്യ സ​മ​ര​ത്തെ തു​ട​ർ​ന്നാ​ണ്​ പ​ര​മാ​ധി​കാ​ര രാ​ഷ്ട്രം എ​ന്ന സ്വ​പ്നം പൂ​വ​ണി​ഞ്ഞ​ത്. അ​തി​നാ​ൽ ഭ​ര​ണ​ഘ​ട​ന​ക്ക്​ ന​മ്മു​ടെ പൂ​ർ​വി​ക​രു​ടെ ര​ക്​​ത​ത്തി​ന്‍റെ വി​ല​യു​ണ്ട്​. ഭാ​ഷ​യി​ലും വം​ശ​ത്തി​ലും മ​ത​ത്തി​ലും ജാ​തി​യി​ലും ഏ​റെ വൈ​വി​ധ്യ​ങ്ങ​ളും വൈ​ജാ​ത്യ​ങ്ങ​ളും പു​ല​ർ​ത്തു​ന്ന മു​ഴു​വ​ൻ ജ​ന​ത​യെ​യും ഉ​ൾ​കൊ​ള്ളു​ന്ന നി​ല​യി​ലാ​ണ്​ അ​ത്​ രൂ​പ​പ്പെ​ടു​ത്തി​യ​ത്. ഭ​ര​ണ​ഘ​ട​ന മാ​ത്ര​മ​ല്ല, അ​ത്​ രൂ​പ​പ്പെ​ടു​ത്തു​ന്ന​തി​ന്​ ഭ​ര​ണ​ഘ​ട​നാ അ​സം​ബ്ലി​യി​ൽ ന​ട​ന്ന ച​ർ​ച്ച​ക​ളും ച​രി​ത്ര​ത്തി​ൽ കൃ​ത്യ​മാ​യി രേ​ഖ​പ്പെ​ടു​ത്ത​പ്പെ​ട്ടി​ട്ടു​ണ്ട്. എ​ത്ര​ത്തോ​ളം പ​ര​സ്പ​ര ബ​ഹു​മാ​ന​വും പ​രി​ഗ​ണ​ന​യു​മാ​ണ്​ എ​തി​ര​ഭി​പ്രാ​യ​ങ്ങ​ളോ​ട്​ രാ​ഷ്​​ട്ര ശി​ൽ​പി​ക​ൾ പു​ല​ർ​ത്തി​യ​തെ​ന്ന്​ അ​തി​ൽ കാ​ണാ​നാ​കും. മ​ത​ങ്ങ​ളെ സാ​മൂ​ഹി​ക ജീ​വി​ത​ത്തി​ൽ നി​ന്ന്​ മാ​റ്റി​നി​ർ​ത്തു​ന്ന പാ​​ശ്​​ചാ​ത്യ മ​തേ​ത​ര​ത്വം ന​മ്മു​ടെ ഭ​ര​ണ​ഘ​ട​ന സ്വീ​ക​രി​ച്ചി​ട്ടി​ല്ല, പ​ക​രം മ​ത​ങ്ങ​ളെ ഉ​ൾ​കൊ​ള്ളു​ക​യും എ​ല്ലാ മ​ത​ങ്ങ​ൾ​ക്കും തു​ല്യ​പ്രാ​ധാ​ന്യം ന​ൽ​കു​ക​യും ചെ​യ്തു. ജാ​തി വി​വേ​ച​ന​ങ്ങ​ൾ ഘ​ട്ടം​ഘ​ട്ട​മാ​യി അ​വ​സാ​നി​പ്പി​ക്കു​ന്ന​തി​ന്​ സം​വ​ര​ണം അ​ട​ക്ക​മു​ള്ള പ്ര​തി​വി​ധി​ക​ൾ രൂ​പ​പ്പെ​ടു​ത്തി. ഏ​ക​ഭാ​ഷ എ​ന്ന ക​ടും​പി​ടിത്ത​ത്തി​ന്​ അ​വ​സ​രം ന​ൽ​കി​യി​ല്ല. മ​റി​ച്ച്​ എ​ല്ലാ ഭാ​ഷ​ക​ളെ​യും പ്രോ​ൽ​സാ​ഹി​പ്പി​ച്ചു. സ്ത്രീ​ക​ൾ​ക്കും മ​റ്റു വി​ഭാ​ഗ​ങ്ങ​ൾ​ക്കും അ​ധി​കാ​ര​ത്തി​ലും സാ​മൂ​ഹി​ക​രം​ഗ​ങ്ങ​ളി​ലും പ​ങ്കാ​ളി​ത്തം ന​ൽ​കു​ക​യും മ​നു​ഷ്യാ​വ​കാ​ശ​ങ്ങ​ൾ എ​ല്ലാ​വ​ർ​ക്കും ഉ​റ​പ്പു​വ​രു​ത്തു​ക​യും ചെ​യ്തു.

ഈ ​സ​വി​ശേ​ഷ​ത​ക​ളാ​ലാ​ണ്​ ലോ​കം ന​മ്മു​ടെ ഭ​ര​ണ​ഘ​ട​ന​യെ പ്ര​ശം​സി​ക്കാ​നും ഡോ. ​ഭീം റാ​വു അം​ബേ​ദ്​​ക​ർ എ​ന്ന ന​മ്മു​ടെ ഭ​ര​ണ​ഘ​ട​നാ ശി​ൽ​പി​യെ മ​ഹാ​നാ​യ നി​യ​മ​ജ്ഞ​ൻ എ​ന്നു​വി​ളി​ക്കാ​നും കാ​ര​ണ​മാ​യ​ത്. എ​ന്നാ​ലി​ന്ന്​ ആ ​പാ​ര​മ്പ​ര്യ​ത്തെ സം​ര​ക്ഷി​ക്കാ​ൻ ഭ​ര​ണ​കൂ​ട​ത്തി​നും ഒ​രു ജ​ന​ത​യെ​ന്ന നി​ല​യി​ൽ ന​മു​ക്കും സാ​ധി​ക്കു​ന്നു​ണ്ടോ? ഭ​ര​ണ​ഘ​ട​ന​യു​ടെ ത​ണ​ലി​ൽ രാ​ജ്യം ഏ​ഴ​ര പ​തി​റ്റാ​ണ്ട്​ പി​ന്നി​ടു​മ്പോ​ൾ തീ​ർ​ച്ച​യാ​യും അ​നേ​കം മേ​ഖ​ല​ക​ളി​ൽ ലോ​ക​ത്ത്​ ത​ല​യു​യ​ർ​ത്തി നി​ൽ​ക്കാ​ൻ ഇ​ന്ത്യ​ക്ക്​ ഇ​ന്ന്​ സാ​ധി​ക്കു​ന്നു​ണ്ട്. ശാ​സ്ത്ര സാ​​ങ്കേ​തി​ക രം​ഗ​ത്തും വൈ​ജ്ഞാ​നി​ക വ്യവ​സാ​യി​ക മേ​ഖ​ല​യി​ലും സാ​മൂ​ഹി​ക പു​രോ​ഗ​തി​യി​ലും മു​മ്പ​ത്തെ സാ​ഹ​ച​ര്യ​ത്തി​ൽ നി​ന്ന്​ നാ​മേ​റെ വ​ള​ർ​ന്നു. സാ​മൂ​ഹി​ക സ​മ​ത്വ​ത്തി​ന്‍റെ മ​ഹ​ത്താ​യ അ​ഭി​ലാ​ഷ​ങ്ങ​ളെ ഉ​ൾ​ക്കൊ​ള്ളു​ന്ന ഭ​ര​ണ​ഘ​ട​ന​യു​ടെ സം​ര​ക്ഷ​ണ​ത്തി​ലാ​ണ്​ ഇ​ത്ര​യെ​ങ്കി​ലും നേ​ട്ട​ങ്ങ​ൾ ന​മു​ക്ക്​ ക​ര​സ്ഥ​മാ​ക്കാ​നാ​യ​ത്. എ​ന്നാ​ൽ ക​ഴി​ഞ്ഞ പ​തി​റ്റാ​ണ്ടു​ക​ളി​ൽ റി​പ്പ​ബ്ലി​ക്കി​ന്​ സം​ഭ​വി​ച്ച പ​രി​ണാ​മ​ങ്ങ​ൾ വി​ല​യി​രു​ത്തു​ന്ന​തും ഈ​യ​വ​സ​ര​ത്തി​ൽ പ്ര​ധാ​ന​മാ​ണ്. രാ​ജ്യ​ത്തി​ന്‍റെ ആ​ത്മാ​വാ​യി നി​ല​കൊ​ണ്ട ജ​നാ​ധി​പ​ത്യ​ത്തി​നും മ​തേ​ത​ര​ത്വ​ത്തി​നും സം​ഭ​വി​ച്ച/​സം​ഭ​വി​ച്ചു​കൊ​ണ്ടി​രി​ക്കു​ന്ന അ​പ​ച​യ​ങ്ങ​ളും തി​രി​ച്ച​ടി​ക​ളും വ​ള​രെ വ്യ​ക്​​ത​മാ​ണി​ന്ന്.

വ​ർ​ഗീ​യ​ത​യു​ടെ​യും വി​ദ്വേ​ഷ​ത്തി​ന്‍റെ​യും വി​ജ​യ​ഭേ​രി മു​ഴ​ക്കി ഉ​യ​ർ​ന്ന മ​ന്ദി​ര​ങ്ങ​ൾ ദേ​ശീ​യ ത​ല​ത്തി​ൽ വ​ലി​യ ആ​ഘോ​ഷ​പൂ​ർ​വം പ്ര​തി​ഷ്ടി​ക്ക​പ്പെ​ടു​ന്ന​ത്​ അ​തി​ന്‍റെ കൃ​ത്യ​മാ​യ സൂ​ച​ന​യാ​ണ്. തി​രി​ച്ചു​പി​ടി​ക്കാ​ൻ സാ​ധ്യ​മാ​കു​മോ എ​ന്ന സം​ശ​യ​മു​ന​യി​ലാ​ണി​ന്ന്​ മ​തേ​ത​ര​ത്വം. രാ​ഷ്​​ട്ര​പി​താ​വ്​ മ​ഹാ​ത്മാ ഗാ​ന്ധി​യും ആ​ദ്യ ഭ​ര​ണ​ത്ത​ല​വ​ൻ ജ​വ​ഹ​ർ​ലാ​ൽ നെ​ഹ്​​റു​വും അ​ട​ക്ക​മു​ള്ള​വ​ർ ഭ​യ​പ്പെ​ട്ട ഭൂ​രി​പ​ക്ഷ മേ​ധാ​വി​ത്വ​ത്തി​ന്‍റെ ക​രാ​ള​ത​യി​ലേ​ക്ക്​ രാ​ജ്യം അ​തി​വേ​ഗം സ​ഞ്ച​രി​ക്കു​ന്നു. ദു​ർ​ബ​ല​രു​ടെ​യും ന്യൂ​ന​പ​ക്ഷ​ങ്ങ​ളു​ടെ​യും ശ​ബ്​​ദം നേ​ർ​ത്ത്​ ഇ​ല്ലാ​കു​മ്പോ​ൾ, ന​വ​നാ​സി ആ​ശ​യ​ങ്ങ​ൾ ഉ​ച്ച​ത്തി​ൽ മു​ഴ​ങ്ങു​ന്ന​ത്​ ആ​ശ​ങ്ക​യേ​റ്റു​ന്ന ഘ​ട​ക​മാ​ണ്. 1992ൽ ​ബാ​ബ​രി മ​സ്​​ജി​ദ്​ ത​ക​ർ​ക്ക​പ്പെ​ട്ട​തി​ന്​ തൊ​ട്ടു​ട​നെ ‘ടൈം​സ്​ ഓ​ഫ്​ ഇ​ന്ത്യ’ എ​ഴു​തി​യ എ​ഡി​റ്റോ​റി​യ​ലി​ന്‍റെ ത​ല​ക്കെ​ട്ട്​ ‘റി​പ്പ​ബ്ലി​ക്​ ക​ള​ങ്ക​പ്പെ​ട്ടു’ എ​ന്നാ​യി​രു​ന്നു. സം​ഭ​വ​ത്തി​ന്​ മൂ​ന്ന്​ പ​തി​റ്റാ​ണ്ടു​ക​ൾ​ക്ക്​ ശേ​ഷം ന​മ്മു​ടെ റി​പ്പ​ബ്ലി​ക്കി​നെ കു​റി​ച്ച് പു​ന​രാ​​ലോ​ചി​ക്കു​മ്പോ​ൾ ക​ള​ങ്ക​ങ്ങ​ളി​ൽ നി​ന്ന്​ മോ​ചി​ത​മാ​കാ​ൻ സാ​ധി​ച്ചോ എ​ന്ന്​ ചി​ന്തി​ക്കു​ന്ന​തുത​ന്നെ അ​പ്ര​സ​ക്​​ത​മാ​യ സാ​ഹ​ച​ര്യ​മാ​ണു​ള്ള​ത്. കൂ​ടു​ത​ൽ പ​രി​ക്കു​ക​ൾ റി​പ്പ​ബ്ലി​ക്കി​​ന്​ ആ​ഘാ​തം സൃ​ഷ്ടി​ക്കു​ന്ന കാ​ല​ത്ത്​ ന​മു​ക്ക്​ ക​ള​ങ്ക​മു​ക്​​ത​മാ​യ ഭാ​വി​ക്കാ​യി സ്വ​പ്നം​കാ​ണു​ക​യും പ്ര​വ​ർ​ത്തി​ക്കു​ക​യും ചെ​യ്യാം. കാ​ലു​ഷ്യ​ങ്ങ​ളെ അ​തി​ജ​യി​ച്ച്​ തു​ല്യാ​വ​കാ​ശ​വും പൗ​രാ​വ​കാ​ശ​വും എ​ല്ലാ​വ​ർ​ക്കും ആ​സ്വ​ദി​ക്കാ​നാ​വു​ന്ന നാ​ളെ​യി​ലേ​ക്ക്​ ആ​ത്മാ​ഭി​മാ​ന​ത്തോ​ടെ ന​മു​ക്ക്​ ഒ​രു​മി​ച്ച്​ സ​ഞ്ച​രി​ക്കാം. എ​ന്നു​മെ​ന്നും നി​ല​നി​ൽ​ക്ക​ട്ടെ, ഭ​ര​ണ​ഘ​ട​ന എ​ന്ന മാ​ർ​ഗ​ദീ​പം. ഏ​വ​ർ​ക്കും റി​പ്പ​ബ്ലി​ക്​ ദി​നാ​ശം​സ​ക​ൾ..