സു​ൽ​ത്താ​ന്‍റെ സ​ന്ദ​ർ​ശ​നം മു​സ​ന്ദ​ത്തി​ന്‍റെ​ വി​ക​സ​ന​ത്തി​ന് ഊ​ർ​ജം പ​ക​രും -​ഗ​വ​ർ​ണ​ർ

മ​സ്ക​ത്ത്​: സു​ൽ​ത്താ​ൻ ഹൈ​തം ബി​ൻ താ​രി​ഖി​ന്‍റെ സ​ന്ദ​ർ​ശ​നം മു​സ​ന്ദം ഗ​വ​ർ​ണ​റേ​റ്റി​ലെ വി​ക​സ​ന മു​ന്നേ​റ്റ​ത്തി​ന് ശ​ക്ത​മാ​യ ഊ​ർ​ജം പ​ക​രു​മെ​ന്ന് ഗ​വ​ർ​ണ​ർ സ​യ്യി​ദ് ഇ​ബ്രാ​ഹിം സ​ഈ​ദ്​ അ​ൽ ബു​സൈ​ദി പ​റ​ഞ്ഞു. സു​ൽ​ത്താ​ൻ ഒ​മാ​നി​ൽ നേ​തൃ​സ്ഥാ​നം ഏ​റ്റെ​ടു​ത്ത​തി​നു ശേ​ഷം ഇ​താ​ദ്യ​മാ​യാ​ണ് ഗ​വ​ർ​ണ​റേ​റ്റി​ലേ​ക്ക്​ രാ​ജ​കീ​യ സ​ന്ദ​ർ​ശ​നം ന​ട​ത്തു​ന്ന​ത്. സാ​മ്പ​ത്തി​ക, വി​ക​സ​ന മേ​ഖ​ല​ക​ളി​ൽ ന​ട​പ്പാ​ക്കു​ന്ന പ​ദ്ധ​തി​ക​ളെ അ​ടു​ത്ത​റി​യാ​ൻ ല​ക്ഷ്യ​മി​ട്ടു​ള്ള​താ​യി​രു​ന്നു സു​ൽ​ത്താ​ന്‍റെ സ​ന്ദ​ർ​ശ​ന​മെ​ന്നും അ​ദ്ദേ​ഹം ചൂ​ണ്ടി​ക്കാട്ടി. ഗ​വ​ർ​ണ​റേ​റ്റി​ലെ സ്പ​ഷ്യ​ൽ എ​ക്ക​ണോ​മി​യെ ഉ​ത്തേ​ജി​പ്പി​ക്കു​ന്ന​തി​നാ​യി നി​ല​വി​ൽ കൈ​വ​രി​ച്ചി​ട്ടു​ള്ള ഏ​റ്റ​വും പ്ര​ധാ​ന​പ്പെ​ട്ട നേ​ട്ട​ങ്ങ​ളെ​ക്കു​റി​ച്ച് വ്യ​ക്തി​പ​ര​മാ​യി പ​ഠി​ക്കാ​ൻ അ​ദ്ദേ​ഹ​ത്തി​ന്​ താ​ൽ​പ​ര്യ​മു​ണ്ടാ​യി​രു​ന്നു​വെ​ന്നും അ​ദ്ദേ​ഹം പ​റ​ഞ്ഞു.

രാ​ജ​കീ​യ സ​ന്ദ​ർ​ശ​ന​ത്തി​ന് ന​ന്ദി, സ​മൂ​ഹ​ത്തി​ന് നേ​രി​ട്ട് പ്ര​യോ​ജ​ന​പ്പെ​ടു​ന്ന സാ​മ്പ​ത്തി​ക വ​ള​ർ​ച്ച​ക്ക്​ ഊ​ന്ന​ൽ ന​ൽ​കു​ന്ന​തി​ലൂ​ടെ മു​സ​ന്ദം ഗ​വ​ർ​ണ​റേ​റ്റ് കൂ​ടു​ത​ൽ ശ്ര​ദ്ധ ആ​ക​ർ​ഷി​ക്കു​മെ​ന്നും സ​യ്യി​ദ് ഇ​ബ്രാ​ഹിം പ​റ​ഞ്ഞു.

ദി​ബ്ബ-​ലി​മ-​ഖ​സ​ബ് റോ​ഡ്, താ​മ​സ​സ്ഥ​ല​ങ്ങ​ളു​ടെ​യും ന​ഗ​ര കേ​ന്ദ്ര​ങ്ങ​ളു​ടെ​യും വി​ക​സ​നം എ​ന്നി​വ നി​ല​വി​ൽ ന​ട​ക്കു​ന്ന പ്ര​ധാ​ന പ​ദ്ധ​തി​ക​ളി​ൽ ഉ​ൾ​പ്പെടു​ന്ന​താ​ണെ​ന്നും അ​ദ്ദേ​ഹം വി​ശ​ദീ​ക​രി​ച്ചു.

വി​ക​സ​ന​പ്ര​വ​ർ​ത്ത​ന​ങ്ങ​ൾ നേ​രി​ട്ട​റി​യാ​നാ​യി സു​ൽ​ത്താ​ൻ ഹൈ​തം ബി​ൻ താ​രി​ഖ്​ ഞാ​യ​റാ​ഴ്ച​യാ​യി​രു​ന്നു മു​സ​ന്ദം സ​ന്ദ​ർ​ശി​ച്ച​ത്. ഗ​വ​ർ​ണ​റേ​റ്റി​ലെ വി​ക​സ​ന​പ്ര​വ​ർ​ത്ത​ന​ങ്ങ​ൾ നേ​രി​ട്ട​റി​യാ​നാ​യി ശൈ​ഖു​മാ​ർ, വ്യ​വ​സാ​യ പ്ര​മു​ഖ​ർ, പൗ​ര​ന്മാ​ർ തു​ട​ങ്ങി​യ​വ​രു​മാ​യി കൂ​ടി​ക്കാ​ഴ്ച ന​ട​ത്തു​ക​യും ചെ​യ്തി​രു​ന്നു.