Begin typing your search above and press return to search.
exit_to_app
exit_to_app
Homechevron_rightGulfchevron_rightOmanchevron_rightസുപ്രീം കമ്മിറ്റി...

സുപ്രീം കമ്മിറ്റി അനുമതി: മത്ര സൂഖ്​ ഇന്നുമുതൽ പ്രവർത്തനമാരംഭിക്കും

text_fields
bookmark_border
സുപ്രീം കമ്മിറ്റി അനുമതി: മത്ര സൂഖ്​ ഇന്നുമുതൽ പ്രവർത്തനമാരംഭിക്കും
cancel

മസ്​കത്ത്​: ഒമാനിൽ കൂടുതൽ വാണിജ്യ പ്രവർത്തനങ്ങൾ പുനരാരംഭിക്കാൻ തിങ്കളാഴ്​ച നടന്ന സുപ്രീം കമ്മിറ്റി യോഗം അനുമതി നൽകി. അഞ്ചാംഘട്ട പട്ടികയാണ്​ പുറത്തിറക്കിയത്​. ഇൗ വിഭാഗത്തിലെ സ്​ഥാപനങ്ങൾക്ക്​ ആരോഗ്യ സുരക്ഷ-മുൻകരുതൽ നടപടികൾ പാലിച്ച്​ ചൊവ്വാഴ്​ച മുതൽ പ്രവർത്തനമാരംഭിക്കാം.

മത്ര സൂഖിനകത്തെ കടകൾക്ക്​ പ്രവർത്തനാനുമതി നൽകിയതാണ്​ തീരുമാനത്തി​ൽ പ്രധാനം. ​കോവിഡ്​ വ്യാപനത്തെ തുടർന്നുള്ള മുൻകരുതൽ നടപടികളുടെ ഭാഗമായി കഴിഞ്ഞ മാർച്ച്​ 18 മുതൽ സൂഖ്​ അടഞ്ഞുകിടക്കുകയായിരുന്നു. നാലുഘട്ടങ്ങളിലായി വിവിധ ഭാഗങ്ങളിലെ സ്​ഥാപനങ്ങൾക്ക്​ അനുമതി നൽകിയിരുന്നെങ്കിലും കോവിഡ്​ വ്യാപന സാധ്യത മുൻനിർത്തി മത്ര സൂഖിന്​ പ്രവർത്തനാനുമതി നൽകിയിരുന്നില്ല.

പത്രങ്ങളുടെയും മാസികകളുടെയും മറ്റും പ്രസിദ്ധീകരണം പുനരാരംഭിക്കാനും അനുമതി നൽകിയിട്ടുണ്ട്​.

പ്രവർത്തനാനുമതി നൽകിയ മറ്റു​ വിഭാഗങ്ങൾ:

1. അന്താരാഷ്​ട്ര-ടൂറിസം റസ്​റ്റാറൻറുകൾ (ഷോപ്പിങ്​ മാളുകളിലെ ശാഖകളുടെ ഫുഡ്​കോർട്ടുകൾ അടഞ്ഞുകിടക്കും) 2. ഹോട്ടലുകളിലെ ജിംനേഷ്യങ്ങളും സ്വിമ്മിങ്​ പൂളുകളും (ഹോട്ടലുകളിലെ അതിഥികൾക്ക്​ മാത്രമാണ്​ ഇവ അനുമതിയുള്ളൂ) 3. ഗവർണറേറ്റുകളിലെ മത്സ്യ മാർക്കറ്റുകൾ 4. പരമ്പരാഗത മാർക്കറ്റുകൾക്കുള്ളിലെ വാണിജ്യ പ്രവർത്തനങ്ങൾ 5. മാനവ വിഭവശേഷി മന്ത്രാലയത്തി​െൻറ അനുമതിയുള്ള പ്രത്യേക പരിശീലന പരിപാടികൾ 6. ഫോൺ സിം കാർഡുകളുടെ വിൽപന 7. കാറുകളുടെ ഉൾവശം കഴുകാനുള്ള അനുമതി 8. പുകയില-അനുബന്ധ ഉൽ​പന്നങ്ങളുടെ വിൽപന 9. ക്യാമ്പിങ്​ ഉപകരണങ്ങളുടെയും സാമഗ്രികളുടെയും വിൽപന 10. ടെൻറുകളുടെ തയ്യലും വിൽപനയും നടത്തുന്ന സ്​ഥാപനങ്ങൾ. ഇതോടൊപ്പം മേഖലയിലെയും രാജ്യാന്തര തലത്തിലെയും മത്സരങ്ങൾക്ക്​ ദേശീയ ടീമുകളെ പരിശീലിപ്പിക്കുന്ന സ്​റ്റേഡിയങ്ങളും തുറക്കാൻ അനുമതി നൽകിയിട്ടുണ്ട്​. ദേശീയ ഫുട്​ബാൾ ടീം, നാഷനൽ ജൂനിയേഴ്​സ്​ ടീം, ഒമാൻ നാഷനൽ ഫുട്​സാൽ ടീം, ദോഫാർ സ്​പോർട്​സ്​ ക്ലബ്​, ജനറൽ വിഭാഗത്തിലെ ടെന്നിസ്​ മത്സര ഗ്രൗണ്ടുകൾ എന്നിവ തുറക്കാനാണ്​ സുപ്രീം കമ്മിറ്റി അനുമതി നൽകിയത്​.

Show Full Article
TAGS:supreme committee oman news gulf news 
Next Story