അർബാനയുമായി നാലുപതിറ്റാണ്ട്​ കരീംക്ക

മ​ത്ര: നോ​മ്പ് കാ​ല​ത്തും ലോ​ഡി​ങ്, അ​ണ്‍ലോ​ഡി​ങ് പോ​ലു​ള്ള ക​ഠി​ന ജോ​ലി​ക​ളി​ല്‍ വ്യാ​പൃ​ത​നാ​യി ക​ഴി​യു​ന്ന​വ​രു​ണ്ട്. അ​ത്ത​ര​ത്തി​ലു​ള്ള ഒ​രാ​ളാ​ണ് ക​ണ്ണൂ​ർ സി​റ്റി സ്വ​ദേ​ശി​ക്കാ​ര​നാ​യ അ​ര്‍ബാ​ന ക​രീം​ക്ക.

റ​മ​ദാ​ന്‍ കാ​ല​ത്തും ഇ​ദ്ദേ​ഹം വി​ശ്ര​മ​മി​ല്ലാ​ത്ത ജോ​ലി​യി​ലാ​ണ്. പ്രാ​യം വാ​ര്‍ധ​ക്യ​ത്തി​ലെ​ത്തി​യി​ട്ടും ക​ണി​ശ​മാ​യ ജീ​വി​ത​രീ​തി പു​ല​ര്‍ത്തി​പ്പോ​രു​ന്ന​തി​നാ​ല്‍ എ​ല്ലാ​വി​ധ പ്ര​തി​ബ​ന്ധ​ങ്ങ​ളെ​യും ത​ര​ണം ചെ​യ്യാ​നു​ള്ള മ​ന​ക്ക​രു​ത്ത് നേ​ടി​യെ​ടു​ത്തി​ട്ടു​ണ്ടെ​ന്ന് ക​രീം​ക്ക പ​റ​യു​ന്നു. വീ​ട്ടി​ലെ പ്രാ​ര​ബ്ധം കാ​ര​ണം 1975ല്‍ ​പ്ര​വാ​സി​യാ​യ​താ​ണ്. ആ ​പ്ര​വാ​സ​മി​ന്ന് 48 വ​ര്‍ഷം പി​ന്നി​ട്ടി​രി​ക്കു​ന്നു. നാ​ല​ര ദ​ശാ​ബ്ദ​ക്കാ​ല​ത്തി​ലേ​റെ​യാ​യി മ​ത്ര​യി​ലെ ബ​ല​ദി​യ പാ​ര്‍ക്കി​ങ് ചു​റ്റി​പ്പ​റ്റി ക​യ​റ്റി​റ​ക്ക് തൊ​ഴി​ലി​ലേ​ര്‍പ്പെ​ട്ടാ​ണ് ക​രീം​ക്ക​യു​ടെ തൊ​ഴി​ലും ജീ​വി​ത​വും.

ഋ​തു​ഭേ​ദ​ങ്ങ​ള്‍ അ​നു​സ​രി​ച്ച് റ​മ​ദാ​ന്‍റെ കാ​ല​ച​ക്രം ക​റ​ങ്ങി​ത്തി​രി​ഞ്ഞ് വ​രു​മ്പോ​ഴു​ണ്ടാ​കു​ന്ന കാ​ലാ​വ​സ്ഥ മാ​റ്റ​ങ്ങ​ള്‍ ഒ​ന്നും വ​ക​വെ​ക്കാ​തെ നോ​മ്പ് പി​ടി​ച്ചു​കൊ​ണ്ടു​ത​ന്നെ ത​ന്‍റെ ഭാ​ര​മേ​റി​യ ജോ​ലി​യി​ല്‍ ഇ​ദ്ദേ​ഹം വ്യാ​പൃ​ത​നാ​ണ്. ചൂ​ട് അ​മ്പ​ത് ഡി​ഗ്രി​ക്ക്‌ മു​ക​ളി​ല്‍ ക​യ​റി അ​ന്ത​രീ​ക്ഷ​വും റോ​ഡും ചു​ട്ടു​പ​ഴു​ക്കു​മ്പോ​ഴും ഒ​രു നോ​മ്പ് പോ​ലും വി​ട്ടു​ക​ള​യാ​റി​ല്ല. സാ​ധ​ന​ങ്ങ​ള്‍ നി​റ​ച്ച അ​ര്‍ബാ​ന ത​ള്ളി വ​ലി​ച്ച് ക​ട​ക​ളി​ല്‍നി​ന്നും ക​ട​ക​ളി​ലേ​ക്ക് വി​ത​ര​ണാ​വ​ശ്യാ​ർ​ഥം നീ​ങ്ങു​ന്ന ക​രീം​ക്ക മ​ത്ര​ക്കാ​രു​ടെ സ്ഥി​രം കാ​ഴ്ച​ക​ളി​ലൊ​ന്നാ​ണ്.

ക​ച്ച​വ​ട​ക്കാ​ര്‍ ഹോ​ള്‍സെ​യി​ല്‍ മാ​ര്‍ക്ക​റ്റി​ലെ​ത്തി സാ​ധ​ന​ങ്ങ​ള്‍ക്ക് ഓ​ര്‍ഡ​ര്‍‌ ന​ല്‍കി​ക്ക​ഴി​ഞ്ഞ​ശേ​ഷം ഇ​ദ്ദേ​ഹ​ത്തെ ഏ​ല്‍പി​ച്ചാ​ല്‍ പി​ന്നെ ഒ​ന്നും ചി​ന്തി​ക്കേ​ണ്ട​തി​ല്ല. സാ​ധ​ന​ങ്ങ​ള്‍ ത​ങ്ങ​ളു​ടെ ഷോ​പ് പ​ടി​ക്ക​ല്‍ സു​ര​ക്ഷി​ത​മാ​യി എ​ത്തി​യി​രി​ക്കും. ക​ഴി​ഞ്ഞ നാ​ല​ര ദ​ശാ​ബ്ദ​മാ​യി ക​രീം​ക്ക ഈ ​ഫീ​ല്‍ഡി​ലു​ണ്ട്. പ്രാ​യം ഏ​റെ ചെ​ന്നെ​ങ്കി​ലും അ​ധ്വാ​ന​ത്തി​ന്‍റെ വി​ല അ​റി​ഞ്ഞ് ജീ​വി​ക്കു​ന്ന ഇ​ദ്ദേ​ഹം മ​ത്ര​ക്കാ​ര്‍ക്കി​ട​യി​ല്‍ പ്രി​യ​പ്പെ​ട്ട അ​ര്‍ബാ​ന ക​രീം​ക്ക എ​ന്ന നി​ല​യി​ൽ ഏ​റെ സു​പ​രി​ചി​ത​നാ​ണ്.