ക​ണ​വ മ​ത്സ്യ​ബ​ന്ധ​ന സീ​സ​ൺ ഒ​ന്നി​ന്​ തു​ട​ങ്ങും

മ​സ്ക​ത്ത്: ക​ണ​വ മ​ത്സ്യ​ബ​ന്ധ​ന സീ​സ​ൺ ആ​ഗ​സ്റ്റ്​ ഒ​ന്നി​ന്​ ആ​രം​ഭി​ക്കു​മെ​ന്ന് കൃ​ഷി, മ​ത്സ്യ​ബ​ന്ധ​ന, ജ​ല​വി​ഭ​വ മ​ന്ത്രാ​ല​യം അ​റി​യി​ച്ചു. അ​ടു​ത്ത​വ​​ർ​ഷം ജ​നു​വ​രി 31 വ​രെ​യാ​യി​രി​ക്കും സീ​സ​ൺ. മ​ത്സ്യ​ത്തൊ​ഴി​ലാ​ളി​ക​ൾ പ്ര​തീ​ക്ഷ​യോ​ടെ കാ​ത്തി​രി​ക്കു​ന്ന സീ​സ​ണി​ന്‍റെ വി​ജ​യ​മു​റ​പ്പാ​ക്കാ​ൻ തീ​ര​ദേ​ശ ഗ​വ​ർ​ണ​റേ​റ്റു​ക​ളി​ൽ ഒ​രു​ക്ക​ങ്ങ​ൾ പൂ​ർ​ത്തി​യാ​ക്കി.

മ​​ന്ത്രാ​ല​യ​ത്തെ പ്ര​തി​നി​ധാ​നം​ചെ​യ്യു​ന്ന ഡ​യ​റ​ക്ട​റേ​റ്റു​ക​ളു​ടെ നേ​തൃ​ത്വ​ത്തി​ലാ​ണ്​ ഒ​രു​ക്കം. സീ​സ​ണി​ന്‍റെ ഭാ​ഗ​മാ​യി മ​ത്സ്യ​ത്തൊ​ഴി​ലാ​ളി​ക​ൾ​ക്കാ​യി, നി​ര​വ​ധി വി​ദ്യാ​ഭ്യാ​സ, ബോ​ധ​വ​ത്ക​ര​ണ പ​രി​പാ​ടി​ക​ളും ആ​സൂ​ത്ര​ണം ചെ​യ്തു. ഫി​ഷ​റീ​സ് ക​ൺ​ട്രോ​ൾ ടീ​മു​ക​ൾ തീ​ര​ദേ​ശ ഗ​വ​ർ​ണ​റേ​റ്റു​ക​ളി​ൽ പ്ര​വ​ർ​ത്ത​നം ഊ​ർ​ജി​ത​മാ​ക്കി.

ഒ​മാ​ൻ ക​ട​ലി​ലെ ക​ണ​വ​യു​ടെ സ​മൃ​ദ്ധി​യെ​ക്കു​റി​ച്ച്​ മ​ന​സ്സി​ലാ​ക്കാ​നാ​യി മ​റൈ​ൻ സ​യ​ൻ​സ് ആ​ൻ​ഡ് ഫി​ഷ​റീ​സ് സെ​ന്റ​റും മ​ന്ത്രാ​ല​യ​ത്തി​ന്റെ ഡ​യ​റ​ക്ട​റേ​റ്റ് ജ​ന​റ​ൽ ഓ​ഫ് ഫി​ഷ​റീ​സ് റി​സ​ർ​ച്ചി​ലെ അ​ക്വാ​ക​ൾ​ച​ർ സെ​ന്റ​റും നി​ര​വ​ധി പ​ഠ​ന​ങ്ങ​ളും ശാ​സ്ത്രീ​യ ഗ​വേ​ഷ​ണ​ങ്ങ​ളും ന​ട​ത്തി​യി​രു​ന്നു. വ്യ​ത്യ​സ്ത പ​രി​ത​സ്ഥി​തി​ക​ളി​ൽ വ​ള​രു​ന്ന ക​ണ​വ പ്രാ​ദേ​ശി​ക​മാ​യി 'അ​ൽ ഗാ​ട്രോ'​എ​ന്നാ​ണ്​ അ​റി​യ​പ്പെ​ടു​ന്ന​ത്. ചി​ല ഇ​നം ക​ണ​വ​ക​ൾ പ​വി​ഴ​പ്പു​റ്റു​ക​ൾ, ക​ട​ൽ​പ്പു​ല്ലു​ക​ൾ, മ​ണ​ൽ, ച​ളി, പാ​റ​ക​ൾ എ​ന്നി​വ​യു​ള്ള ചു​റ്റു​പാ​ടു​ക​ളി​ലാ​ണ്​ വ​സി​ക്കു​ന്ന​ത്. ക​ണ​വ സു​പ്ര​ധാ​ന പ്രോ​ട്ടീ​ൻ സ്രോ​ത​സ്സാ​ണ്.

ശ​ത്രു​ക്ക​ൾ അ​ടു​ത്തെ​ത്തു​മ്പോ​ൾ ശ​രീ​ര​ത്തി​ൽ​നി​ന്ന് ഉ​ൽ​പാ​ദി​ക്കു​ന്ന ക​റു​ത്ത​മ​ഷി ക​ല​ക്കി ശ​ത്രു​വി​നെ ആ​ശ​യ​ക്കു​ഴ​പ്പ​ത്തി​ലാ​ക്കാ​നു​ള്ള ക​ഴി​വ്​ ഇ​വ​ക്കു​ണ്ട്.