സി​ക്ക് ലീ​വ്​; ഔ​ദ്യോ​ഗി​ക അ​തോ​റി​റ്റി​യു​ടെ അം​ഗീ​കാ​രം നേ​ട​ണം

മ​സ്ക​ത്ത്: സി​ക്ക് ലീ​വി​നു​ള്ള രേ​ഖ​ക​ൾ സ്വ​കാ​ര്യ ആ​ശു​പ​ത്രി​യി​ൽ​നി​ന്നു​ള്ള​താ​ണെ​ങ്കി​ൽ ബ​ന്ധ​പ്പെ​ട്ട അ​ധി​കാ​രി​ക​ളി​ൽ നി​ന്നു​ള്ള പ്രാ​മാ​ണീ​ക​ര​ണ​വും ആ​രോ​ഗ്യ മ​ന്ത്രാ​ല​യ​ത്തി​ന്റെ അം​ഗീ​കാ​ര​വും ആ​വ​ശ്യ​മാ​ണെ​ന്ന് തൊ​ഴി​ൽ മ​ന്ത്രാ​ല​യം അ​ധി​കൃ​ത​ർ. ക​ഴി​ഞ്ഞ ദി​വ​സം പ്ര​ഖ്യാ​പി​ച്ച പു​തി​യ നി​യ​മ​ത്തി​ന്റെ വി​ശ​ദാം​ശ​ങ്ങ​ൾ ച​ർ​ച്ച ചെ​യ്യാ​ൻ തൊ​ഴി​ൽ മ​ന്ത്രാ​ല​യ​ത്തി​ലെ ഹ്യൂ​മ​ൻ റി​സോ​ഴ്‌​സ​സ് ഡെ​വ​ല​പ്‌​മെ​ന്റ് അ​ണ്ട​ർ സെ​ക്ര​ട്ട​റി സ​യ്യി​ദ് സ​ലിം മു​സ​ല്ലം അ​ൽ ബു​സൈ​ദി​യു​ടെ സാ​ന്നി​ധ്യ​ത്തി​ൽ ന​ട​ന്ന വാ​ർ​ത്ത സ​മ്മേ​ള​ന​ത്തി​ലാ​ണ്​ ഇ​ക്കാ​ര്യം വ്യ​ക്ത​മാ​ക്കി​യ​ത്. മി​നി​മം വേ​ത​ന പ്ര​ശ്‌​ന​ത്തി​ന് കൂ​ടു​ത​ൽ കൂ​ടി​യാ​ലോ​ച​ന​ക​ൾ ആ​വ​ശ്യ​മാ​ണെ​ന്നും അ​ധി​കൃ​ത​ർ വ്യ​ക്ത​മാ​ക്കി.

ജ​ന​റ​ൽ ഫെ​ഡ​റ​ൽ ഓ​ഫ് ഒ​മാ​ൻ വ​ർ​ക്കേ​ഴ്‌​സ് വ​ഴി​യു​ള്ള തൊ​ഴി​ലാ​ളി​ക​ൾ, ഒ​മാ​ൻ ചേം​ബ​ർ ഓ​ഫ് കോ​മേ​ഴ്‌​സ് ആ​ൻ​ഡ് ഇ​ൻ​ഡ​സ്ട്രി തു​ട​ങ്ങി​യ​വ​രു​മാ​യി കൂ​ടി​യാ​ലോ​ചി​ച്ചും സാ​മ്പ​ത്തി​ക സാ​ഹ​ച​ര്യ​ങ്ങ​ളും ക​ണ​ക്കി​ലെ​ടു​ത്ത്​ മ​ന്ത്രി​മാ​രു​ടെ കൗ​ൺ​സി​ൽ തീ​രു​മാ​ന​മെ​ടു​ക്കും. നേ​തൃ​സ്ഥാ​ന​ങ്ങ​ൾ ഏ​റ്റെ​ടു​ക്കാ​ൻ ഒ​മാ​നി​ക​ളെ പ്രാ​പ്ത​രാ​ക്കു​ന്ന​ത് ഉ​ൾ​പ്പെ​ടെ നി​ര​വ​ധി ല​ക്ഷ്യ​ങ്ങ​ൾ കൈ​വ​രി​ക്കാ​ൻ സ​ഹാ​യി​ക്കു​ന്ന​താ​ണ്​ നി​യ​മം. സാ​മ്പ​ത്തി​ക മാ​റ്റ​ങ്ങ​ളു​മാ​യി പൊ​രു​ത്ത​പ്പെ​ടു​ന്ന​തും നി​ക്ഷേ​പ​ക​ർ​ക്ക് ആ​ക​ർ​ഷ​ക​വു​മാ​ണ്. മ​റ്റ് ഗ​ൾ​ഫ് രാ​ജ്യ​ങ്ങ​ളെ അ​പേ​ക്ഷി​ച്ച് അ​വ​ധി ദി​വ​സ​ങ്ങ​ളു​ടെ എ​ണ്ണം നി​യ​മം വ​ർ​ധി​പ്പി​ച്ചി​ട്ടു​ണ്ട്.

തൊ​ഴി​ൽ അ​ന്ത​രീ​ക്ഷം ആ​ക​ർ​ഷ​ക​മാ​ക്കു​ന്ന ന​ട​പ​ടി​ക്ര​മ​ങ്ങ​ൾ ന​ട​പ്പാ​ക്കാ​ൻ തൊ​ഴി​ലു​ട​മ ബാ​ധ്യ​സ്ഥ​നാ​ണ്. തൊ​ഴി​ലാ​ളി​ക​ളെ താ​ൽ​ക്കാ​ലി​ക അ​ടി​സ്ഥാ​ന​ത്തി​ൽ വി​വി​ധ സ്ഥാ​പ​ന​ങ്ങ​ളി​ലേ​ക്ക് മാ​റ്റാ​ൻ നി​യ​മം ഉ​ട​മ​ക്ക് അ​നു​വാ​ദം ന​ൽ​കു​ന്നു​ണ്ട്. എ​ന്നാ​ൽ, ഇ​തി​നാ​യി മ​ന്ത്രാ​ല​യ​ത്തി​ന്റെ അം​ഗീ​കാ​ര​ങ്ങ​ൾ നേ​ട​ണം. വി​ദേ​ശ തൊ​ഴി​ലാ​ളി​ക​ളെ റി​ക്രൂ​ട്ട് ചെ​യ്യു​ന്ന​തി​നു​ള്ള ചെ​ല​വ് ലാ​ഭി​ക്കാ​ൻ സ​ഹാ​യി​ക്കു​ന്ന​താ​ണ്​ ഈ ​ന​ട​പ​ടി. തൊ​ഴി​ൽ രം​ഗ​ത്ത്​ മി​ക​വ്​ പു​ല​ർ​ത്താ​ത്ത തൊ​ഴി​ലാ​ളി​ക​ളെ പി​രി​ച്ചു​വി​ടാ​നു​ള്ള അ​വ​കാ​ശ​വും പു​തി​യ നി​യ​മം ന​ൽ​കു​ന്നു​ണ്ട്. അ​യാ​ൾ​ക്ക് ആ​റു​മാ​സ​ത്തെ നോ​ട്ടീ​സ് പി​രീ​ഡ് ന​ൽ​കു​ക​യും അ​വ​ന്റെ ജോ​ലി നി​ക​ത്താ​ൻ മ​റ്റൊ​രു ഒ​മാ​നി​യെ നി​യ​മി​ക്കു​ക​യും ചെ​യ്ത ശേ​ഷ​മാ​യി​രി​ക്ക​ണം പി​രി​ച്ചു​വി​ട​ൽ. സ്വ​ദേ​ശി​വ​ത്​​ക​ര​ണം ന​ട​പ്പി​ലാ​ക്കു​ന്ന​തി​നാ​യി പ്ര​വാ​സി തൊ​ഴി​ലാ​ളി​ക​ളു​ടെ സേ​വ​നം അ​വ​സാ​നി​പ്പി​ക്കാ​നു​ള്ള അ​നു​വാ​ദ​വും ക​മ്പ​നി​ക​ൾ​ക്ക്​ നി​യ​മം ന​ൽ​കു​ന്നു​ണ്ട്. അ​തേ തൊ​ഴി​ലി​ൽ പ​ക​രം ഒ​മാ​നി​യെ നി​യ​മി​ക്കു​ക​യും വേ​ണം.

നിക്ഷേപ അന്തരീക്ഷം മെച്ചപ്പെടുത്തും -ഒ.സി.സി.ഐ ചെയർമാൻ

മസ്കത്ത്​: പുതിയ തൊഴിൽനിയമം രാജ്യത്ത്​ നിക്ഷേപ അന്തരീക്ഷം മെച്ചപ്പെടുത്തുമെന്ന്​ ഒമാൻ ചേംബർ ഓഫ്​ കോമേഴ്​സ്​ ആൻഡ്​ ഇൻഡസ്​ട്രി (ഒ.സി.സി.ഐ) ചെയർമാൻ ഫൈസൽ അൽ റവാസ് പറഞ്ഞു. തൊഴിലുടമയും ജീവനക്കാരും തമ്മിലുള്ള സന്തുലിതാവസ്ഥയും കൈവരിക്കും.

സുൽത്താനേറ്റിലെ നിക്ഷേപ അന്തരീക്ഷം മെച്ചപ്പെടുത്തുന്നതിനും ആഗോള വിപണികൾക്കിടയിൽ ഒമാനി തൊഴിൽ വിപണിയുടെ മത്സരക്ഷമത വർധിപ്പിക്കുന്നതിനും സഹായിക്കും.

കൂടാതെ, തൊഴിൽ വിപണിയിൽ ഓരോ കക്ഷിയുടെയും അവകാശങ്ങളും കടമകളും നിർവചിക്കുന്നതിനും തൊഴിലാളികളുടെ പ്രകടനത്തിന്റെയും ഉൽപാദനക്ഷമതയുടെയും ഗുണനിലവാരം മെച്ചപ്പെടുത്തുന്നതിനും പ്രവർത്തിക്കുന്നുണ്ടെന്നും അദ്ദേഹം കൂട്ടിച്ചേർത്തു.

പുതിയ തൊഴിൽ നിയമം വിപണിയിലെ മാറ്റങ്ങൾക്കനുസൃതം -മന്ത്രി

മസ്കത്ത്​: വിപണിയിലെ മാറ്റങ്ങൾക്കും വികാസങ്ങൾക്കും അനുസൃതമായാണ് പുതിയ തൊഴിൽ നിയമമെന്ന് തൊഴിൽ മന്ത്രി ഡോ. മഹദ് ബിൻ സഈദ് ബആവിൻ പറഞ്ഞു. ഒമാന്റെ മുന്നേറ്റത്തിനായുള്ള സുൽത്താൻ ഹൈതം ബിൻ താരിക്കിന്റെ താൽപര്യമാണ്​ ഇത്​ സ്ഥിരീകരിക്കുന്നത്​.

ജനങ്ങളുടെ അവകാശങ്ങൾ സംരക്ഷിക്കുന്നതിനും അഭിലാഷങ്ങൾ നേടിയെടുക്കുന്നതിനും ഈ നിയമം പ്രധാനമാണ്​. നിയമത്തിന്റെ മുൻ‌ഗണനകളിലൊന്ന് തൊഴിലാളിയുടെയും ഉടമയുടെയും താൽപര്യം ഒരുപോലെ കണക്കിലെടുക്കുക എന്നതാണെന്നും അദ്ദേഹം പറഞ്ഞു.