അ​മേ​രി​ഗോ വെ​സ്പു​ച്ചി കാ​ണാ​നാ​യി സ​ന്ദ​ർ​ശ​ക ഒ​ഴു​ക്ക്

മ​സ്ക​ത്ത്: സു​ൽ​ത്താ​ൻ ഖാ​ബൂ​സ് തു​റ​മു​ഖ​​ത്തെ​ത്തി​യ ഇ​റ്റാ​ലി​യ​ൻ നാ​വി​ക ക​പ്പ​ലാ​യ അ​മേ​രി​ഗോ വെ​സ്പു​ച്ചി കാ​ണാ​നാ​യി സ​ന്ദ​ർ​ശ​ക​രു​ടെ ഒ​ഴു​ക്ക് തു​ട​രു​ന്നു. വ്യാ​ഴം, വെ​ള്ളി ദി​വ​സ​ങ്ങ​ളി​ലാ​യി സ്കൂ​ൾ വി​ദ്യാ​ർ​ഥി​ക​ള​ട​ക്കം ആ​യി​ര​ക്ക​ണ​ക്കി​നാ​ളു​ക​ളാ​ണ് ഇ​വി​ടേ​ക്ക് എ​ത്തി​യ​ത്. മു​ൻ​കൂ​ട്ടി ബു​ക്ക് ചെ​യ്യു​ന്ന​വ​ർ​ക്ക് മാ​ത്ര​മാ​യി​രു​ന്നു പ്ര​വേ​ശ​ന അ​നു​മ​തി ന​ൽ​കി​യി​രു​ന്ന​ത്. https://visitthevespucci.khimjisshipping.om/ എ​ന്ന ലി​ങ്ക് വ​ഴി​യാ​യി​രു​ന്നു ബു​ക്കി​ങ് ന​ട​ന്നി​രു​ന്ന​ത്.

എ​ന്നാ​ൽ, പ​ല​ർ​ക്കും ബു​ക്ക് ചെ​യ്യാ​ൻ സാ​ധി​ച്ചി​ലെ​ന്നും ബു​ക്കി​ങ് പൂ​ർ​ണ​മാ​യി​രി​ക്കു​ക​യാ​ണെ​ന്ന അ​റി​യി​പ്പു​മാ​ണ് ല​ഭി​ച്ച​തെ​ന്ന് മ​ല​യാ​ളി​ക​ള​ട​ക്ക​മു​ള്ള പ്ര​വാ​സി​ക​ൾ പ​റ​ഞ്ഞു. ഞ​യ​റാ​ഴ്ച​വ​രെ ക​പ്പ​ൽ ഇ​വി​ടെ​യു​ണ്ടാ​വു​മെ​ങ്കി​ലും ശ​നി​യാ​ഴ്ച​വ​രെ​യാ​ണ് പൊ​തു​ജ​ന​ങ്ങ​ൾ​ക്ക് പ്ര​വേ​ശ​ന​മു​ള്ള​ത്.

ഫെ​ബ്രു​വ​രി​യി​ൽ ഇ​റ്റ​ലി​യി​ലെ ലാ ​സ്പെ​സി​യ​യി​ൽ ലോ​ക പ​ര്യ​ട​നം അ​വ​സാ​നി​പ്പി​ക്കു​ന്ന​തി​നു​മു​മ്പ് ക​പ്പ​ൽ സ​ഫാ​ഗ (ഈ​ജി​പ്ത്), ലാ​ർ​നാ​ക്ക (സൈ​പ്ര​സ്) എ​ന്നി​വി​ട​ങ്ങ​ളി​ലും പ​ര്യാ​ട​നം ന​ട​ത്തും.

ബു​ധ​നാ​ഴ്ച​യാ​യി​രു​ന്നു ക​പ്പ​ൽ സു​ൽ​ത്താ​ൻ ഖാ​ബൂ​സ് തു​റ​മു​ഖ​ത്തെ ആ​റാം ബെ​ർ​ത്തി​ൽ എ​ത്തി​ച്ചേ​ർ​ന്ന​ത്. ഒ​മാ​നി​ലെ ഇ​റ്റാ​ലി​യ​ൻ അം​ബാ​സ​ഡ​ർ പി​യ​ർ​ലൂ​ജി ഡി ​എ​ലി​യ, അ​ഡ്മി​റ​ൽ എ​ന്‍റി​ക്കോ ക്രെ​ഡ​ൻ​ഡി​നോ, ഇ​റ്റാ​ലി​യ​ൻ നാ​വി​ക​സേ​നാ മേ​ധാ​വി, പ്രാ​ദേ​ശി​ക ഭ​ര​ണ​കൂ​ട​വും സൈ​നി​ക ഉ​ദ്യോ​ഗ​സ്ഥ​രും ചേ​ർ​ന്നാ​ണ് സ്വീ​ക​രി​ച്ച​ത്.

വെ​സ്പു​ച്ചി​യും തു​റ​മു​ഖ സ​ന്ദ​ർ​ശ​ന​ത്തോ​ട​നു​ബ​ന്ധി​ച്ച് ഇ​റ്റാ​ലി​യ​ൻ നാ​വി​ക​സേ​നാ മേ​ധാ​വി അ​ഡ്മി​റ​ൽ എ​ന്‍റി​ക്കോ ക്രെ​ഡ​ൻ​ഡി​നോ സു​ൽ​ത്താ​നേ​റ്റി​ൽ എ​ത്തി​യി​ട്ടു​ണ്ട് . ഇ​റ്റാ​ലി​യ​ൻ നാ​വി​ക​സേ​ന​യു​ടെ പ​രി​ശീ​ല​ന​ക്ക​പ്പ​ലാ​യ അ​മേ​രി​ഗോ വെ​സ്പു​ച്ചി വേ​ൾ​ഡ് ടൂ​റി​ന്‍റെ ഭാ​ഗ​മാ​യാ​ണ് ഒ​മാ​നി​ലേ​ക്കു​ള്ള വ​ര​വ്. ഒ​മാ​നി​​ലേ​ക്കു​ള്ള ക​പ്പ​ലി​ന്‍റെ ആ​ദ്യ സ​ന്ദ​ർ​ശ​ന​മാ​ണി​ത്.

തൊ​ണ്ണൂ​റു വ​ർ​ഷ​ത്തി​ലേ​റെ പാ​ര​മ്പ​ര്യ നാ​വി​ക ക​പ്പ​ലാ​ണ് അ​മേ​രി​ഗോ വെ​സ്പു​ച്ചി. ഇ​റ്റ​ലി​യു​ടെ ലോ​ക​ത്തി​ലെ ഏ​റ്റ​വും അ​റി​യ​പ്പെ​ടു​ന്ന ചി​ഹ്ന​ങ്ങ​ളി​ൽ ഒ​ന്നാ​ണ്. 2023 ജൂ​ലൈ ഒ​ന്നി​ന് ജെ​നോ​വ തു​റ​മു​ഖ​ത്ത്നി​ന്നാ​ണ് ക​പ്പ​ൽ പു​റ​പ്പെ​ട്ട​ത്. ഇ​റ്റ​ലി​യെ ഒ​രു രാ​ജ്യ​മാ​ക്കി മാ​റ്റു​ന്ന സം​സ്കാ​രം, ച​രി​ത്രം, ന​വീ​ക​ര​ണം, ശാ​സ്ത്രം, ഗ​വേ​ഷ​ണം, സാ​ങ്കേ​തി​ക​വി​ദ്യ എ​ന്നി​വ ഇ​തി​നോ​ടൊ​പ്പം പ്ര​ച​രി​പ്പി​ക്കു​ക​യും ചെ​യ്യു​ന്നു​ണ്ട്.