Begin typing your search above and press return to search.
proflie-avatar
Login
exit_to_app
exit_to_app
Homechevron_rightGulfchevron_rightOmanchevron_rightതാപനില ഉയര​ുന്നു; ...

താപനില ഉയര​ുന്നു; വെന്തുരുകി തൊഴിലാളികൾ

text_fields
bookmark_border
താപനില ഉയര​ുന്നു;  വെന്തുരുകി തൊഴിലാളികൾ
cancel
camera_alt

കനത്ത ചൂടിൽ ജോലിയിൽ ഏർ​പ്പെട്ടിരിക്കുന്ന തൊഴിലാളികൾ -വി.കെ.ഷെഫീർ

Listen to this Article

മസ്കത്ത്​: രാജ്യത്ത്​ പൊള്ളുന്ന ചൂട്​ ​തുടങ്ങിയത്​ പുറത്ത്​​ ജോലി ചെയ്യുന്ന തൊഴിലാളികൾക്ക്​ ദുരിതമാകുന്നു. കഴിഞ്ഞ കുറച്ച്​ ദിവസമായി ​കനത്ത ചൂടിൽ വെന്തുരുകുകയാണ്​ മസ്കത്തടക്കമുള്ള വിവിധ ഗവർണറേറ്റുകൾ. പലയിടത്തും 40-50 ഡിഗ്രിസെൽഷ്യസിന്​ ഇടയിലാണ്​ താപനില. വരും ദിവസങ്ങളിൽ ചില ഗവർണറേറ്റുകളിൽ താപനില ഉയരുമെന്നാണ്​ കാലാവസ്ഥ നിരീക്ഷണ കേന്ദ്രം അറിയിച്ചിരിക്കുന്നത്​.

തൊഴിലാളികളുടെ ആരോഗ്യവും സുരക്ഷയും പരിഗണിച്ച്​ തൊഴിൽ മന്ത്രാലയം ജൂൺ ഒന്ന്​ മുതൽ ആഗ്സ്റ്റ്​ 31വരെ മധ്യാഹ്​ന വിശ്രമം നൽകാറുണ്ട്​. ഇതുമൂലം 12.30 -3.30 നും ഇടയിൽ ജോലികൾ നിർത്തിവെക്കുന്നത്​ നിർമാണ​ മേഖലയിലടക്കം പണിയെടുക്കുന്നവർക്ക്​ വലിയൊരു ആശ്വാസമാണ്​. അതേസമയം, മധ്യാഹ്ന അവധിക്ക് ഇനി രണ്ടാഴ്ച കൂടി ശേഷികുന്ന​ുണ്ട്​. അതിനാൽ, കനത്ത ചൂട് കണക്കിലെടുത്ത് മധ്യാഹ്​ന ഇടവേള നേരത്തെ നൽകണമെന്നാണ്​​ പല തൊഴിലാളികളും പറയുന്നത്​. ഇത്തരം ഇടവേളകൾ രാജ്യത്തെ മിക്കകമ്പനികളും തൊഴിലാളികൾക്കും അനുവദിച്ച്​ നൽകാറുണ്ട്​. എന്നാൽ, ചില കമ്പനികൾ ഇത്തരം നിയമങ്ങൾ പാലിക്കാൻ പ​ലപ്പോഴും തയ്യാറാകാറില്ല. ഇത്തരം സ്ഥാപനങ്ങൾക്കെതിരെ കനത്ത പിഴ ചുമത്തുന്നതടക്കമുള്ള നടപടികളുമായി അധികൃതർ രംഗത്തെത്താറുണ്ട്​.

കോവിഡിന്‍റെ പിടിയിലമർന്നതിനാൽ കഴിഞ്ഞ രണ്ടുവർഷവും തൊഴിലാളികൾക്ക്​ വേണ്ടത്ര പണി ലിഭിച്ചിരുന്നില്ല. ഇതുമൂലം തിരിച്ചടവ്​ മുടങ്ങിയതിനെ തുടർന്ന്​ കടങ്ങൾ കുമിഞ്ഞ്​ കൂടി​ കിടക്കുകയാണ്​. ഇത്​ വീട്ടണമെങ്കിൽ കനത്ത വെയിലിലും ജോലിയെടുത്താലെ സാധിക്കുകയൊള്ളുവെന്നാണ്​ പുറത്ത്​ ജോലിചെയുന്ന തൊലികളിൽ പലരും പറയുന്നത്​.

താപനില അനുദിനം ഉയരുന്നതിനാൽ വേഗത്തിൽ തളർന്നു പോകുന്നുണ്ടെന്നും ഈ മാസം പകുതി മുതൽ മധ്യഹാന ഇടവേള ആരംഭിക്കണമെന്നാണ്​ ആഗ്രഹമന്ന്​ റൂവിയിലെ കെട്ടിടത്തിന്റെ മേൽക്കൂര പണിയുന്ന തൊഴിലാളിയായ സിറാജ് റഹ്മാൻ പറഞ്ഞു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:temperature
News Summary - The temperature rises; Workers in distress
Next Story