അ​വ​സാ​ന വെ​ള്ളി​യും ക​ഴി​ഞ്ഞു; ഇ​നി പെ​രു​ന്നാ​ളാ​ര​വം

മ​സ്ക​ത്ത്: പു​ണ്യ​ങ്ങ​ൾ പെ​യ്തി​റ​ങ്ങി​യ വി​ശു​ദ്ധ മാ​സം വി​ട​പ​റ​യു​ന്ന​തി​ന്‍റെ നോ​വു​മാ​യി വി​ശ്വാ​സി​ക​ൾ ഈ ​വ​ർ​ഷ​ത്തെ റ​മ​ദാ​നി​ലെ അ​വ​സാ​ന വെ​ള്ളി​യാ​ഴ്ച​യോ​ട്​ വി​ട പ​റ​ഞ്ഞു. ചെ​റി​യ പെ​രു​ന്നാ​ൾ പ​ടി​വാ​തി​ൽ​ക്ക​ൽ എ​ത്തി​നി​ൽ​ക്കെ മ​സ്ജി​ദു​ക​ളി​ൽ ഇ​ന്ന​ലെ വി​ട​വാ​ങ്ങ​ൾ പ്ര​തീ​തി​യാ​യി​രു​ന്നു. റ​മ​ദാ​നി​ൽ നേ​ട​ിയെ​ടു​ത്ത വി​ശു​ദ്ധി വ​രും​കാ​ല​ങ്ങ​ളി​ലും കാ​ത്ത് സൂ​ക്ഷി​ക്ക​ണ​മെ​ന്നും പോ​രാ​യ്മ​ക​ളും കു​റ​വു​ക​ളും നി​ക​ത്തി റ​മ​ദാ​ൻ കു​റ്റ​മ​റ്റ​താ​ക്കാ​ൻ ദൈ​വ​ത്തോ​ട് കൈയുയ​ർ​ത്തി കേ​ഴ​ണ​മെ​ന്നും ഇ​മാ​മു​ക​ൾ ഉ​ദ്ബോ​ധി​പ്പി​ച്ചു.

ഏ​റെ വി​ല​പ്പെ​ട്ട രാ​പ്പക​ലു​ക​ൾ ഇ​നി​യും ബാ​ക്കി​യു​ണ്ടെ​ന്നും പ്ര​ാർ​ഥ​ന നി​റ​ഞ്ഞ മ​ന​സ്സോ​ടെ ഇ​വ​ക്കാ​യി കാ​ത്തി​രി​ക്ക​ണ​മെ​ന്നും അ​ത് വ​ഴി ദൈ​വ​ത്തി​ലേ​ക്ക് അ​ടു​ക്ക​ണ​മെ​ന്നും സ​ഹ​ജീ​വി​ക​ളെ സ്നേ​ഹി​ച്ചും ദീ​നാ​നു​ക​മ്പ കാ​ണി​ച്ചും മ​നു​ഷ്യ​ത്വം ഊ​ട്ടി ഉ​റ​പ്പി​ക്ക​ണ​മെ​ന്നും ഇ​മാ​മു​മാ​ർ ഉ​ണ​ർ​ത്തി. റ​മദാ​നി​ലെ അ​വ​സാ​ന വെ​ള്ളി​യാ​ഴ്ച​യാ​യ​തു​കൊ​ണ്ട്ത​ന്നെ വി​ശ്വാ​സി​ക​ൾ നേ​ര​ത്തെ ത​ന്നെ മ​സ്ജി​ദു​ക​ളി​ൽ ഇ​ടം പി​ടി​ച്ചി​രു​ന്നു. എ​ല്ലാ മ​സ്ജി​ദു​ക​ളും നേ​ര​ത്തെ ത​ന്നെ തി​ങ്ങി നി​റ​ഞ്ഞ​തോ​ടെ പ​ല​രും പു​റ​ത്താ​ണ്​ പ്രാ​ർ​ഥ​ന​ക​ൾ നി​ർ​വ​ഹി​ച്ച​ത്. ഖു​ർ​ആ​ൻ പാ​രാ​യ​ണ​വും പ്രാ​ർ​ഥ​ന​ക​ളു​മാ​യി മ​സ്ജി​ദു​ക​ൾ നേ​ര​ത്തെ ത​ന്നെ മു​ഖ​രി​ത​മാ​യി​രു​ന്നു.

പ്രാ​ർ​ഥ​ന നി​ർ​ഭ​ര​മാ​യ അ​ന്ത​രീ​ക്ഷ​ത്തി​ലാ​ണ് അ​വ​സാ​ന വെ​ള്ളി​യാ​ഴ്ച ക​ട​ന്ന് പോ​യ​ത്. ജു​മു​അ ന​മ​സ്കാ​രം ക​ഴി​ഞ്ഞും നി​ര​വ​ധി പേ​ർ പ്രാ​ർ​ഥ​ന​യും ഖു​ർ​ആ​ൻ പാ​രാ​യ​ണ​വു​മാ​യി മ​സ്ജി​ദു​ക​ളി​ൽ ത​ന്നെ ത​ങ്ങി.

അ​തേ​സ​മ​യം, റ​മ​ദാ​ൻ അ​വ​സാ​ന​ത്തി​ലെ​ത്തി​യ​തോ​ടെ നാ​ടും ന​ഗ​ര​വും പെ​രു​ന്നാ​ൾ തി​ര​ക്കി​ലേ​ക്ക് നീ​ങ്ങി. റോ​ഡു​ക​ളി​ൽ വ​ൻ തി​ര​ക്കാ​ണ് ക​ഴി​ഞ്ഞ ദി​വ​സ​ങ്ങ​ളി​ൽ അ​നു​ഭ​വ​പ്പെ​ട്ട​ത്.

റൂ​വി അ​ട​ക്ക​മു​ള്ള ന​ഗ​ര​ങ്ങ​ളി​ലെ​ല്ലാം വൈ​കു​ന്നേ​ര​ത്തോ​ടെ ഗ​താ​ഗ​ത കു​രു​ക്ക് അ​നു​ഭ​വ​പ്പെ​ടാ​ൻ തു​ട​ങ്ങി. പെ​രു​ന്നാ​ൾ അ​ടു​ത്ത​തോ​ടെ അ​ക്ഷ​രാ​ർ​ഥ​ത്തി​ൽ രാ​വു​ണ​രു​ക​യാ​ണ്. മാ​ളു​ക​ളും വ്യാ​പാ​ര സ്ഥാ​പ​ന​ങ്ങ​ളും ഭ​ക്ഷ്യ ശാ​ല​ക​ളും രാ​വ​റ്റം വ​രെ വി​ള​ക്ക​ണ​ച്ചി​രു​ന്നി​ല്ല. വ​സ്ത്ര വ്യാ​പാ​ര സ്ഥാ​പ​നങ്ങ​ളി​ലും മ​റ്റും പ്ര​ത്യേ​ക ഓ​ഫ​റു​ക​ൾ ​പ്ര​ഖ്യാ​പി​ച്ചി​ട്ടു​ണ്ട്. മ​ത്ര​യ​ട​ക്ക​മു​ള്ള പ​ര​മ്പ​രാ​ഗ​ത സൂ​ഖു​ക​ളി​ലും ന​ല്ല തി​ര​ക്കാ​ണ് ക​ഴി​ഞ്ഞ ദി​വ​സ​ങ്ങ​ളി​ൽ അ​നു​ഭ​വ​പ്പെ​ട്ട​ത്.