സു​ൽ​ത്താ​ൻ​സ് ക്യാ​മ​ൽ ക​പ്പി​ൽ കിരീ​ടം ചൂ​ടി മ​ഖ​യി​ൽ

മ​സ്ക​ത്ത്: സു​ൽ​ത്താ​ൻ​സ് ക്യാ​മ​ൽ ക​പ്പ് 2025 ഒ​ട്ട​ക​യോ​ട്ട മ​ത്സ​ര​ത്തി​ൽ റോ​യ​ൽ ക്യാ​മ​ൽ കോ​ർ​പ്സ് മ​ഖ​യി​ൽ ക​ിരീ​ടം ചൂ​ടി. സ​മാ​പ​ന ച​ട​ങ്ങി​ൽ സു​ൽ​ത്താ​ൻ ഹൈ​തം ബി​ൻ താ​രി​ഖി​നെ പ്ര​തി​നി​ധാനം ചെയ്ത് പ്ര​തി​രോ​ധ കാ​ര്യ ഉ​പ​പ്ര​ധാ​ന​മ​ന്ത്രി സ​യ്യി​ദ് ശിഹാ​ബ് ബി​ൻ താ​രി​ഖ് അ​ൽ സ​ഈ​ദ് അ​ധ്യ​ക്ഷ​ത​വ​ഹി​ച്ചു. ബ​ർ​ക്ക വി​ലാ​യ​ത്തി​ലെ അ​ൽ ഫു​ലീ​ജി​ലെ റോ​യ​ൽ ക്യാ​മ​ൽ കോ​ർ​പ്‌​സ് റേ​സ്‌​കോ​ഴ്‌​സി​ലാ​ണ് മ​ത്സ​രം ന​ട​ന്ന​ത്.

റോ​യ​ൽ ക്യാ​മ​ൽ കോ​ർ​പ്സി​നെ പ്ര​തി​നി​ധാനം ചെയ്ത് റോ​യ​ൽ കോ​ർ​ട്ട് അ​ഫ​യേ​ഴ്സാ​ണ് ഫെ​സ്റ്റി​വ​ൽ സം​ഘ​ടി​പ്പി​ച്ച​ത്. റോ​യ​ൽ ക്യാ​മ​ൽ കോ​ർ​പ്സി​ന്റെ ‘മ​ഖ​യി​ൽ’ തു​ട​ർ​ച്ച​യാ​യ ര​ണ്ടാം വ​ർ​ഷ​മാ​ണ് സു​ൽ​ത്താ​ൻ ക്യാ​മ​ൽ ക​പ്പി​ന്റെ കി​രീ​ടം ചൂ​ടു​ന്ന​ത്. ര​ണ്ടാം സ്ഥാ​നം റോ​യ​ൽ ക്യാ​മ​ൽ കോ​ർ​പ്സ് ‘റ​ഹി​യ’, അ​ൽ ബ​ഷ​യ​ർ ക്യാ​മ​ൽ​സ​ന്റെ ‘അ​ൽ റീ​ഫ്’ മൂ​ന്നാം സ്ഥാ​ന​വും നേ​ടി. ഒ​മാ​നി ഹെ​റി​റ്റേ​ജ് ബാ​ൻ​ഡു​ക​ളു​ടെ പ​രി​പാ​ടി​യും ച​ട​ങ്ങി​ന് മാ​റ്റു​കൂ​ട്ടി. സ​മാ​പ​ന ച​ട​ങ്ങി​ൽ സ​യ്യി​ദ് ശി​ഹാ​ബ് ഉ​ന്ന​ത വി​ജ​യി​ക​ൾ​ക്കു​ള്ള ട്രോ​ഫി​ക​ൾ കൈ​മാ​റി. രാ​ജ​കു​ടും​ബാം​ഗ​ങ്ങ​ളും മ​ന്ത്രി​മാ​രും മു​തി​ർ​ന്ന ഉ​ദ്യോ​ഗ​സ്ഥ​രും പ​ങ്കെ​ടു​ത്തു.