ഇബ്ര ഹായിമയിൽ വെടിവെപ്പ്: ഒരാൾ കൊല്ലപ്പെട്ടു, രണ്ടുപേർക്ക് ഗുരുതര പരിക്ക്

മസ്കത്ത്: ഇബ്ര വിലായത്തിലെ ഹായിമയിലുണ്ടായ വെടിവെപ്പിൽ ഒരാൾ കൊല്ലപ്പെടുകയും രണ്ടുപേർക്ക് ഗുരുതരമായി പരിക്കേൽക്കുകയും ചെയ്തു. സംഭവവുമായി ബന്ധപ്പെട്ട് ഒമാനി സ്വദേശിയായ പ്രതിയെ വടക്കൻ ശർഖിയയ ഗവർണറേറ്റ് പൊലിസ് കമാൻഡ് അറസ്റ്റ് ചെയ്തു.

സ്വദേശി പൗരൻ മുൻ വൈരാഗ്യത്താൽ വെടിയുതിർത്തതാണെന്നാണ് പ്രാഥമിക വിവരം. വെടിയേറ്റവരിൽ ഒരാൾ സംഭവസ്ഥലത്തുതന്നെ മരിക്കുകയും മറ്റ് രണ്ടുപേർക്ക് ഗുരുതര പരിക്കേൽക്കുകയുമായിരുന്നു. പരിക്കേറ്റവരെ ഉടൻ തന്നെ വിദഗ്ദ ചികിത്സക്കായി ആശുപത്രിയിലേക്ക് മാറ്റി. പ്രതിക്കെതിരെയുള്ള നിയമനടപടികൾ പൂർത്തിയാക്കി വരികയാണെന്ന് ആർ.ഒ.പി അറിയിച്ചു.