വാക്​സിനെടുത്തവരുടെ എണ്ണം 20 ലക്ഷത്തിലേക്ക്​

മസ്​കത്ത്​: ഒമാനിൽ കോവിഡ്​ വാക്​സിനെടുത്തവരുടെ എണ്ണം 20 ലക്ഷത്തിലേക്ക്​. കഴിഞ്ഞ ഞായറാഴ്​ച വരെയുള്ള കണക്കനുസരിച്ച്​ 19,26,307 പേരാണ്​ വാക്​സിൻ സ്വീകരിച്ചതെന്ന്​ ഒമാൻ വാർത്താ ഏജൻസി അറിയിച്ചു. മുൻഗണനാ പട്ടികയിലുള്ളവരുടെ 53 ശതമാനമാണിത്​.

15.87 ലക്ഷം ​േപർക്ക്​ അഥവാ 45 ലക്ഷം പേർക്ക്​ ഒറ്റ ഡോസ്​ വാക്​സിൻ മാത്രമാണ്​ നൽകിയിട്ടുള്ളത്​. 3.38 ലക്ഷം പേർ രണ്ട്​ ഡോസ്​ വാക്​സിനും സ്വീകരിച്ചു. മസ്​കത്ത്​ ഗവർണറേറ്റ്​ ആണ്​ വാക്​സിനേഷനിൽ മുന്നിൽ. ഇവിടെ 6.18 ലക്ഷം പേർ വാക്​സിനെടുത്തു. മുൻഗണനാപട്ടികയിലുള്ളതി​െൻറ 55 ശതമാനമാണിത്​. വടക്കൻ ബാത്തിനയിൽ 2.34 ലക്ഷവ​ും തെക്കൻ ബാത്തിനയിൽ 1.53 ലക്ഷവും വാക്​സിനെടുത്തു.