അ​ച്ച​ട​ക്ക ലം​ഘ​നം: സി​ദ്ദീ​ഖ്​ ഹ​സ​നെ കോ​ൺ​ഗ്ര​സ് സ​സ്​​പെ​ൻ​ഡ്​ ചെ​യ്തു

മ​സ്ക​ത്ത്​: അ​ച്ച​ട​ക്ക ലം​ഘ​ന​ത്തി​ന്​ ഒ.​ഐ.​സി.​സി ഒ​മാ​ൻ മു​ൻ നാ​ഷ​ന​ൽ ക​മ്മി​റ്റി പ്ര​സി​ഡ​ന്‍റ്​ സി​ദ്ദീ​ഖ്​ ഹ​സ​നെ കോ​ൺ​ഗ്ര​സി​ന്‍റെ പ്രാ​ഥ​മി​ക അം​ഗ​ത്വ​ത്തി​ൽ​നി​ന്ന്​ കെ.​പി.​സി.​സി സ​സ്‍പെ​ൻ​ഡ് ചെ​യ്തു. ഇ​തു​സം​ബ​ന്ധി​ച്ച്​ കെ.​പി.​സി.​സി ജ​ന​റ​ൽ സെ​ക്ര​ട്ട​റി ടി.​യു. രാ​ധാ​കൃ​ഷ്ണ​ന്‍റെ ക​ത്ത്​ ല​ഭി​ച്ചി​ട്ടു​ണ്ടെ​ന്ന്​ ഒ.​ഐ.​സി.​സി ഒ​മാ​ൻ നാ​ഷ​ന​ൽ അ​ഡ്​​ഹോ​ക്ക്​ ക​മ്മി​റ്റി കോ​ഓ​ഡി​​​നേ​റ്റ​ർ സ​ജി ഔ​സേ​പ്​ അ​റി​യി​ച്ചു. ​

ഒ.​ഐ.​സി.​സി ഒ​മാ​ൻ നാ​ഷ​ന​ൽ ക​മ്മി​റ്റി പി​രി​ച്ചു​വി​ട്ട കെ.​പി.​സി.​സി തീ​രു​മാ​ന​ത്തി​നെ​തി​രെ സി​ദ്ദീ​ഖ്​​ഹ​സ​ന്‍റെ നേ​തൃ​ത്വ​ത്തി​ൽ ഒ​രു വി​ഭാ​ഗം വാ​ർ​ത്ത​സ​മ്മേ​ള​നം ന​ട​ത്തി​യി​രു​ന്നു. തു​ട​ർ​ന്നും ഒ.​ഐ.​സി.​സി എ​ന്ന​പേ​രി​ൽ പ്ര​വ​ർ​ത്തി​ക്കു​മെ​ന്നും അ​റി​യി​ച്ചി​രു​ന്നു. ഇ​താ​ണ്​ ന​ട​പ​ടി​ക്ക്​ കാ​ര​ണ​മാ​യ​ത്. ഇ​ക്കാ​ര്യ​ത്തി​ൽ എ​ന്തെ​ങ്കി​ലും വി​ശ​ദീ​ക​ര​ണം ന​ൽ​കാ​നു​​ണ്ടെ​ങ്കി​ൽ ഏ​ഴു​ദി​വ​സ​ത്തി​ന​കം ന​ൽ​ക​ണ​മെ​ന്ന്​ സി​ദ്ദീ​ഖി​ന്​ ന​ൽ​കി​യ ക​ത്തി​ൽ പ​റ​യു​ന്നു.

അ​തേ​സ​മ​യം, വി​ഷ​യ​ത്തി​ൽ സീ​ദ്ദീ​ഖ്​​ഹ​സ്സ​ന്‍റെ പ്ര​തി​ക​ര​ണം ല​ഭ്യ​മാ​യി​ട്ടി​ല്ല. എ​ന്നാ​ൽ, കോ​ൺ​ഗ്ര​സി​ന്‍റെ പ​താ​ക​യും സ​സ്​​പെ​ൻ​ഷ​ൻ ക​ത്തും പോ​സ്​​റ്റ്​ ചെ​യ്ത്​ 'ആ​വേ​ശ​മാ​ണ്​ കോ​ൺ​ഗ്ര​സ്, അ​ഭി​മാ​ന​മാ​ണ്​ കോ​ൺ​ഗ്ര​സ്​'​എ​ന്ന്​ അ​ദ്ദേ​ഹം ഫേ​സ്​​ബു​ക്കി​ൽ കു​റി​ച്ചു.

വി​ദേ​ശ​രാ​ജ്യ​ങ്ങ​ളി​ൽ കോ​ൺ​ഗ്ര​സി​ന്‍റെ ​അം​ഗീ​കാ​ര​ത്തോ​ടെ പ്ര​വ​ർ​ത്തി​ക്കു​ന്ന​ത്​ ഒ.​ഐ.​സി.​സി​യും ഇ​ൻ​കാ​സും ​ഐ.​ഒ.​സി​യു​മാ​യി​രി​ക്കു​മെ​ന്ന്​ ടി.​യു. രാ​ധാ​കൃ​ഷ്ണ​ൻ അ​റി​യി​ച്ചു. മ​റ്റു പേ​രു​ക​ളി​ലു​ള്ള സം​ഘ​ട​ന​ക​ളി​ൽ പ്ര​വ​ർ​ത്തി​ക്കു​ന്ന​ത്​ സം​ഘ​ട​നാ വി​രു​ദ്ധ പ്ര​വ​ർ​ത്ത​ന​മാ​യി ക​ണ​ക്കാ​ക്കു​മെ​ന്നും അ​ദ്ദേ​ഹം അ​റി​യി​ച്ചു.