അ​ക്ഷ​ര​ജാ​ല​കം തു​റ​ന്നു

മ​സ്ക​ത്ത്​: മ​ധ്യ​വേ​ന​ൽ അ​വ​ധി​ക്ക് ശേ​ഷം രാ​ജ്യ​ത്തെ സ്വ​ദേ​ശി സ്‌​കൂ​ളു​ക​ളി​ൽ പു​തി​യ അ​ധ്യാ​യ​ന വ​ർ​ഷ​ത്തി​ന്​ തു​ട​ക്ക​മാ​യി. വി​വി​ധ ഗ​വ​ർ​ണ​റേ​റ്റു​ക​ളി​ലെ സ്കൂ​ളു​ക​ളി​ൽ വി​ദ്യാ​ർ​ഥി​ക​ൾ​ക്ക്​ ഊ​ഷ്മ​ള​മാ​യ സ്വീ​ക​ര​ണ​മാ​ണ്​ ല​ഭി​ച്ച​ത്. കോ​വി​ഡ് നി​യ​ന്ത്ര​ണ​ങ്ങ​ൾ പ​രി​പൂ​ർ​ണ​മാ​യി ഒ​ഴി​ഞ്ഞ ശേ​ഷം അ​ധ്യ​യ​നം സ​മ്പൂ​ർ​ണ​മാ​യി ക്ലാ​സ് മു​റി​ക​ളി​ലേ​ക്ക് മാ​റി എ​ന്ന സ​വി​ശേ​ഷ​ത​കൂ​ടി ഇ​ത്ത​വ​ണ​യു​ണ്ട്. രാ​വി​ലെ ത​ന്നെ കു​ട്ടി​ക​ൾ ഉ​ത്സാ​ഹ​ത്തോ​ടെ സ്‌​കൂ​ളു​ക​ളി​ലെ​ത്തി. പ്ര​ത്യേ​ക അ​സം​ബ്ലി​ക​ളോ​ടെ​യാ​ണ് വി​ദ്യാ​ര്‍ഥി​ക​ളെ വി​ദ്യാ​ല​യ​ങ്ങ​ൾ വ​ര​വേ​റ്റ​ത്.

മ​ഹാ​മാ​രി​യു​ടെ പി​ടി​യി​ല​മ​ർ​ന്ന​തി​നാ​ൽ ക​ഴി​ഞ്ഞ ര​ണ്ടു വ​ർ​ഷ​ങ്ങ​ളി​ലും നേ​രി​ട്ടു​ള്ള ക്ലാ​സു​ക​ളു​ടെ എ​ണ്ണം കു​റ​വാ​യി​രു​ന്നു. എ​ന്നാ​ൽ, ഈ ​അ​ധ്യ​യ​ന വ​ർ​ഷം​തൊ​ട്ട്​ ത​ങ്ങ​ളു​ടെ പ​ഴ​യ​കാ​ലം തി​രി​ച്ചെ​ത്തു​ന്ന​തി​ന്‍റെ സ​ന്തോ​ഷ​ത്തി​ലാ​ണ്​ വി​ദ്യാ​ർ​ഥി​ക​ൾ. 1,422 സ​ര്‍ക്കാ​ര്‍ സ്‌​കൂ​ളു​ക​ളി​ലാ​യി ഏ​ഴ​ര​ല​ക്ഷ​ത്തി​ൽ​പ​രം വി​ദ്യാ​ര്‍ഥി​ക​ളാ​ണ് വീ​ണ്ടും പ​ഠ​ന​മു​റ്റ​ത്തേ​ക്കെ​ത്തി​യ​ത്​. മ​ല​യാ​ളി​ക​ള​ട​ക്ക​മു​ള്ള സ്വ​ദേ​ശി സ്‌​കൂ​ളു​ക​ളി​ലെ അ​ധ്യാ​പ​ക​രും നീ​ണ്ട വേ​ന​ല​വ​ധി​ക്ക് ശേ​ഷം നാ​ട്ടി​ൽ​നി​ന്ന് മ​ട​ങ്ങി​യെ​ത്തി​യി​രു​ന്നു. 57,033 അ​ധ്യാ​പ​ക​രാ​ണ്​ ഈ ​അ​ധ്യ​യ​ന വ​ർ​ഷ​ത്തി​ലു​ള്ള​ത്​​. ഇ​തി​ൽ 69.5 ശ​ത​മാ​ന​വും വ​നി​ത അ​ധ്യാ​പ​ക​രാ​ണ്​; 39,637 പേ​ർ. 17,396 പു​രു​ഷ അ​ധ്യാ​പ​ക​രാ​ണു​ള്ള​ത്. ഇ​വ​ർ ക​ഴി​ഞ്ഞ​യാ​ഴ്ച​ത​ന്നെ ജോ​ലി​യി​ൽ തി​രി​ച്ചെ​ത്തി​യി​രു​ന്നു.

സാ​മൂ​ഹി​ക സു​ര​ക്ഷ വി​ദ്യാ​ർ​ഥി​ക​ളു​ടെ സ്കൂ​ൾ സാ​മ​ഗ്രി​ക​ൾ​ക്കു​ള്ള സാ​മ്പ​ത്തി​ക വി​ഹി​തം അ​വ​രു​ടെ ബാ​ങ്ക് അ​ക്കൗ​ണ്ടു​ക​ളി​ൽ മ​ന്ത്രാ​ല​യം നേ​ര​ത്തെ നി​ക്ഷേ​പി​ച്ചി​രു​ന്നു. വി​ദ്യാ​ര്‍ഥി​ക​ളു​ടെ യാ​ത്ര സു​ര​ക്ഷ​ക്കാ​യി സ്‌​കൂ​ള്‍ ബ​സ് ഡ്രൈ​വ​ര്‍മാ​ര്‍ക്ക് റോ​യ​ല്‍ ഒ​മാ​ന്‍ പൊ​ലീ​സ് മാ​ർ​ഗ​നി​ര്‍ദേ​ശ​ങ്ങ​ള്‍ ന​ല്‍കി​യി​ട്ടു​ണ്ട്. റോ​ഡു​ക​ളി​ലും സ്കൂ​ൾ പ​രി​സ​ര​ത്തു​മാ​യി റോ​യ​ൽ ഒ​മാ​ൻ പൊ​ലീ​സ്​ ക​ഴി​ഞ്ഞ​ദി​വ​സം നി​രീ​ക്ഷ​ണം ന​ട​ത്തി​യി​രു​ന്നു.

അ​ർ​ഹ​രാ​യ വി​ദ്യാ​ർ​ഥി​ക​ൾ​ക്ക് സ്‌​കൂ​ൾ ആ​വ​ശ്യ​ങ്ങ​ൾ ല​ഭ്യ​മാ​ക്കാ​നു​ള്ള നി​ർ​ദേ​ശ​ങ്ങ​ൾ ന​ൽ​കി​യ സു​ൽ​ത്താ​ൻ ഹൈ​തം ബി​ൻ താ​രി​ഖി​ന്​ വി​ദ്യാ​ഭ്യാ​സ മ​ന്ത്രി ഡോ. ​മ​ദീ​ഹ ബി​ൻ​ത് അ​ഹ​മ്മ​ദ് അ​ൽ ഷൈ​ബാ​നി ന​ന്ദി പ​റ​ഞ്ഞു. അ​ധ്യ​യ​ന വ​ർ​ഷാ​രം​ഭ​ത്തോ​ട​നു​ബ​ന്ധി​ച്ച് വി​ദ്യാ​ർ​ഥി​ക​ളെ​യും അ​ധ്യാ​പ​ക​രെ​യും അ​ഡ്മി​നി​സ്ട്രേ​റ്റി​വ്, ടെ​ക്നി​ക്ക​ൽ സ്റ്റാ​ഫി​നെ​യും വി​ദ്യാ​ഭ്യാ​സ മ​ന്ത്രി അ​ഭി​ന​ന്ദി​ക്കു​ക​യും പു​തി​യ അ​ധ്യാ​പ​ക​രെ സ്വാ​ഗ​തം ചെ​യ്യു​ക​യും ചെ​യ്തു.