എയർ ഇന്ത്യ എക്സ് പ്രസ്​ തിരുവനന്തപുരം വിമാനം അടിയന്തരമായി മസ്കത്തിൽ തിരിച്ചിറക്കി

മസ്കത്ത്​: തിരുവനന്തപുരത്തേക്ക്​ പുറപ്പെട്ട എയർ ഇന്ത്യ എക്സ് പ്രസ്​ വിമാനം അടിയന്തരമായി മസ്കത്ത്​ അന്താരാഷ്ട്ര വിമാനത്താവളത്തിൽ തിരിച്ചിറക്കി. ശനിയാഴ്ച നാലരയോടെയായിരുന്നു സംഭവം. വിമാനം പറന്നുയർന്ന്​ ഏകദേശം 45 മിനിറ്റിന്​ ശേഷമാണ്​ തിരിച്ചിറക്കിയത്​.

കുട്ടികളും സ്ത്രീകളുമടക്കം ഏകദേശം 160ഓളം യാത്രക്കാരാണ്​ വിമാനത്തിലുള്ളത്. ഒമാനിൽ സ്വകാര്യ സന്ദർശനത്തിനെത്തിയ സി.ആർ മഹേഷ്​ എം.എൽ.എയും വിമാനത്തിലുണ്ട്​. ഫയർ ഫോഴ്​സ്​, സുരക്ഷ ഉദ്യോഗസ്ഥരടക്കം സ്​ഥലത്തെത്തിയിട്ടുണ്ട്​.

സാ​ങ്കേതിക തകരാറാണ്​ വിമാനം അടിയന്തരമായി തിരിച്ചിറക്കാൻ കാര​ണമെന്നാണ്​ അധികൃതർ നൽകുന്ന വിശദീകരണം. ശനിയാഴ്​ച പത്ത​രയോടെ പുറപ്പെടേണ്ട വിമാനം വൈകി 3.45ഓടെയായിരുന്നു തിരുവനന്തപുരത്തേക്ക്​ പോയത്.