പു​ക​യി​ല ഉ​പ​യോ​ഗ നിയന്ത്രണം; ദേ​ശീ​യ കാ​മ്പ​യി​ന് തു​ട​ക്കം

മ​സ്ക​ത്ത്: പു​ക​യി​ല ഉ​പ​യോ​ഗ​ത്തെ നി​യ​ന്ത്രി​ക്കാ​ൻ ദേ​ശീ​യ കാ​മ്പ​യി​ന് തു​ട​ക്ക​മി​ട്ട് ആ​രോ​ഗ്യ മ​ന്ത്രാ​ല​യം. ഒ​രു​വ​ർ​ഷം നീ​ണ്ടു​നി​ൽ​ക്കു​ന്ന​താ​ണ് കാ​മ്പ​യി​ൻ സ്വ​കാ​ര്യ ഉ​ന്ന​ത വി​ദ്യാ​ഭ്യാ​സ സ്ഥാ​പ​ന​ങ്ങ​ള്‍, ഒ​മാ​നി വ​നി​ത അ​സോ​സി​യേ​ഷ​നു​ക​ള്‍ ക​മ്യൂ​ണി​റ്റി വി​ദ്യാ​ഭ്യാ​സ പ്ര​വ​ര്‍ത്ത​ന​ങ്ങ​ള്‍, പൊ​തു ഇ​ട​ങ്ങ​ള്‍, സ്‌​പോ​ര്‍ട്‌​സ് ക്ല​ബു​ക​ള്‍, സ്‌​കൂ​ളു​ക​ള്‍, എ​ന്നി​വി​ട​ങ്ങ​ളെ​യെ​ല്ലാം കേ​ന്ദ്രീ​ക​രി​ച്ചാ​കും ബോ​ധ​വ​ത്ക​ര​ണ പ്ര​വ​ര്‍ത്ത​ന​ങ്ങ​ള്‍. സി​ഗ​ര​റ്റു​ക​ൾ​ക്ക് ക​ന​ത്ത നി​കു​തി​യും പു​ക​യി​ല ഉ​ൽ​പ​ന്ന​ങ്ങ​ളു​ടെ പ​ര​സ്യ​ത്തി​നും നി​രോ​ധ​ന​വും ഏ​ർ​പ്പെ​ടു​ത്തി​യി​രു​ന്നു. പൊ​തു കെ​ട്ടി​ട​ങ്ങ​ളി​ൽ പു​ക​വ​ലി നി​രോ​ധി​ച്ചി​ട്ടു​മു​ണ്ട്. നി​യു​ക്ത പ്ര​ദേ​ശ​ങ്ങ​ളി​ൽ മാ​ത്ര​മേ പു​ക​വ​ലി പാ​ടു​ള്ളൂ. എ​ന്നാ​ൽ, പു​ക​വ​ലി ഉ​പ​യോ​ഗ​ത്തി​ന് കാ​ര്യ​മാ​യ മാ​റ്റം ഒ​ന്നും ഉ​ണ്ടാ​യി​ട്ടി​ല്ല. ഈ ​സാ​ഹ​ച​ര്യ​ത്തി​ലാ​ണ് പ്ര​തി​രോ​ധ കാ​മ്പ​യി​നു​മാ​യി ആ​രോ​ഗ്യ മ​ന്ത്രാ​ല​യം രം​ഗ​ത്തെ​ത്തി​യി​രി​ക്കു​ന്ന​ത്. എ​ല്ലാ ത​ര​ത്തി​ലു​മു​ള്ള പു​ക​യി​ല ഉ​പ​യോ​ഗ​വും പൊ​തു​ജ​നാ​രോ​ഗ്യ​ത്തി​ന് ഗ​ണ്യ​മാ​യ ഭീ​ഷ​ണി ഉ​യ​ര്‍ത്തു​ന്ന​താ​ണെ​ന്ന് ആ​രോ​ഗ്യ മ​ന്ത്രാ​ല​യം ആ​സൂ​ത്ര​ണ-​ആ​രോ​ഗ്യ കാ​ര്യ അ​ണ്ട​ര്‍ സെ​ക്ര​ട്ട​റി ഡോ. ​അ​ഹ​മ്മ​ദ് ബി​ന്‍ സാ​ലിം അ​ല്‍ മ​ന്ദാ​രി പ​റ​ഞ്ഞു. ലോ​കാ​രോ​ഗ്യ സം​ഘ​ട​ന റി​പ്പോ​ര്‍ട്ട് ചെ​യ്ത ശാ​സ്ത്രീ​യ തെ​ളി​വു​ക​ള്‍ ഈ ​ഭീ​ഷ​ണി​യെ സ്ഥി​രീ​ക​രി​ക്കു​ന്നു​വെ​ന്നും അ​ദ്ദേ​ഹം പ​റ​ഞ്ഞു.

ലോ​കാ​രോ​ഗ്യ സം​ഘ​ട​ന​യു​ടെ സ്ഥി​തി​വി​വ​ര ക​ണ​ക്കു​ക​ള്‍ പ്ര​കാ​രം പു​ക​യി​ല ഉ​പ​യോ​ഗം മൂ​ലം പ്ര​തി​വ​ര്‍ഷം ലോ​ക​ത്ത് അ​ഞ്ച് ദ​ശ​ല​ക്ഷ​ത്തി​ല​ധി​കം മ​ര​ണ​ങ്ങ​ള്‍ സം​ഭ​വി​ക്കു​ന്നു. പു​ക​യി​ല ഉ​പ​യോ​ഗം വ്യാ​പി​ക്കു​ന്ന​ത് ചെ​റു​ക്കാ​ന്‍ അ​ടി​യ​ന്ത​ര ന​ട​പ​ടി സ്വീ​ക​രി​ച്ചി​ല്ലെ​ങ്കി​ല്‍ 2030 ആ​കു​മ്പോ​ഴേ​ക്കും മ​ര​ണ നി​ര​ക്ക് എ​ട്ട് ദ​ശ​ല​ക്ഷ​ത്തി​ല​ധി​ക​മാ​കു​മെ​ന്നും ലോ​കാ​രോ​ഗ്യ സം​ഘ​ട​ന വി​ല​യി​രു​ത്തു​ന്നു.

ഒ​മാ​നി​ല്‍ പു​ക​യി​ല ഉ​പ​യോ​ഗം കൂ​ടു​ന്ന​താ​യി ലോ​കാ​രോ​ഗ്യ സം​ഘ​ട​ന റി​പ്പോ​ര്‍ട്ട് വ്യ​ക്ത​മാ​ക്കു​ന്നു. ഒ​മാ​ന്‍, ഈ​ജി​പ്ത്, ജോ​ര്‍ഡ​ന്‍, ഇ​ന്തോ​നേ​ഷ്യ, കോ​ങ്കോ, മൊ​ല്‍ദോ​വ എ​ന്നീ രാ​ജ്യ​ങ്ങ​ളി​ല്‍ പു​ക​യി​ല ഉ​പ​യോ​ഗം വ​ർധിച്ചു​കൊ​ണ്ടി​രി​ക്കു​ക​യാ​ണെ​ന്നാ​ണ് റി​പ്പോ​ര്‍ട്ട്. അ​തേ​സ​മ​യം, ലോ​ക​ത്തി​ലെ പു​ക​വ​ലി​ക്കാ​രു​ടെ എ​ണ്ണം കു​റ​യു​ന്ന​താ​യും റി​പ്പോ​ര്‍ട്ടി​ല്‍ പ​റ​യു​ന്നു. 2000ല്‍, ​മൂ​ന്നി​ല്‍ ഒ​രാ​ള്‍ പു​ക​വ​ലി​ക്കു​ന്നു എ​ന്ന ക​ണ​ക്കി​ല്‍നി​ന്ന് അ​ഞ്ചി​ല്‍ ഒ​രാ​ള്‍ എ​ന്ന നി​ല​യി​ലേ​ക്ക് മാ​റ്റം സം​ഭ​വി​ച്ച​താ​യി ലോ​കാ​രോ​ഗ്യ സം​ഘ​ട​ന പു​റ​ത്തു​വി​ട്ട ക​ണ​ക്കു​ക​ള്‍ വ്യ​ക്ത​മാ​ക്കു​ന്നു.