നെസ്റ്റോ പ്രീമിയർ ലീഗ് കിരീടം സോക്കർ എഫ്‌.സി സോഹാറിന്

മസ്കറ്റ്: നെസ്റ്റോ പ്രീമിയർ ലീഗ് (എൻ.പി.എൽ) 2022 പ്രൈം സീസൺ ഫുട്ബാൾ കിരീടം സോക്കർ എഫ്‌.സി സോഹാർ നേടി. ആവേശകരമായ ഫൈനൽ മത്സരത്തിൽ ഒരു ഗോളിനാണ് സോക്കർ എഫ്‌.സി സോഹർ ആസ്ടെക്‌സ് എഫ്‌.സി വാദിയെ പരാജയപ്പെടുത്തിയത്.

ഗ്രൂപ്പ് മത്സരങ്ങളിൽ ഏറ്റുമുട്ടിയ പത്ത് ടീമുകളിൽ കൂടുതൽ പോയിന്‍റ് നേടിയ ആദ്യ നാല് ടീമുകൾ സെമിഫൈനലിൽ പ്രവേശിച്ചു. സെമി മത്സരത്തിൽ മികച്ച പ്രകടനം കാഴ്ചവെച്ചാണ് ആസ്ടെക്‌സ് എഫ്‌.സി വാദിയും സോക്കർ എഫ്‌.സി സോഹറും ഫൈനലിലെത്തിയത്.

ഗാലയിലെ അൽ അമൽ ക്ലബ് സ്റ്റേഡിയത്തിൽ മാർച്ച് ആറിന് നടന്ന എൻ.പി.എൽ പ്രൈം സീസൺ മത്സരം സംഘടിപ്പിച്ചത് നെസ്റ്റോ മാനേജ്‌മെന്‍റ് ആണ്. നെസ്റ്റോ മാനേജ്‌മെന്‍റ്, ജോയ് ആലുക്കാസ് മണിഎക്സ്ചേഞ്ച്, ബദർസമാ ഹോസ്പിറ്റൽ, മസൂൻ ഡയറീസ് എന്നിവയുടെ പ്രതിനിധികളുടെ സാന്നിധ്യത്തിൽ വിജയികൾക്കുള്ള സമ്മാനം വിതരണം ചെയ്തു.