യു.​കെ സ​ന്ദ​ര്‍ശി​ച്ച്​ സു​ല്‍ത്താ​ന്‍ മ​ട​ങ്ങി​യെ​ത്തി

മ​സ്​​ക​ത്ത്​: യു.​കെ​യി​ലെ സ്വ​കാ​ര്യ സ​ന്ദ​ർ​ശ​നം പൂ​ർ​ത്തി​യാ​ക്കി സു​ൽ​ത്താ​ൻ ഹൈ​തം ബി​ൻ ത്വാ​രി​ഖ് ഒ​മാ​നി​ല്‍ മ​ട​ങ്ങി​യെ​ത്തി. ഡി​സം​ബ​ർ 14നാ​യി​രു​ന്നു സു​ൽ​ത്താ​ൻ ഇം​ഗ്ല​ണ്ടി​ലേ​ക്ക്​ പോ​യി​രു​ന്ന​ത്. സ​ന്ദ​ർ​ശ​ന വേ​ള​യി​ൽ എ​ലി​സ​ബ​ത്ത് രാ​ജ്ഞി, ചാ​ൾ​സ്​ രാ​ജ​കു​മാ​ര​ൻ, ബ്രി​​ട്ടീ​​ഷ് പ്ര​​ധാ​ന​മ​ന്ത്രി ബോ​റി​സ്​ ജോ​ൺ എ​ന്നി​വ​രു​മാ​യി കൂ​ടി​ക്കാ​ഴ്ച ന​ട​ത്തി​യി​രു​ന്നു.ഒ​മാ​നും യു.​കെ​യും ത​മ്മി​​ലെ ബ​ന്ധം വി​പു​ല​പ്പെ​ടു​ത്താ​നും ല​ക്ഷ്യ​മി​ട്ടാ​യി​രു​ന്നു സ​ന്ദ​ർ​ശ​നം. പ്രാ​ദേ​ശി​ക, അ​ന്ത​ർ​ദേ​ശീ​യ രം​ഗ​ങ്ങ​ളി​ൽ ഇ​രു​പ​ക്ഷ​ത്തി​നും താ​ൽ​പ​ര്യ​മു​ള്ള കാ​ര്യ​ങ്ങ​ളും ച​ർ​ച്ച ചെ​യ്തു. പ്ര​തി​രോ​ധ കാ​ര്യ ഉ​പ​പ്ര​ധാ​ന​മ​ന്ത്രി സ​യ്യി​ദ് ഷി​ഹാ​ബ് ബി​ൻ താ​രി​ഖ് അ​ൽ സ​ഈ​ദി, സാം​സ്​​കാ​രി​ക, കാ​യി​ക, യു​വ​ജ​ന മ​ന്ത്രി സ​യ്യി​ദ് തി​യാ​സി​ൻ ബി​ൻ ഹൈ​തം അ​ൽ സ​ഈ​ദ്, റോ​യ​ൽ ഓ​ഫി​സ് മ​ന്ത്രി ജ​ന​റ​ൽ സു​ൽ​ത്താ​ൻ ബി​ൻ മു​ഹ​മ്മ​ദ് അ​ൽ നു​അ​മാ​നി, വി​ദേ​ശ​കാ​ര്യ മ​ന്ത്രി സ​യ്യി​ദ് ബ​ദ​ര്‍ ബി​ന്‍ ഹ​മ​ദ് അ​ല്‍ ബു​സൈ​ദി, ഇം​ഗ്ല​ണ്ടി​ലെ ഒ​മാ​ൻ അം​ബാ​സ​ഡ​ർ ഷെ​യ്ഖ് അ​ബ്​​ദു​ൽ അ​സീ​സ് ബി​ൻ അ​ബ്​​ദു​ല്ല അ​ൽ ഹി​നാ​യി എ​ന്നി​വ​രും സു​ൽ​ത്താ​നെ അ​നു​ഗ​മി​ച്ചി​രു​ന്നു.