ടെ​ലി​ഗ്രാ​ഫ് ദ്വീ​പ് വി​ക​സ​നം പു​രോ​ഗ​മി​ക്കു​ന്നു

മ​സ്ക​ത്ത്​: മു​സ​ന്ദം ഗ​വ​ർ​ണ​റേ​റ്റ്​ ഖ​സ​ബ്​ വി​ലാ​യ​ത്തി​ലെ ച​രി​ത്ര പ്ര​സി​ദ്ധ​മാ​യ ടെ​ലി​ഗ്രാ​ഫ് ദ്വീ​പ് വി​ക​സ​നം അ​തി​വേ​ഗം പു​രോ​ഗ​മി​ക്കു​ന്നു. പ​ദ്ധ​തി 50 ശ​ത​മാ​നം പൂ​ർ​ത്തി​യാ​യി. പ​രി​സ്ഥി​തി ടൂ​റി​സം സൗ​ക​ര്യ​മാ​ണ് ഇ​വി​ടെ ഒ​രു​ക്കു​ന്ന​ത്. സ്ഥ​ല​ത്തി​ന്റെ ച​രി​ത്ര​പ​ര​മാ​യ മൂ​ല്യം പു​ന​രു​ജ്ജീ​വി​പ്പി​ക്കു​ന്ന​തി​നെ അ​ടി​സ്ഥാ​ന​മാ​ക്കി​യു​ള്ള​താ​ണ് വി​ക​സ​ന പ്ര​വ​ർ​ത്ത​ന​ങ്ങ​ളെ​ന്ന് മു​സ​ന്ദം മു​നി​സി​പ്പാ​ലി​റ്റി​യി​ലെ പ്രോ​ജ​ക്ട്സ് ഡി​പ്പാ​ർ​ട്മെ​ന്റ് ഡ​യ​റ​ക്ട​ർ എ​ൻജി​നീ​യ​ർ അ​ഹ​മ്മ​ദ് ബി​ൻ മു​ഹ​മ്മ​ദ് ആ​ൽ ഷെ​ഹി പ​റ​ഞ്ഞു.

സ​മു​ദ്ര ആ​ശ​യ​വി​നി​മ​യ​ത്തി​ന്റെ മ​റ​ന്നു​പോ​യ ക​ഥ പ​റ​യു​ന്ന​തും ച​രി​ത്ര​പ​ര​മാ​യ സ്ഥ​ല​ങ്ങ​ളു​ടെ വി​ക​സ​ന​ത്തി​ന് ഒ​രു മാ​തൃ​ക​യാ​യി വ​ർ​ത്തി​ക്കു​ന്ന​തു​മാ​യ ഒ​രു പ്രാ​ദേ​ശി​ക, ആ​ഗോ​ള ആ​ക​ർ​ഷ​ണ​മാ​യി ദ്വീ​പി​നെ മാ​റ്റാ​നാ​ണ് ഉ​ദ്ദേ​ശി​ക്കു​ന്ന​ത്.

പ​രി​സ്ഥി​തി ടൂ​റി​സം സൗ​ക​ര്യ​മാ​ണ് ഇ​വി​ടെ ഒ​രു​ക്കു​ന്ന​ത്. മു​സ​ന്ദം മു​നി​സി​പ്പാ​ലി​റ്റി, ഒ.​ക്യു ക​മ്പ​നി, പൈ​തൃ​ക ടൂ​റി​സം മ​ന്ത്രാ​ല​യം എ​ന്നി​വ​യു​ടെ സ​ഹ​ക​ര​ണ​ത്തോ​ടെ​യാ​ണ്​ പ​ദ്ധ​തി ന​ട​പ്പാ​ക്കു​ന്ന​ത്. 130 ച​തു​ര​ശ്ര മീ​റ്റ​ർ പൊ​തു സേ​വ​ന കെ​ട്ടി​ട​ത്തോ​ട് അ​നു​ബ​ന്ധി​ച്ച് 731 ച​തു​ര​ശ്ര മീ​റ്റ​ർ മ​ൾ​ട്ടി പ​ർ​പ്പ​സ് ഹാ​ൾ, സീ ​ലാ​ൻ​ഡി​ങ് പ്ലാ​റ്റ്‌​ഫോം, മ​ല​യോ​ര ന​ട​പ്പാ​ത, ദ്വീ​പി​ലേ​ക്കു​ള്ള പ്ര​വേ​ശ​ന​ത്തി​നാ​യി അ​തി​ന്റെ അ​നു​ബ​ന്ധ ഉ​പ​ക​ര​ണ​ങ്ങ​ൾ ഉ​ൾ​പ്പെ​ടെ ഒ​രു ഗാ​ർ​ഡ് റൂം, ​വൈ​ദ്യു​തി ജ​ന​റേ​റ്റ​റു​ക​ൾ​ക്കും ഇ​ന്ധ​ന ടാ​ങ്കു​ക​ൾ​ക്കു​മു​ള്ള ഒ​രു കെ​ട്ടി​ടം, നി​ല​ക​ളു​ള്ള ഒ​രു മേ​ലാ​പ്പ് ഏ​രി​യ എ​ന്നി​വ​യു​ടെ നി​ർ​മാ​ണ​വും പ​ദ്ധ​തി​യി​ൽ വ​രു​ന്നു​ണ്ട്.

ടെ​ലി​ഗ്രാ​ഫ് ദ്വീ​പി​ന്റെ അ​ടി​സ്ഥാ​ന സൗ​ക​ര്യ​ങ്ങ​ൾ വ​ർ​ധി​പ്പി​ക്കാ​ൻ മു​സ​ന്ദം മു​നി​സി​പ്പാ​ലി​റ്റി ക​ഴി​ഞ്ഞ വ​ർ​ഷം തു​ട​ക്ക​മി​ട്ടി​രു​ന്നു. ടെ​ലി​ഗ്രാ​ഫ് ദ്വീ​പ് അ​ല്ലെ​ങ്കി​ൽ ജ​സി​റ​ത്ത് അ​ൽ മ​ഖ്‌​ല​ബ് സ്ഥി​തി ചെ​യ്യു​ന്ന​ത് മ​നോ​ഹ​ര​മാ​യ പ്ര​കൃ​തി​യു​ടെ മ​ടി​ത്ത​ട്ടി​ലാ​ണ്. ചു​റ്റും ഉ​യ​ര​മു​ള്ള പ​ർ​വ​ത​ങ്ങ​ളാ​ലും നീ​ല വെ​ള്ള​ത്താ​ലും ചു​റ്റ​പ്പെ​ട്ടി​രി​ക്കു​ന്നു.

മു​സ​ന്ദം ഗ​വ​ർ​ണ​റേ​റ്റി​ലെ ഏ​റ്റ​വും പ്ര​ശ​സ്ത​മാ​യ ല​ഗൂ​ണു​ക​ളി​ൽ ഒ​ന്നാ​യ ഖോ​ർ ഷാ​മി​ലാ​ണ് ഈ ​ദ്വീ​പ് സ്ഥി​തി ചെ​യ്യു​ന്ന​ത്. സ​മു​ദ്ര ദ്വീ​പു​ക​ളും ചി​ത​റി​ക്കി​ട​ക്കു​ന്ന ഗ്രാ​മ​ങ്ങ​മു​ള്ള ഖോ​ർ ഷാം ​ലോ​ക​മെ​മ്പാ​ടു​മു​ള്ള വി​നോ​ദ​സ​ഞ്ചാ​രി​ക​ൾ സ​ന്ദ​ർ​ശി​ക്കു​ന്ന ഏ​റ്റ​വും മ​നോ​ഹ​ര​മാ​യ സ്ഥ​ല​ങ്ങ​ളി​ൽ ഒ​ന്നാ​ണ്.

1864ൽ ​ദ്വീ​പി​ൽ നി​ർ​മിച്ച ടെ​ലി​ഗ്രാ​ഫ്-​കേ​ബി​ൾ റി​പ്പീ​റ്റ​ർ സ്റ്റേ​ഷ​നി​ൽ നി​ന്നാ​ണ് ‘ടെ​ലി​ഗ്രാ​ഫ്’ എ​ന്ന പേ​ര് വ​ന്ന​ത്. ല​ണ്ട​ൻ മു​ത​ൽ ക​റാ​ച്ചി വ​രെ​യു​ള്ള ടെ​ലി​ഗ്രാ​ഫി​ക് കേ​ബി​ളി​ന്റെ ഭാ​ഗ​മാ​യ ഗ​ൾ​ഫ് അ​ന്ത​ർ​വാ​ഹി​നി കേ​ബി​ളി​ലൂ​ടെ ടെ​ലി​ഗ്രാ​ഫി​ക് സ​ന്ദേ​ശ​ങ്ങ​ൾ വ​ർ​ധി​പ്പി​ക്കാ​ൻ ബ്രി​ട്ടീ​ഷ് റി​പ്പീ​റ്റ​ർ സ്റ്റേ​ഷ​ൻ ഉ​പ​യോ​ഗി​ച്ചി​രു​ന്നു.