ഇന്ത്യൻ സ്കൂളുകളിൽ വീണ്ടും മണി കിലുക്കം

മ​സ്ക​ത്ത്: ഒ​മാ​നി​ലെ വി​വി​ധ ഇ​ന്ത്യ​ൻ സ്കൂ​ളു​ക​ളി​ൽ പു​തി​യ അ​ധ്യ​യ​ന ദി​നം ആ​രം​ഭി​ച്ചു. ര​ണ്ടു വ​ർ​ഷ​ക്കാ​ല​ത്തെ കോ​വി​ഡ് ഇ​ട​വേ​ള​ക്കു​ശേ​ഷ​മാ​ണ്​ ഇ​ന്ത്യ​ൻ സ്കൂ​ളു​ക​ളി​ൽ വീ​ണ്ടും മ​ണി​മു​ഴ​ങ്ങി​യ​ത്. ക​ഴി​ഞ്ഞ അ​ധ്യ​യ​ന വ​ർ​ഷം ഇ​ട​ക്ക് സ്കൂ​ളു​ക​ൾ തു​റ​ന്നി​രു​ന്നെ​ങ്കി​ലും പൂ​ർ​ണ​രീ​തി​യി​ൽ പ്ര​വ​ർ​ത്തി​ക്കു​ന്ന​ത് ഈ ​അ​ധ്യ​യ​ന വ​ർ​ഷം മു​ത​ലാ​ണ്. ഇ​തോ​ടെ ര​ണ്ടു വ​ർ​ഷ​മാ​യി ഉ​റ​ങ്ങി​കി​ട​ക്കു​ക​യാ​യി​രു​ന്ന സ്കൂ​ൾ മു​റ്റം ശ​ബ്ദ​മു​ഖ​രി​ത​മാ​യി. ചി​ണു​ക്ക​വും പി​ണ​ക്ക​വു​മാ​യി കെ.​ജി​യി​ലെ കു​ട്ടി​ക​ൾ​കൂ​ടി എ​ത്തി​യ​തോ​ടെ സ്കൂ​ളും പ​രി​സ​ര​വും സ​ജീ​വ​ത വീ​ണ്ടെ​ടു​ത്തു. ഒ​മാ​നി​ലെ പ​ല സ്കൂ​ളു​ക​ളി​ലും ഞാ​യ​റാ​ഴ്ച​യാ​ണ് പു​തി​യ അ​ധ്യ​യ​ന വ​ർ​ഷം ആ​രം​ഭി​ച്ച​ത്. മ​സ്ക​ത്ത്​ ഇ​ന്ത്യ​ൻ സ്കൂ​ൾ നാ​ളെ​യാ​ണ്​ തു​റ​ക്കു​ക.

സ്കൂ​ൾ പൂ​ർ​ണ അ​ർ​ഥ​ത്തി​ൽ തു​റ​ന്ന​തോ​ടെ മ​സ്ക​ത്ത് മേ​ഖ​ല​യി​ൽ വ​ൻ ഗ​താ​ഗ​ത കു​രു​ക്കും അ​നു​ഭ​വ​പ്പെ​ട്ടു. അ​ൽ ഗു​ബ്റ മേ​ഖ​ല​യി​ൽ ഉ​ണ്ടാ​യ വ​ൻ ഗ​താ​ഗ​ത കു​രു​ക്കും യാ​ത്ര​ക്കാ​ർ​ക്ക് പ്ര​യാ​സം സൃ​ഷ്ടി​ച്ചു. അ​പ്ര​തീ​ക്ഷി​ത​മാ​യ ഗ​താ​ഗ​ത കു​രു​ക്ക് കാ​ര​ണം ഒാ​ഫി​സി​ലും ജോ​ലി സ്ഥ​ല​ത്തും എ​ത്തേ​ണ്ട നി​ര​വ​ധി പേ​ർ വി​ഷ​മി​ച്ചു. എ​ന്നാ​ലും നാ​ടും ന​ഗ​ര​വും പ​ഴ​യ തി​ര​ക്ക് വീ​ണ്ടെ​ടു​ത്ത​തി​ൽ സ​ന്തോ​ഷം കൊ​ള്ളു​ന്ന​വ​രും നി​ര​വ​ധി​യാ​ണ്.

മ​സ്ക​ത്ത് മേ​ഖ​ല​യി​ലെ എ​ല്ലാ ഇ​ന്ത്യ​ൻ സ്കൂ​ളു​ക​ളും ഏ​താ​ണ്ട് ഒ​രേ​സ​മ​യ​ത്തു​ത​ന്നെ തു​റ​ന്നു പ്ര​വ​ർ​ത്തി​ക്കു​ന്ന​ത് സ്കൂ​ൾ യൂ​നി​ഫോം വി​ൽ​പ​ന ന​ട​ത്തു​ന്ന സ്ഥാ​പ​ന​ങ്ങ​ൾ​ക്ക് അ​നു​ഗ്ര​ഹ​മാ​യി. യൂ​നി​ഫോം വി​ൽ​പ​ന ന​ട​ത്തു​ന്ന ഹൈ​പ​ർ​മാ​ർ​ക്ക​റ്റു​ക​ളി​ലും തു​ണി വ്യാ​പാ​ര​സ്ഥാ​പ​ന​ങ്ങ​ളി​ലും വ​ൻ തി​ര​ക്കാ​ണ് അ​നു​ഭ​വ​പ്പെ​ട്ട​ത്.

ആ​വ​ശ്യ​ക്കാ​ർ വ​ർ​ധി​ച്ച​തോ​ടെ പ​ല സ്ഥാ​പ​ന​ങ്ങ​ളി​ലും സ്റ്റോ​ക്ക് തീ​ർ​ന്ന​തും കു​ട്ടി​ക​ൾ​ക്ക് പ്ര​യാ​സം സൃ​ഷ്ടി​ച്ചു.