ക്രൂ​സ് ക​പ്പ​ലു​ക​ളു​ടെ വ​ര​വ് കു​റ​ഞ്ഞു; പ്ര​തീ​ക്ഷ കൈ​വി​ടാ​തെ വ്യാ​പാ​രി​ക​ൾ

മ​ത്ര: ശൈ​ത്യ​കാ​ല​ത്ത് ഒ​മാ​നി​ലേ​ക്ക് ടൂ​റി​സ്റ്റു​ക​ളു​മാ​യി എ​ത്താ​റു​ള്ള ക​പ്പ​ലു​ക​ളു​ടെ എ​ണ്ണ​ത്തി​ൽ കു​റ​വ്. ഈ ​വ​ര്‍ഷം മു​ന്‍ വ​ര്‍ഷ​ത്തെ അ​പേ​ക്ഷി​ച്ച് ക​പ്പ​ലു​ക​ളു​ടെ വ​ര​വി​ല്‍ ഗ​ണ്യ​മാ​യ കു​റ​വ് അ​നു​ഭ​വ​പ്പെ​ടു​ന്ന​താ​യി ടൂ​റി​സം മേ​ഖ​ല​യി​ലെ ക​ച്ച​വ​ട​ക്കാ​ര്‍ പ​റ​യു​ന്നു. മു​ന്‍ വ​ര്‍ഷ​ങ്ങ​ളി​ല്‍ ന​വം​ബ​റി​ല്‍ തു​ട​ങ്ങി ഡി​സം​ബ​ര്‍, ജ​നു​വ​രി മാ​സ​ങ്ങ​ളി​ല്‍ ഒ​ന്നി​ട​വി​ട്ട ദി​വ​സ​ങ്ങ​ളി​ല്‍ ക​പ്പ​ലു​ക​ള്‍ മ​ത്ര കോ​ര്‍ണോ​ഷി​ലു​ള്ള സു​ല്‍ത്താ​ന്‍ ഖാ​ബൂ​സ് പോ​ര്‍ട്ടി​ല്‍ ന​ങ്കൂ​ര​മി​ടാ​റു​ണ്ട്.

സീ​സ​ണി​ന്‍റെ പ്ര​ധാ​ന സ​മ​യ​മാ​യ ജ​നു​വ​രി മ​ധ്യ​ത്തോ​ട് അ​ടു​ത്തി​ട്ടും ഇ​പ്പോ​ള്‍ ആ​ഴ്ച​യി​ൽ ഒ​ന്ന് എ​ന്ന തോ​തി​ൽ മാ​ത്ര​മെ സ​ഞ്ചാ​രി​ക​ളു​മാ​യി ക്രൂ​യി​സ് ക​പ്പ​ലു​ക​ള്‍ തീ​ര​ത്ത് അ​ടു​ക്കു​ന്നു​ള്ളൂ.

മു​ന്‍ വ​ര്‍ഷ​ങ്ങ​ളി​ല്‍ കോ​സ്റ്റ, അ​യി​ദ എ​ന്നീ കൂ​റ്റ​ന്‍ ക​പ്പ​ലു​ക​ളി​ല്‍ ധാ​രാ​ളം ടൂ​റി​സ്റ്റു​ക​ള്‍ എ​ത്തി​ച്ചേ​ർ​ന്നി​ട​ത്ത് മെ​ന്‍ഷി​പ് ക​പ്പ​ൽ മാ​ത്ര​മാ​ണ് ആ​ഴ്ച​യി​ലൊ​ന്ന് എ​ന്ന ത​ര​ത്തി​ല്‍ എ​ത്തി​ച്ചേ​രു​ന്ന​ത്. വ​രും ദി​വ​സ​ങ്ങ​ളി​ല്‍ കൂ​ടു​ത​ൽ സ​ഞ്ചാ​രി​ക​ള്‍ എ​ത്തി​ച്ചേ​രു​മെ​ന്ന പ്ര​തീ​ക്ഷ​യി​ല്‍ കാ​ത്തി​രി​ക്കു​ക​യാ​ണ് ക​ച്ച​വ​ട​ക്കാ​ര്‍.

സീ​സ​ണ്‍ അ​വ​സാ​നി​ക്കാ​ന്‍ ഇ​നി ഏ​താ​നും മാ​സ​ങ്ങ​ളെ അ​വ​ശേ​ഷി​ക്കു​ന്നു​ള്ളൂ. ഒ​മാ​നി​ല്‍ ത​ണു​പ്പ് മാ​റി ചൂ​ട് ക​ന​ക്കു​ന്ന​തോ​ടെ ടൂ​റി​സം സീ​സ​ൺ അ​വ​സാ​നി​ക്കു​ക​യും സ​ഞ്ചാ​രി​ക​ളു​ടെ വ​ര​വ് അ​വ​സാ​നി​ക്കു​ക​യും ചെ​യ്യും.

മേ​ഖ​ല​യി​ല്‍ ഉ​രു​ണ്ടു‌​കൂ​ടി​യ സം​ഘ​ര്‍ഷാ​ന്ത​രീ​ക്ഷം കാ​ര​ണ​മാ​കാം ക​പ്പ​ലു​ക​ള്‍ ഈ ​വ​ര്‍ഷം കു​റ​യാ​നി​ട​യാ​യ​തെ​ന്ന് അ​നു​മാ​നി​ക്കു​ന്നു. അ​തേ സ​മ​യം, വി​മാ​ന​മാ​ർ​ഗം സാ​മാ​ന്യം ത​ര​ക്കേ​ടി​ല്ലാ​ത്ത വി​ധം സ​ഞ്ചാ​രി​ക​ൾ എ​ത്തി​ച്ചേ​രു​ന്നു​ണ്ട് എ​ന്ന​ത് ക​ച്ച​വ​ട​ക്കാ​രി​ല്‍ ആ​ശ്വാ​സം പ​ക​രു​ന്നു​ണ്ട്. സ​ഞ്ചാ​രി​ക​ൾ ട്ര​ഡീ​ഷ​ന​ല്‍ സാ​ധ​ന​ങ്ങ​ളും പ​ഷ്മി​ന, സു​ഗ​ന്ധ ദ്ര​വ്യ​ങ്ങ​ള്‍, കു​ന്തി​രി​ക്കം, കു​ന്തി​രി​ക്കം‌ കൊ​ണ്ട് ഉ​ണ്ടാ​ക്കു​ന്ന വി​വി​ധ ത​രം ഉ​ല്‍പ​ന്ന​ങ്ങ​ള്‍ എ​ന്നി​വ വാ​ങ്ങു​ന്ന​തി​ല്‍ ഉ​ത്സാ​ഹം കാ​ണി​ക്കു​ന്നു​ണ്ട്. അ​തേ​സ​മ​യം, കൂ​ടു​ത​ൽ ക്രൂ​സ് ക​പ്പ​ലു​ക​ളെ ആ​ക​ർ​ഷി​ക്കു​ന്ന​തി​നും രാ​ജ്യ​ത്തെ പ്ര​ധാ​ന ടൂ​റി​സം കേ​ന്ദ്ര​മെ​ന്ന നി​ല​യി​ൽ സു​ൽ​ത്താ​ൻ ഖാ​ബൂ​സ് തു​റ​മു​ഖ​ത്തി​ന്റെ പ​ങ്ക് വി​പു​ല​പ്പെ​ടു​ത്തു​ന്ന​തി​നും ല​ക്ഷ്യ​മി​ട്ട് ക​ഴി​ഞ്ഞ വ​ർ​ഷം മ​ധ്യ​ത്തി​ൽ വി​ക​സ​ന പ​ദ്ധ​തി​ക്ക് ഗ​താ​ഗ​ത മ​ന്ത്രാ​ല​യം രൂ​പം ന​ൽ​കി​യി​രു​ന്നു.

തു​റ​മു​ഖ​ങ്ങ​ൾ, സ​മു​ദ്ര സേ​വ​ന​ങ്ങ​ൾ, റോ​ഡ് അ​ടി​സ്ഥാ​ന സൗ​ക​ര്യ​ങ്ങ​ൾ എ​ന്നി​വ മെ​ച്ച​പ്പെ​ടു​ത്തു​ന്ന​തി​നു​ള്ള വി​ശാ​ല​മാ​യ ശ്ര​മ​ങ്ങ​ളു​ടെ ഭാ​ഗ​മാ​യി മൂ​ന്ന് ത​ന്ത്ര​പ്ര​ധാ​ന ക​രാ​റു​ക​ളി​ലും ഒ​പ്പു​വെ​ച്ചി​ട്ടു​ണ്ട്. ക​രാ​റു​ക​ളി​ലൊ​ന്ന് സു​ൽ​ത്താ​ൻ ഖാ​ബൂ​സ് തു​റ​മു​ഖ​ത്ത് ക​പ്പ​ൽ സേ​വ​ന​ങ്ങ​ളു​ടെ​യും ക്രൂ ​മാ​റ്റ പ്ര​വ​ർ​ത്ത​ന​ങ്ങ​ളു​ടെ​യും വി​ക​സ​ന​ത്തി​ൽ ശ്ര​ദ്ധ കേ​ന്ദ്രീ​ക​രി​ക്കു​ന്ന​താ​ണ്. ക്രൂ​സ് ടൂ​റി​സം കേ​ന്ദ്ര​മെ​ന്ന നി​ല​യി​ൽ അ​തി​ന്റെ പ്രാ​ഥ​മി​ക പ്ര​വ​ർ​ത്ത​നം നി​ല​നി​ർ​ത്തി വാ​ണി​ജ്യ പ്ര​വ​ർ​ത്ത​ന​ങ്ങ​ൾ വി​ക​സി​പ്പി​ക്കാ​നു​ള്ള പ​ദ്ധ​തി​ക​ളും ന​ട​പ്പാ​ക്കി​വ​രി​ക​യാ​ണ്.

‘ഒ​മാ​നി ഇ​ന്റ​ഗ്രേ​റ്റ​ഡ് ലോ​ജി​സ്റ്റി​ക്സ് സ​ർ​വി​സ​സ് ക​മ്പ​നി​യു​മാ​യി ഒ​പ്പു​വെ​ച്ച ക​രാ​ർ, തു​റ​മു​ഖ​ത്ത് സ​മു​ദ്ര സേ​വ​ന​ങ്ങ​ൾ കൈ​കാ​ര്യം ചെ​യ്യു​ന്ന​തി​നും പ്ര​വ​ർ​ത്തി​പ്പി​ക്കു​ന്ന​തി​നു​മു​ള്ള ര​ണ്ട് വ​ർ​ഷ​ത്തെ കാ​ലാ​വ​ധി​യാ​ണു​ള്ള​ത്. നാ​ല് ഘ​ട്ട​ങ്ങ​ളി​ലാ​യാ​ണ് പ​ദ്ധ​തി ന​ട​പ്പാ​ക്കു​ക. ക്രൂ​സ് ടൂ​റി​സ​ത്തി​നും സ​മു​ദ്ര വ്യാ​പാ​ര​ത്തി​നും തു​റ​മു​ഖ​ത്തെ ഒ​രു പ്ര​ധാ​ന ല​ക്ഷ്യ​സ്ഥാ​ന​മാ​യി സ്ഥാ​പി​ക്കു​ന്ന​തി​ന് വി​ശ​ദ​മാ​യ ഒ​രു മാ​ർ​ക്ക​റ്റി​ങ് ത​ന്ത്ര​മാ​ണ് വി​ക​സി​പ്പി​ക്കു​ന്ന​ത്.

തു​റ​മു​ഖ​ത്തി​ന്റെ മ​ത്സ​ര​ശേ​ഷി​യും ക്രൂ​സ് ടൂ​റി​സം വ​ള​ർ​ച്ച​യും വ​ർ​ധി​പ്പി​ക്കു​ന്ന​തി​നും, സ​ന്ദ​ർ​ശ​ക ക​പ്പ​ലു​ക​ൾ​ക്കു​ള്ള ലോ​ജി​സ്റ്റി​ക്സും സ​മു​ദ്ര സേ​വ​ന​ങ്ങ​ളും വി​ക​സി​പ്പി​ക്കു​ന്ന​തി​നും ഈ ​സം​രം​ഭം സ​ഹാ​യി​ക്കു​മെ​ന്നാ​ണ് ക​രു​തു​ന്ന​ത്. സു​ൽ​ത്താ​ൻ ഖാ​ബൂ​സ് തു​റ​മു​ഖ​ത്തി​ന്റെ ക്രൂ​സ് ടെ​ർ​മി​ന​ൽ ന​വീ​ക​ര​ണ​വും ന​ട​ന്നു​വ​രു​ന്നു. ഇ​വി​ടെ എ​ത്തു​ന്ന വി​നോ​ദ​സ​ഞ്ചാ​രി​ക​ളു​ടെ വ​ർ​ധി​ച്ചു​വ​രു​ന്ന ആ​വ​ശ്യ​ങ്ങ​ൾ നി​റ​വേ​റ്റു​ന്ന​തി​നും അ​വ​രു​ടെ അ​നു​ഭ​വം വ​ർ​ധി​പ്പി​ക്കു​ന്ന​തി​നു​മാ​ണ് ​ടെ​ർ​മി​ന​ൽ ന​വീ​ക​രി​ക്കു​ന്ന​ത്.

2018 ജ​നു​വ​രി ഒ​ന്നു​മു​ത​ൽ സു​ൽ​ത്താ​ൻ ഖാ​ബൂ​സ് തു​റ​മു​ഖ​ത്തി​ന്റെ പ്ര​വ​ർ​ത്ത​ന​വും നി​യ​ന്ത്ര​ണ​വും അ​സ്യാ​ദ് പോ​ർ​ട്ട്സാ​ണ് ന​ട​ത്തി വ​രു​ന്ന​ത്.​ ക്രൂ​സ് ക​പ്പ​ലി​ലെ​ത്തു​ന്ന സ​ഞ്ചാ​രി​ക​ളു​ടെ സു​ൽ​ത്താ​നേ​റ്റി​ലേ​ക്കു​ള്ള ആ​ദ്യ സ്വാ​ഗ​ത​കേ​ന്ദ്ര​മാ​ണ് സു​ൽ​ത്താ​ൻ ഖാ​ബൂ​സ് ​പോ​ർ​ട്ട​ലി​ലെ ക്രൂ​സ് ടെ​ർ​മി​ന​ൽ കെ​ട്ടി​ടം. ഒ​ക്ടോ​ബ​ർ മു​ത​ൽ ഏ​പ്രി​ൽ അ​വ​സാ​നം വ​രെ​യാ​ണ് ഒ​മാ​നി​ലെ ക്രൂ​സ് ക​പ്പ​ൽ സീ​സ​ൺ.