വി​ട​വാ​ങ്ങ​ൽ വെ​ള്ളി ഇ​ന്ന്

മ​സ്ക​ത്ത്: ആ​ത്മ വി​ശു​ദ്ധി​യു​ടെ​യും പാ​പ വി​മ​ലീ​ക​ര​ണ​ത്തി​ന്‍റെ​യും ധ​ന്യ മു​ഹൂ​ർ​ത്ത​ങ്ങ​ളു​മാ​യെ​ത്തി​യ വി​ശു​ദ്ധ റ​മ​ദാ​ൻ പ​രി​സ​മാ​പ്തി​യി​ലേ​ക്ക്. പ​ക​ല​ന്തി​യോ​ള​മു​ള്ള വി​ശ​പ്പും ദാ​ഹ​വും രാ​വ​റ്റം വ​രെ​യു​ള്ള പ്രാ​ർ​ഥ​ന​ക​ൾ​ക്കും ശേ​ഷം വി​ശു​ദ്ധ റ​മ​ദാ​ൻ വി​ട പ​റ​യു​ക​യാ​ണ്. ഈ ​റ​മ​ദാ​നി​ലെ അ​വ​സാ​ന വെ​ള്ളി​യാ​ഴ്ച​യാ​ണ് ഇ​ന്ന്. ഇ​തോ​​ടൊ​പ്പം റ​മ​ദാ​ൻ 27 കൂ​ടി ആ​യ​തി​നാ​ൽ മ​സ്ജി​ദു​ക​ളി​ൽ ഇ​ന്ന് വ​ൻ ജ​ന​പ്ര​വാ​ഹ​മാ​യി​രി​ക്കും.

പ​ല​ർ​ക്കും റ​മ​ദാ​നി​ലെ നേ​ട്ട​ങ്ങ​ളും പോ​രാ​യ്മ​ക​ളും കൂ​ട്ടി​ക്കി​ഴി​ക്കാ​നു​ള്ള അ​വ​സ​രം കൂ​ടി​യാ​യി​രി​ക്കും ഇ​ന്ന്. വി​തു​മ്പു​ന്ന മ​ന​സ്സു​മാ​യാ​ണ് ഇ​മാ​മു​മാ​ർ ഇ​ന്ന് റ​മ​ദാ​നി​നോ​ട് വി​ട പ​റ​യു​ക.

മ​സ്ജി​ദു​ക​ളി​ലെ വെ​ള്ളി​യാ​ഴ്ച പ്ര​ഭാ​ഷ​ണ​ങ്ങ​ളി​ൽ റ​മ​ദാ​നോ​ട് വി​ട​പ​റ​യ​ൽ ത​ന്നെ​യാ​യി​രി​ക്കും മു​ഖ്യ വി​ഷ​യം. റ​മ​ദാ​നി​ൽ ചെ​യ്ത മ​ഹ​ത്ക​ർ​മ​ങ്ങ​ൾ ദൈ​വ സ​മ​ക്ഷം സ്വീ​കാ​ര്യ​മാ​ക്കാ​നും പോ​രാ​യ്മ​ക​ൾ പൊ​റു​ത്തു ത​രാ​നു​മ​ണ് ഇ​മാ​മു​മാ​ർ ഇ​ന്ന് പ്രാ​ർ​ഥി​ക്കു​ക. പു​ണ്യ​മാ​സ​ത്തോ​ട് വി​ട​പ​റ​യു​ന്ന​തി​ലു​ള്ള ആ​ത്മ ദുഃ​ഖ​വും ഇ​മാ​മു​മാ​ർ പ​ങ്കു​വെ​ക്കും.

ഏ​റെ പു​ണ്യ​മു​ണ്ടെ​ന്ന് ക​രു​തു​ന്ന 27ാം രാ​വാ​യി​രു​ന്നു വ്യാ​ഴാ​ഴ്ച. ജി​ബ്രീ​ൽ മാ​ലാ​ഖ​യും മ​ല​ക്കു​ക​ളും മ​ണ്ണി​ലി​റ​ങ്ങു​ന്ന ലൈ​ല​ത്തു​ൽ ഖ​ദ്ർ എ​ന്ന പേ​രി​ൽ അ​റി​യ​പ്പെ​ടു​ന്ന പു​ണ്യ​രാ​ത്രി കൂ​ടി​യാ​ണി​ത്. അ​തി​നാ​ൽ വ്യാ​ഴാ​ഴ്ച രാ​ത്രി എ​ല്ലാ മ​സ്ജി​ദു​ക​ളും വ്യാ​ഴാ​ഴ്ച രാ​ത്രി സ​ജീ​വ​മാ​യി​രു​ന്നു. നി​ര​വ​ധി മ​സ്ജി​ദു​ക​ളു​ടെ വാ​താ​യ​ന​ങ്ങ​ൾ പു​ല​രും വ​രെ വി​ശ്വാ​സി​ക​ൾ​ക്കാ​യി തു​റ​ന്നി​ട്ടി​രു​ന്നു. ഖു​ർ​ആ​ൻ പാ​രാ​യ​ണ​വും പ്രാ​ർ​ഥ​ന​യു​മാ​യി നി​ര​വ​ധി വി​ശ്വാ​സി​ക​ൾ പ​ള്ളി​ക​ളി​ൽ ത​ന്നെ ത​ങ്ങി​യി​രു​ന്നു.

നി​ര​വ​ധി വി​ശ്വാ​സി​ക​ൾ ഇ​ന്ന് നേ​ര​ത്തെ ത​ന്നെ മ​സ്ജി​ദു​ക​ളി​ൽ ഇ​ടം പി​ടി​ക്കും. അ​തി​നാ​ൽ വെ​ള്ളി​യാ​ഴ്ച പ്രാ​ർ​ഥ​ന തു​ട​ങ്ങു​ന്ന​തി​ന് ഏ​റെ മു​മ്പു​ത​ന്നെ ആ​രാ​ധ​നാ​ല​യ​ങ്ങ​ൾ നി​റ​ഞ്ഞ് ക​വി​യും. ഏ​റെ നേ​ര​ത്തെ​ത​ന്നെ പ​ള്ളി​യും പ​രി​സ​ര​വും ഖു​ർ​ആ​ൻ പാ​രാ​യ​ണം കൊ​ണ്ടും പ്രാ​ർ​ഥ​ന​ക​ൾ കൊ​ണ്ടും മു​ഖ​രി​ത​മാ​വും. വെ​ള്ളി​യാ​ഴ്ച പ്രാ​ർ​ഥ​ന ക​ഴി​ഞ്ഞ് പു​റ​ത്തു വ​രു​ന്ന​തോ​ടെ പ​ല​രും പെ​രു​ന്നാ​ൾ തി​ര​ക്കി​ലേ​ക്ക് തി​രി​യും.