നൂർ ഗസൽ റമദാൻ ക്വിസ് രണ്ടാം ഘട്ട വിജയികളെ പ്രഖ്യാപിച്ചു

മസ്കത്ത്: ഗൾഫ് മാധ്യമം പ്രമുഖ ഭക്ഷ്യോൽപ്പന്ന കമ്പനിയായ നൂർ ഗസലുമായി ചേർന്ന് ഒമാനിലെ വായനക്കാർക്കായി സംഘടിപ്പിക്കുന്ന റമദാൻ ക്വിസ് മൽസരത്തിലെ രണ്ടാം ഘട്ട വിജയികളെ തെരഞ്ഞെടുത്തു. റമദാൻ പതിനൊന്നു മുതൽ 20വരെയുള്ള ദിനങ്ങളിലെ മത്സരത്തിൽ പങ്കെടുത്തവരിൽനിന്നും ശരിയുത്തരം അയച്ചവരിൽ നിന്നാണ് വിജയികളെ തെരെഞ്ഞെടുത്തത്. സുബൈർ, ഇ.കെ. സജീർ, ഫരീദ്, അജ്മൽ, നുഹ നൗഫൽ, മുഹമ്മദ് ഫിനോജ്‌, മിനി നൗഫൽ, ഹൈദർ, സഹ സൈനബ്, പി.വി. ആരവ് എന്നിവരാണ് രണ്ടാം ഘട്ട വിജയികൾ.

റമദാൻ അവസാനംവരെ ഗൾഫ് മാധ്യമം പത്രം, മാധ്യമം വെബ് സൈറ്റ് , സോഷ്യൽ മീഡിയ പേജുകളിൽ ഒരു ചോദ്യം വീതം പ്രസിദ്ധീകരിക്കും. ചോദ്യത്തിന് ഒപ്പമുള്ള ക്യൂ ആർ കോഡ് സ്കാൻ ചെയ്​തോ https://madhyamam.com/rqoman എന്ന വെബ്സൈറ്റ് ലിങ്ക് വഴിയും മത്സരത്തിൽ പങ്കെടുക്കാം.

ഓരോ ദിവസത്തെയും ചോദ്യങ്ങൾക്ക് ശരിയുത്തരം അയച്ചവരിൽനിന്നും നറുക്കിട്ട് ഓരോ വിജയികൾക്ക് നൂർ ഗസലിന്‍റെ ഗിഫ്റ്റ് ഹാമ്പർ സമ്മാനമായി നൽകും. ശരിയുത്തരം അയച്ചവരുടെ പേരുകൾ നറുക്കെടുത്ത് മെഗാസമ്മാനമായി സാംസങ്ങിന്‍റെ 43 ഇഞ്ച് ടെലിവിഷനും നൽകും. ഉത്തരങ്ങൾ അതത് ദിവസം രാത്രി 10 മണിക്ക് മുമ്പ്​ അയക്കേണ്ടതാണ്. വിജയികളുടെ പേരുകൾ ഗൾഫ് മാധ്യമത്തിൽ പ്രസിദ്ധീകരിക്കുന്നതാണ്.