സു​ൽ​ത്താ​ന്‍റെ സ്ഥാ​നാ​രോ​ഹ​ണ ദി​നാ​ച​ര​ണം;​ സു​ഹാ​റി​ൽ ആ​ഘോ​ഷം ക​ള​റാ​യി

സു​ഹാ​ർ: സു​ൽ​ത്താ​ൻ ഹൈ​തം ബി​ൻ താ​രി​ഖി​ന്റെ സ്ഥാ​നാ​രോ​ഹ​ണ ദി​നാ​ച​ര​ണ​ത്തി​ന്റെ ഭാ​ഗ​മാ​യി സു​ഹാ​റി​ൽ ന​ട​ന്ന വി​വി​ധ പ​രി​പാ​ടി​ക​ൾ നാ​ടി​ന്റെ ആ​ഘോ​ഷ​മാ​യി മാ​റി. വെ​ടി​ക്കെ​ട്ടും ലേ​സ​ർ ഷോ​യും റാ​ലി​യും കൊ​ണ്ടു സു​ഹാ​ർ പ​ട്ട​ണം അ​ക്ഷ​രാ​ർ​ഥ​ത്തി​ൽ ആ​വേ​ശ ക​ട​ലാ​യി. സു​ഹാ​ർ കോ​ട്ട​യി​ൽ വി​വി​ധ പ​രി​പാ​ടി​ക​ൾ ന​ട​ന്നു. രാ​ത്രി കോ​ട്ട​യി​ൽ ന​ട​ന്ന വെ​ടി​ക്കെ​ട്ട് കാ​ണാ​ൻ കു​ട്ടി​ക​ളും സ്ത്രീ​ക​ളു​മ​ട​ക്കം നി​ര​വ​ധി​പേ​രാ​ണ്​ ത​ടി​ച്ചു കൂ​ടി​യ​ത്.

സ​നാ​യ​പാ​ർ​ക്കി​ലും സ​ല്ലാ​ൻ കോ​ർ​ണീ​ഷ് ഭാ​ഗ​ത്തും ജ​നസാ​ഗ​രം ഇ​ര​മ്പി​യെ​ത്തി. രാ​ത്രി ചി​ല ഭാ​ഗ​ങ്ങ​ളി​ൽ ന​ട​ന്ന വെ​ടി​ക്കെ​ട്ട് ആ​വേ​ശ​ത്തി​ന്റെഅ​ല​യൊ​ലി തീ​ർ​ത്തു.

ശ​രി​ക്കും വ്യാ​ഴാ​ഴ്ച​രാ​വ് ഉ​റ​ക്ക​മി​ല്ലാ​ത്ത കാ​ഴ്ച​യാ​യി വ​ട​ക്ക​ൻ ബാ​ത്തി​ന മാ​റു​ക​യാ​യി​രു​ന്നു. വാ​ഹ​ന​ങ്ങ​ൾ​ക്കും കാ​ൽ​ന​ട​യാ​ത്ര​ക്കാ​ർ​ക്കും ചെ​ന്നെ​ത്താ​ൻ ക​ഴി​യാ​ത്ത തി​ര​ക്കാ​യി​രു​ന്നു പ​ല​യി​ട​ങ്ങ​ളി​ലും. പ്ര​വാ​സി​ക​ളും സു​ൽ​ത്താ​ന്റെ നാ​ലാം സ്ഥാ​നാ​രോ​ഹ​ണ ദി​നം ആ​ഘോ​ഷ​മാ​ക്കി. നി​ര​വ​ധി പ്ര​വാ​സി കു​ടും​ബ​ങ്ങ​ളും കു​ട്ടി​ക​ളും ആ​ഘോ​ഷ കാ​ഴ്ച​യു​ടെ ഭാ​ഗ​മാ​യി വൈ​കു​വോ​ളം തെ​രു​വി​ൽ ഉ​ണ്ടാ​യി​രു​ന്നു. സു​ൽ​ത്താ​ന്റെ ചി​ത്ര​വും ദേ​ശീ​യ പ​താ​ക​യു​മാ​യി ആ​ളു​ക​ൾ കൂ​ട്ട​മാ​യി എ​ത്തി​ക്കൊ​ണ്ടി​രു​ന്നു. മു​തി​ർ​ന്ന നേ​താ​ക്ക​ളും ഉ​യ​ർ​ന്ന ഉ​ദ്യോ​ഗ​സ്ഥ​രും വി​വി​ധ വി​ലാ​യ​ത്തി​ലെ പ്ര​മു​ഖ​രും ച​ട​ങ്ങു​ക​ളി​ൽ സം​ബ​ന്ധി​ച്ചു.