പൊടിക്കാറ്റ്​ തുടരുന്നു; തണുപ്പും

മ​സ്ക​ത്ത്​: രാ​ജ്യ​ത്ത്​ വി​വി​ധ ഗ​വ​ർ​ണ​റേ​റ്റു​ക​ളി​ൽ ഞാ​യ​റാ​ഴ്ച​യും പൊ​ടി​ക്കാ​റ്റ്​ വീ​ശി. വ​രു​ന്ന ര​ണ്ട്​ ദി​വ​സ​ങ്ങ​ളി​ലും കാ​റ്റ്​ തു​ട​രു​മെ​ന്ന്​ കാ​ലാ​വ​സ്ഥ നി​രീ​ക്ഷ​ണ കേ​ന്ദ്രം അ​റി​യി​ച്ചു. വി​വി​ധ പ്ര​ദേ​ശ​ങ്ങ​ളി​ൽ ശ​നി​യാ​ഴ്ച രാ​ത്രി ക​ന​ത്ത ത​ണു​പ്പാ​ണ്​ അ​നു​ഭ​വ​പ്പെ​ട്ട​ത്. ചി​ല​യി​ട​ത്ത്​ 10 ഡി​ഗ്രി സെ​ൽ​ഷ്യ​സി​ന്​ താ​ഴെ​വ​രെ​യാ​യി​രു​ന്നു താ​പ​നി​ല. ​റോ​ഡു​ക​ളി​ൽ മ​ണ​ൽ​ക്കൂ​ന നി​റ​ഞ്ഞ​തി​നാ​ൽ ചി​ല പ്ര​ദേ​ശ​ങ്ങ​ളി​ൽ ഗ​താ​ഗ​തം ത​ട​സ്സ​പ്പെ​ട്ടു.

​അ​തേ​സ​മ​യം, മൂ​ന്ന് ദി​വ​സ​മാ​യി രാ​ജ്യ​ത്ത് വീ​ശി​യ​ടി​ക്കു​ന്ന ശീ​ത​ക്കാ​റ്റി​നി​ടെ താ​പ​നി​ല വീ​ണ്ടും താ​ഴ്ന്നു.

ഏ​റ്റ​വും കു​റ​ഞ്ഞ താ​പ​നി​ല രേ​ഖ​പ്പെ​ടു​ത്തി​യ​ത് ദോ​ഫാ​ര്‍ ഗ​വ​ര്‍ണ​റേ​റ്റി​ലാ​ണ്. ക​ഴി​ഞ്ഞ 24 മ​ണി​ക്കൂ​റി​നി​ടെ ഇ​വി​ട​ത്തെ മ​ഖ്ശി​ന്‍ സ്‌​റ്റേ​ഷ​നി​ല്‍ 4.4 ഡി​ഗ്രി സെ​ല്‍ഷ്യ​സാ​ണ്​ താ​പ​നി​ല രേ​ഖ​പ്പെ​ടു​ത്തി​യ​തെ​ന്ന്​ കാ​ലാ​വ​സ്ഥ നി​രീ​ക്ഷ​ണ​കേ​ന്ദ്രം അ​റി​യി​ച്ച. ദാ​ഹി​റ ഗ​വ​ര്‍ണ​റേ​റ്റി​ലെ യ​ങ്ക​ല്‍ സ്റ്റേ​ഷ​നി​ല്‍ 7.2 ഡി​ഗ്രി​യും ദോ​ഫാ​റി​ലെ മ​സ്‌​യൂ​ന സ്റ്റേ​ഷ​നി​ല്‍ 7.3 ഡി​ഗ്രി​യും ദോ​ഫാ​റി​ലെ ത​ന്നെ മ​ര്‍മൂ​ല്‍ സ്റ്റേ​ഷ​നി​ല്‍ 7.8 ഡി​ഗ്രി സെ​ല്‍ഷ്യ​സും താ​പ​നി​ല റി​പ്പോ​ര്‍ട്ട് ചെ​യ്ത​താ​യി കാ​ലാ​വ​സ്ഥാ നി​രീ​ക്ഷ​ണ​കേ​ന്ദ്രം അ​റി​യി​ച്ചു.

മ​സ്ക​ത്ത​ട​ക്ക​മു​ള്ള ഗ​വ​ർ​ണ​​റേ​റ്റു​ക​ളി​ൽ ഞാ​യ​റാ​ഴ്​​ച പ​ക​ൽ താ​ര​ത​മ്യേ​നെ ത​ണു​പ്പ്​ കു​റ​വാ​യി​രു​ന്നു. എ​ന്നാ​ൽ, രാ​ത്രി​യോ​ടെ ശ​ക്​​തി​യാ​ർ​ജി​ച്ചു.

ത​ണു​പ്പി​നെ തു​ട​ർ​ന്ന്​ ആ​ളു​ക​ൾ പു​റ​ത്തി​റ​ങ്ങാ​ത്ത​തി​നാ​ൽ വ്യാ​പാ​ര​സ്ഥാ​പ​ന​ങ്ങ​ളി​ലും ഷോ​പി​ങ്​ മാ​ളു​ക​ളി​ലു​മെ​ല്ലാം തി​ര​ക്ക്​ കു​റ​വാ​യി​രു​ന്നു. ക​ന​ത്ത നാ​ശ​ന​ഷ്ട​ങ്ങ​ളൊ​ന്നും ഇ​തു​വ​രെ റി​​പ്പോ​ർ​ട്ട്​ ചെ​യ്തി​ട്ടി​ല്ല. പൊ​ടി​ക്കാ​റ്റ്​ വീ​ശു​ന്ന​തി​നാ​ൽ ​ദൂ​ര​ക്കാ​ഴ്​​ച കു​റ​യാ​ൻ സാ​ധ്യ​ത​യു​ള്ള​തി​നാ​ൽ ​ഡൈ​വ​ർ​മാ​ർ ജാ​ഗ്ര​ത പാ​ലി​ക്ക​ണ​മെ​ന്ന്​ ​റോ​യ​ൽ ഒ​മാ​ൻ പൊ​ലീ​സ്​ മു​ന്ന​റി​യി​പ്പ്​ ന​ൽ​കി​യി​രു​ന്നു. മ​ണി​ക്കൂ​റി​ൽ 55 മു​ത​ൽ 142 കി​ലാ​മീ​റ്റ​ർ വേ​ഗ​ത​യു​ള്ള കാ​റ്റാ​ണ്​ പ​ല​യി​ട​ത്തും രേ​ഖ​പ്പെ​ടു​ത്തി​യ​ത്.