ശൂ​റാ കൗ​ൺ​സി​ൽ തെ​ര​ഞ്ഞെ​ടു​പ്പ്: പ്രാ​ഥ​മി​ക സ്ഥാ​നാ​ർ​ഥി പ​ട്ടി​ക പ്ര​സി​ദ്ധീ​ക​രി​ച്ചു

മ​സ്‌​ക​ത്ത്​: ശൂ​റാ കൗ​ൺ​സി​ൽ പ​ത്താം ടേ​മി​ലേ​ക്കു​ള്ള അം​ഗ​ത്വ​ത്തി​നു​ള്ള സ്ഥാ​നാ​ർ​ഥി​ക​ളു​ടെ പ്രാ​ഥ​മി​ക പ​ട്ടി​ക പ്ര​സി​ദ്ധീ​ക​രി​ച്ചു. തെ​ര​ഞ്ഞെ​ടു​പ്പ് വെ​ബ്‌​സൈ​റ്റ് (elections.om), ഇ​ൻ​താ​ഖി​ബ് (ഇ​ല​ക്‌​ട്) ആ​പ്ലി​ക്കേ​ഷ​ൻ എ​ന്നി​വ​യി​ലൂ​ടെ ആ​ഭ്യ​ന്ത​ര മ​ന്ത്രാ​ല​യ​മാ​ണ്​ പു​റ​ത്തു​വി​ട്ട​ത്. 33 സ്ത്രീ​ക​ൾ ഉ​ൾ​പ്പെ​ടെ 883 സ്ഥാ​നാ​ർ​ഥി​ക​ളാ​ണു​ള്ള​ത്. ഒ​മ്പ​താം ടേ​മി​ലെ സ്ഥാ​നാ​ർ​ഥി​ക​ളു​ടെ എ​ണ്ണ​വു​മാ​യി താ​ര​ത​മ്യം ചെ​യ്യു​മ്പോ​ൾ 113പേ​രു​ടെ വ​ർ​ധ​ന​വാ​ണു​ണ്ടാ​യി​രി​ക്കു​ന്ന​ത്. ഒ​മ്പ​താം ടേ​മി​ലെ ശൂ​റ തെ​ര​ഞ്ഞെ​ടു​പ്പു​മാ​യി താ​ര​ത​മ്യ​പ്പെ​ടു​ത്തു​മ്പോ​ൾ മൊ​ത്തം വ​നി​ത സ്ഥാ​നാ​ർ​ഥി​ക​ളു​ടെ എ​ണ്ണ​ത്തി​ൽ കു​റ​വാ​ണു​ണ്ടാ​യി​രി​ക്കു​ന്ന​ത്. ക​ഴി​ഞ്ഞ ടേ​മി​ൽ 43 സ്ത്രീ​ക​ളു​ണ്ടാ​യി​രു​ന്നു. തെ​ര​ഞ്ഞെ​ടു​പ്പ് വെ​ബ്‌​സൈ​റ്റ് (elections.om), ഇ​ൻ​താ​ഖി​ബ് ആ​പ്ലി​ക്കേ​ഷ​ൻ എ​ന്നി​വ​യി​ലൂ​ടെ ആ​ളു​ക​ൾ​ക്ക് സ്ഥാ​നാ​ർ​ഥി​ക​ളു​ടെ പ്രാ​ഥ​മി​ക പ​ട്ടി​ക പ​രി​ശോ​ധി​ക്കാ​വു​ന്ന​താ​ണെ​ന്ന്​ മ​ന്ത്രാ​ല​യം അ​റി​യി​ച്ചു. ഏ​റ്റ​വും കൂ​ടു​ത​ൽ സ്ഥാ​നാ​ർ​ഥി​ക​ളു​ള്ള​ത്​ ദോ​ഫാ​റി​ൽ​നി​ന്നാ​ണ്​ -255. 22പേ​രു​മാ​യി ബു​റൈ​മി​യാ​ണ്​ പി​ന്നി​ൽ

ദാ​ഖി​ലി​യ (111), മ​സ്‌​ക​ത്ത്​ (108), വ​ട​ക്ക​ൻ ബാ​ത്തി​ന (84), അ​ൽ വു​സ്ത (74), തെ​ക്ക​ൻ ശ​ർ​ഖി​യ (60), തെ​ക്ക​ൻ ബാ​ത്തി​ന (58), വ​ട​ക്ക​ൻ ശ​ർ​ഖി​യ (57), ദാ​ഹി​റ ( 32), മു​സ​ന്ദം (22) എ​ന്നി​ങ്ങ​നെ​യാ​ണ്​ മ​റ്റു ഗ​വ​ർ​ണ​റേ​റ്റു​ക​ളി​ൽ​നി​ന്നു​ള്ള ക​ണ​ക്കു​ക​ൾ.

സ്ഥാ​നാ​ർ​ഥി​ക​ളു​ടെ പ്രാ​ഥ​മി​ക പ​ട്ടി​ക​യി​ൽ ഉ​ൾ​പ്പെ​ടു​ത്തി​യി​രി​ക്കു​ന്ന പേ​രു​ക​ളി​ൽ എ​തി​ർ​പ്പു​ണ്ടെ​ങ്കി​ൽ അ​റി​യി​ക്കാ​വു​ന്ന​താ​ണെ​ന്ന് മ​ന്ത്രാ​ല​യം വ്യ​ക്ത​മാ​ക്കി. എ​തി​ർ​പ്പി​നു​ള്ള കാ​ര​ണ​ങ്ങ​ളു​ടെ പ്ര​സ്താ​വ​ന​യും അ​നു​ബ​ന്ധ രേ​ഖ​ക​ളും സ​ഹി​തം പ്ര​ഖ്യാ​പ​ന തീ​യ​തി മു​ത​ൽ അ​ഞ്ച് ദി​വ​സ​ത്തി​നു​ള്ളി​ൽ സ​മ​ർ​പ്പി​ക്ക​ണം. ഇ​തി​ൽ പ​ത്ത് ദി​വ​സ​ത്തി​ന​കം തീ​രു​മാ​ന​മു​ണ്ടാ​കും.