സുഹാറിലെ ഫ്രൈഡേ മാർക്കറ്റ് വിപുലീകരണ പദ്ധതിക്ക് തുടക്കം

മ​സ്‌​ക​ത്ത്: സു​ഹാ​ർ വി​ലാ​യ​ത്തി​ലെ ഫ്രൈ​ഡേ മാ​ർ​ക്ക​റ്റ് പു​ന​രു​ജ്ജീ​വി​പ്പി​ക്കാ​നു​ള്ള വി​പു​ല​മാ​യ പ​ദ്ധ​തി​ക്ക് തു​ട​ക്കം കു​റി​ച്ച​താ​യി വ​ട​ക്ക​ൻ ബാ​ത്തി​ന മു​നി​സി​പ്പാ​ലി​റ്റി വൃ​ത്ത​ങ്ങ​ൾ അ​റി​യി​ച്ചു. പ്രാ​ദേ​ശി​ക ഉ​ൽ​പ​ന്ന​ങ്ങ​ളു​ടെ വി​ൽ​പ​ന സു​ഗ​മ​മാ​ക്കു​ന്ന​തി​നും ക​ച്ച​വ​ട​ക്കാ​ർ​ക്ക്​ കൂ​ടു​ത​ൽ വി​ശാ​ല​മാ​യ അ​ന്ത​രീ​ക്ഷം ഉ​റ​പ്പാ​ക്കാ​നും ല​ക്ഷ്യ​മി​ട്ടാ​ണ്​ മാ​ർ​ക്ക​റ്റ്​ വി​പു​ലീ​ക​ര​ണ പ​ദ്ധ​തി ന​ട​പ്പി​ലാ​ക്കു​ന്ന​ത്. തി​ര​ക്ക് ല​ഘൂ​ക​രി​ക്കാ​നും മ​ഴ അ​ട​ക്ക​മു​ള്ള പ്ര​തി​കൂ​ല കാ​ലാ​വ​സ്ഥ​യി​ൽ മാ​ർ​ക്ക​റ്റി​ന്‍റെ സു​ഗ​മ​മാ​യ പ്ര​വ​ർ​ത്ത​നം ഉ​റ​പ്പു​വ​രു​ത്തു​ക​യും ചെ​യ്യു​ന്ന രീ​തി​യി​ലാ​ണ്​ പ​ദ്ധ​തി ആ​സൂ​ത്ര​ണം ചെ​യ്തി​രി​ക്കു​ന്ന​ത്.

178 പാ​ർ​ക്കി​ങ്​ സ്ഥ​ല​ങ്ങ​ൾ, ഏ​ക​ദേ​ശം 2,276 ച​തു​ര​ശ്ര മീ​റ്റ​ർ വി​സ്തൃ​തി​യു​ള്ള മേ​ൽ​ക്കൂ​ര​യോ​ടു​കൂ​ടി​യ സ്ഥ​ലം, മി​ക​ച്ച 1,655 മീ​റ്റ​ർ നീ​ള​മു​ള്ള റോ​ഡ്, ഇ​ന്റ​ർ​ലോ​ക്ക് പാ​കി​യ 4,680 ച​തു​ര​ശ്ര മീ​റ്റ​ർ സ്ഥ​ലം എ​ന്നി​വ പ​ദ്ധ​തി​യു​ടെ ഭാ​ഗ​മാ​യി ഒ​രു​ക്കും. കൂ​ടാ​തെ, 1050 മീ​റ്റ​ർ നീ​ള​ത്തി​ൽ സ​മ​ഗ്ര​മാ​യ മ​ഴ​വെ​ള്ള ഡ്രെ​യി​നേ​ജ് സം​വി​ധാ​ന​വും സ​ജ്ജീ​ക​രി​ക്കു​ന്നു​ണ്ട്. സു​ഹാ​ർ കോ​ട്ട​ക്കും ക​ട​ൽ റോ​ഡി​നും സ​മീ​പ​ത്താ​യാ​ണ്​ മാ​ർ​ക്ക​റ്റ്​ സ്ഥി​തി ചെ​യ്യു​ന്ന​ത്. ഒ​മാ​നി ഉ​ൽ​പ​ന്ന​ങ്ങ​ളു​ടെ​യും ക​ച്ച​വ​ട​ക്കാ​രു​ടെ​യും കേ​ന്ദ്ര​മെ​ന്ന നി​ല​യി​ൽ വ​ട​ക്ക​ൻ ബ​ത്തി​ന ഗ​വ​ർ​ണ​റേ​റ്റി​ലെ ജ​ന​ങ്ങ​ൾ വ​ള​രെ പ്രാ​ധാ​ന്യ​ത്തോ​ടെ കാ​ണു​ന്ന സ്ഥ​ല​മാ​ണ്​ ഫ്രൈ​ഡേ മാ​ർ​ക്ക​റ്റ്.

മു​ൻ​കാ​ല​ങ്ങ​ളി​ലും ഇ​പ്പോ​ഴും സ​മീ​പ പ്ര​ദേ​ശ​ങ്ങ​ളി​ൽ നി​ന്ന്​ നി​ര​വ​ധി സ​ന്ദ​ർ​ശ​ക​രെ ആ​ക​ർ​ഷി​ക്കു​ന്ന ഇ​വി​ടം വി​ൽ​ക്കാ​നും വാ​ങ്ങാ​നും എ​ത്തു​ന്ന​വ​രു​ടെ കേ​ന്ദ്ര​മാ​ണ്. പ​ര​മ്പ​രാ​ഗ​ത ഉ​ൽ​പ​ന്ന​ങ്ങ​ളു​ടെ ത​ന​താ​യ ശേ​ഖ​ര​മാ​ണ്​ മാ​ർ​ക്ക​റ്റി​നെ വ്യ​ത്യ​സ്ത​മാ​ക്കു​ന്ന​ത്. രാ​ജ്യ​ത്ത്​ മ​റ്റൊ​രി​ട​ത്തും എ​ളു​പ്പ​ത്തി​ൽ ക​ണ്ടെ​ത്താ​നാ​കാ​ത്ത നി​ര​വ​ധി ഒ​മാ​നി, ഇ​സ്​​ലാ​മി​ക വാ​സ്തു​വി​ദ്യ ഉ​ൽ​പ​ന്ന​ങ്ങ​ൾ തേ​ടി പ്ര​ദേ​ശ​വാ​സി​ക​ളും വി​നോ​ദ​സ​ഞ്ചാ​രി​ക​ളും ഇ​വി​ടെ എ​ത്താ​റു​ണ്ട്.

സ​മൂ​ഹ​ത്തി​ന്റെ ക്ഷേ​മ​ത്തി​ന്​ വ​ലി​യ സം​ഭാ​വ​ന ന​ൽ​കു​ന്ന മാ​ർ​ക്ക​റ്റി​നെ ശ​ക്തി​പ്പെ​ടു​ത്തു​ന്ന​തി​നൊ​പ്പം മേ​ഖ​ല​യി​ലെ വി​പ​ണി​ക​ളെ വൈ​വി​ധ്യ​വ​ത്ക​രി​ക്കു​ന്ന​തി​നു​ള്ള സു​പ്ര​ധാ​ന ന​ട​പ​ടി​യാ​ണ് ഫ്രൈ​ഡേ മാ​ർ​ക്ക​റ്റി​ന്റെ പു​ന​ര​ധി​വാ​സ പ​ദ്ധ​തി​യെ​ന്ന്​ വ​ട​ക്ക​ൻ ബാ​ത്തി​ന മു​നി​സി​പ്പാ​ലി​റ്റി ഡ​യ​റ​ക്ട​ർ ജ​ന​റ​ൽ സു​ലൈ​മാ​ൻ ബി​ൻ ഹ​മ​ദ് അ​ൽ സു​നൈ​ദി പ​റ​ഞ്ഞു.