തൃശൂർ സ്വദേശി നിര്യാതനായി

മസ്‌കത്ത്: നിസ്‌വ ലുലു ജീവനക്കാരനായിരുന്ന തൃശൂര്‍ സ്വദേശി നിര്യാതനായി. കൊരട്ടി മാമ്പ്ര മതിലകത്ത് വീട്ടിൽ പ രേതനായ ബാവയുടെ മകൻ അനൂപ് ഷാ (45) ആണ് മരിച്ചത്. അസുഖത്തെ തുടർന്നുള്ള ശസ്ത്രക്രിയക്ക് ശേഷം ആറ് മാസം മുമ്പാണ് അനൂപ് ഷ ാ തിരിച്ചെത്തിയത്.

പനിയെ തുടർന്ന് കഴിഞ്ഞ ദിവസങ്ങളിൽ സ്വകാര്യ ആശുപത്രിയിൽ ചികിത്സയിലുമായിരുന്നു. ഡിസ്ചാർജ് ആയി താമസ സ്ഥലത്ത് എത്തിയപ്പോൾ രക്തസ്രാവം ഉണ്ടായി. തുടർന്ന് നിസ്വയിലെ ആശുപത്രിയിൽ പ്രഥമ ശുശ്രൂഷ നൽകിയ ശേഷം വിദഗ്ധ ചികിത്സക്കായി കൊണ്ടു പോകവേ മരണപ്പെടുകയായിരുന്നു.

എട്ട് വര്‍ഷമായി ഒമാനില്‍ പ്രവാസിയാണ്. സുഹ്റ ബീവി മാതാവും മൈമൂന ഭാര്യയുമാണ്. മക്കൾ: മുഹമ്മദ് അനർഷ, അൻഫിൽ അനൂപ്, അൽഫാസ് അനൂപ്.