യുവതി ഏ​ഴു​ ദി​വ​സം കെ​ട്ടി​ടത്തിനടിയി​ൽ; ര​ക്ഷ​ക​രാ​യി ഒ​മാ​ൻ റെ​സ്ക്യൂ ടീം

മ​സ്ക​ത്ത്​: തു​ർ​ക്കി​യ​യി​ലെ ഭൂ​ക​മ്പ​ത്തി​ൽ ത​ക​ർ​ന്ന കെ​ട്ടി​ട​ത്തി​ന്‍റെ അ​വ​ശി​ഷ്ട​ങ്ങ​ളി​ൽ​നി​ന്ന് ഏ​ഴു​ദി​വ​സ​ത്തി​നു ശേ​ഷം സ്ത്രീ​യെ സി​വി​ൽ ഡി​ഫ​ൻ​സ് ആ​ൻ​ഡ് ആം​ബു​ല​ൻ​സ് അ​തോ​റി​റ്റി​യു​ടെ (സി.​ഡി.​എ.​എ) നാ​ഷ​ന​ൽ സെ​ർ​ച് ആ​ൻ​ഡ് റെ​സ്‌​ക്യൂ ടീം ​ര​ക്ഷി​ച്ചു.

ക​ഴി​ഞ്ഞ​ദി​വ​സം ന​ട​ന്ന ര​ക്ഷാ​പ്ര​വ​ർ​ത്ത​ന​ങ്ങ​ൾ​ക്കി​ടെ​യാ​ണ്​ കു​ടു​ങ്ങി​ക്കി​ട​ക്കു​ക​യാ​യി​രു​ന്ന സ്ത്രീ​യെ ജീ​വി​ത​ത്തി​ലേ​ക്ക്​ കൊ​ണ്ടു​വ​ന്ന​ത്. ഇ​വ​ർ​ക്ക്​ ആ​വ​ശ്യ​മാ​യ ചി​കി​ത്സ ന​ൽ​കി​യ​ശേ​ഷം വി​ദ​ഗ്​​ധ പ​രി​ച​ര​ണ​ത്തി​നാ​യി ആ​ശു​പ​ത്രി​യി​ലേ​ക്ക്​ മാ​റ്റി.

ബ​ഹ്‌​റൈ​ൻ റെ​സ്ക്യൂ ടീ​മു​മാ​യി സ​ഹ​ക​രി​ച്ചാ​യി​രു​ന്നു ര​ക്ഷാ​പ്ര​വ​ർ​ത്ത​നം. സേ​ന ഇ​തി​ന​കം നി​ര​വ​ധി മൃ​ത​ദേ​ഹ​ങ്ങ​ളും പു​റ​ത്തെ​ടു​ത്തി​ട്ടു​ണ്ട്.

തെ​ക്കു​കി​ഴ​ക്ക​ൻ തു​ർ​ക്കി​യ​യി​ലെ വി​വി​ധ സ്ഥ​ല​ങ്ങ​ളി​ലാ​ണ്​ നാ​ഷ​ന​ൽ സെ​ർ​ച്ച് ആ​ൻ​ഡ് റെ​സ്‌​ക്യൂ ടീം ​ര​ക്ഷാ​പ്ര​വ​ർ​ത്ത​ന​ത്തി​ൽ ഏ​ർ​പ്പെ​ട്ടി​രി​ക്കു​ന്ന​ത്. പ​രി​ക്കേ​റ്റ​വ​ർ​ക്ക്​​ വൈ​ദ്യ​സ​ഹാ​യ​മ​ട​ക്കം ല​ഭ്യ​മാ​ക്കി​യു​ള്ള പ്ര​വ​ർ​ത്ത​ന​ങ്ങ​ളാ​ണ് ന​ട​ത്തു​ന്ന​ത്​. സി.​ഡി.​എ.​എ​യി​ലെ ഓ​പ​റേ​ഷ​ൻ​സ് ആ​ൻ​ഡ് ട്രെ​യി​നി​ങ്​ ഡ​യ​റ​ക്ട​ർ ജ​ന​റ​ൽ മു​ബാ​റ​ക് ബി​ൻ സ​ലീം അ​ൽ അ​റൈ​മി​യാ​ണ്​ നേ​തൃ​ത്വം ന​ൽ​കു​ന്ന​ത്. ബു​ധ​നാ​ഴ്​​ച അ​ദാ​ന​യി​ൽ എ​ത്തി​യ ടീം ​ഇ​ന്റ​ർ​നാ​ഷ​ന​ൽ സെ​ർ​ച്ച് ആ​ൻ​ഡ് റെ​സ്ക്യൂ അ​ഡ്വൈ​സ​റി ഗ്രൂ​പ്പി​ൽ ര​ജി​സ്​​റ്റ​ർ ചെ​യ്​​ത​തി​നു​ശേ​ഷം പ്ര​വ​ർ​ത്ത​ന​ങ്ങ​ളി​ൽ മു​ഴു​കു​ക​യാ​യി​രു​ന്നു. തു​ർ​ക്കി​യ​യി​ലെ ഡി​സാ​സ്റ്റ​ർ ആ​ൻ​ഡ് എ​മ​ർ​ജ​ൻ​സി മാ​നേ​ജ്‌​മെ​ന്റ് അ​തോ​റി​റ്റി​യു​മാ​യി ഏ​കോ​പി​പ്പി​ച്ച്​ ഹ​ത​യ്‌​യി​ൽ ആ​ണ്​ ടീം ​ക്യാ​മ്പ് സ്ഥാ​പി​ച്ചി​ട്ടു​ള്ള​ത്. അ​ത്യാ​ധു​നി​ക യ​ന്ത്ര​ങ്ങ​ളു​ടെ​യും ഉ​പ​ക​ര​ണ​ങ്ങ​ളു​ടെ​യും സ​ഹാ​യ​ത്തോ​ടെ​യാ​ണ്​ തി​ര​ച്ചി​ലി​ലും മ​റ്റും പ​ങ്കാ​ളി​ക​ളാ​കു​ന്ന​ത്.

മ​റ്റു സെ​ർ​ച്ച് ആ​ൻ​ഡ് റെ​സ്‌​ക്യൂ ടീ​മു​ക​ളു​മാ​യി സ​ഹ​ക​രി​ച്ച് പ്ര​വ​ർ​ത്തി​ക്കു​​ന്ന​തോ​ടൊ​പ്പം പ്രാ​ദേ​ശി​ക അ​ധി​കാ​രി​ക​ളു​ടെ ഏ​കോ​പ​ന​ത്തി​ൽ പ​രി​ക്കേ​റ്റ​വ​ർ​ക്ക് വൈ​ദ്യ​സ​ഹാ​യ​വും ന​ൽ​കു​ന്നു​ണ്ട്.

തു​ർ​ക്കി​യ​യി​ൽ ഭൂ​ക​മ്പം ന​ട​ന്ന ഉ​ട​ൻ​ത​ന്നെ, സി​വി​ൽ ഡി​ഫ​ൻ​സ് ആ​ൻ​ഡ് ആം​ബു​ല​ൻ​സ് അ​തോ​റി​റ്റി ഐ​ക്യ​രാ​ഷ്ട്ര സ​ഭ​യു​ടെ ഇ​ന്റ​ർ​നാ​ഷ​ന​ൽ സെ​ർ​ച്ച് ആ​ൻ​ഡ് റെ​സ്ക്യൂ അ​ഡ്വൈ​സ​റി ഗ്രൂ​പ്പു​മാ​യി ആ​ശ​യ​വി​നി​മ​യം ന​ട​ത്തു​ക​യും തി​ര​ച്ചി​ൽ, ര​ക്ഷാ​പ്ര​വ​ർ​ത്ത​ന​ങ്ങ​ളി​ൽ പ​ങ്കെ​ടു​ക്കാ​ൻ സേ​ന പൂ​ർ​ണ സ​ജ്ജ​മാ​ണെ​ന്ന് അ​റി​യി​ക്കു​ക​യു​മാ​യി​രു​ന്നു.

ഒ​മാ​ന​ട​ക്കം വി​വി​ധ ലോ​ക​രാ​ജ്യ​ങ്ങ​ളി​ൽ​നി​ന്നു​ള്ള കാ​ൽ ല​ക്ഷ​ത്തോ​ളം ദൗ​ത്യ​സേ​നാം​ഗ​ങ്ങ​ളാ​ണ്​ ദു​ര​ന്ത​ഭൂ​മി​യി​ൽ ര​ക്ഷാ​പ്ര​വ​ർ​ത്ത​ന​ങ്ങ​ളു​മാ​യി രം​ഗ​ത്തു​ള്ള​ത്​.